معروض عليا فانتازيا ٢٠١٢ فئة تانية للبدل مع أوكتافيا a5 ٢٠٠٨ هاي لاين

[abohalmos]

معروض عليا فانتازيا ٢٠١٢ عاملة ٨٥ الف كم فئة تانية
لون اسود و فرش جلد اسود فابريكة للبدل مع
عربيتي أوكتافيا ٢٠٠٨ a5 هاي لاين وكيل فابريكة عاملة ١٧٠ الف كم
المفروض ادفع فرق في حدود كام ؟؟

و هل البدل ده مجدي بالنسبة ليا من ٢٠٠٨ الي ٢٠١٢
و لا مش فارقة ؟؟

[ashouhdy]

العربيتين واحد تغير لية !

[nagy wassef]

مع كامل الاحترام العربيتين مش واحد
الفانتازيا احسن عربية سيدان سكودا دخلتها مصر
كانت معايا
بس هتدفع فرق محترم
انا معرفش عربية حضرتك تجيب كام
بس الفانتازيا تعمل حوالي ١٦٠
فتيس الفانتازيا افضل و تلافوا العيوب اللي ظهرت في بعض موديلات الa5
مش هتعرف الفرق غير لما تقتنيها

[شاهين - بنز]

جلد أسود فابريكة وفئة تانية طب إزاي ؟؟

[abohalmos]

جلد أسود فابريكة وفئة تانية طب إزاي ؟؟

انا طبعا عارف انه الفانتازيا أحسن عربية لسكودا في مصر
و انه تقريبا خالية من العيوب اللي ظهرت في الموديلات
السابقة .. و عشان كدة الفكرة جات في بالي

بالنسبة للفرش الجلد انا شوفت فيها فرش اسود
يمكن مش فابريكة و الراجل قال فئة تانية و انا شوفت العربية
مفهاش فتحة سقف و الدركسيون مالتي فانكشن

انا طبعا معنديش خبرة في فئات الفانتازيا

بس الفكرة طقت في دماغي لما شوفت العربية

فإيه رأيكم ؟؟ انا عربيتي زي الفل و هاي لاين و فيها كل الكماليات
ما شاء الله .. انا محتار لانه الكيلو متر عندي عالي و خايف العربية
لو كملت ٢٠٠ الف سوقها مش هايجيب حاجة .. كمان فات عليها ٧ سنين
و الفانتازيا موديل ٢٠١٢ . و الكيلو بتاعها ٨٥ الف مش وحش
و لا ايه ؟؟ و الراجل بيتكلم في ١٧٥ تمن عربيته قابلة للتفاوض
و معندوش مانع ياخد عربيتي و ادفع الفرق .. ممكن الفرق يكون
في حدود ٦٠ الف .. انا حاسس انه كدة كتيير اوي ..
و لو بعت عربيتي يبقي أحوط المبلغ ده في عربية زيرو
و أنساها كام سنة ؟؟

[hany63]

العربيه حالتها مش بالكيلومتر متهيئلي فهمت قصدي
لو هتغير هات زيرو و ريح بالك كام سنه
بالتوفيق

[hamo81]

رأيي تبيع عربيتك وتجيب زيرو وتقسط الباقي أفضل من أنك تشتري مستعمل وممكن تظهرلك مشاكل فيها
وفرق 60 ألف كتير بين العربيتين , عربيتك ممكن تعمل 125 لو مستعجلتش في بيعها
وربنا يوفقك للأفضل ...

[mario_9111]

A5 لو مش راشه حاجه هتعمل من 120 إلى 130 في الفئه الاخيره الفانتازيا جميله طبعا بس هتدفع الفرق ده كله ومش هتحس بالتغير جامد لان الركوبه واحده الفرق الشكل الخارجي وده واضح في الفوانيس والشبكه ومن الداخل الشاشه بس ودا هتدفع فيه كل الفلوس دي

[midoelmodamer]

انا رايى 175 كتيير اوى عليها انت لو بتدور على التجديد وعربية تنساها فعلا ممكن تزود على ال 175 دول 20 الف كمان وهات ال a7 الجديدة زيرو عربية ما شاء الله حلوة جدا حتى لو الفئة الاولى وترش الاوكر المرايات فى التوكيل بنفس لون العربية انما طبعا لو تقدر تجيب تانى فئة هتلاقى معظم الكماليات اللى عايزها

[abohalmos]

انا رايى 175 كتيير اوى عليها انت لو بتدور على التجديد وعربية تنساها فعلا ممكن تزود على ال 175 دول 20 الف كمان وهات ال a7 الجديدة زيرو عربية ما شاء الله حلوة جدا حتى لو الفئة الاولى وترش الاوكر المرايات فى التوكيل بنفس لون العربية انما طبعا لو تقدر تجيب تانى فئة هتلاقى معظم الكماليات اللى عايزها

معلش انا مش فاهم ليه ارش الاوكر المرايات فى التوكيل او يعنى ايه الكلام ده

[ebrahim_mh]

يا باشاااا حرام عليك انت هتحس انك معملتش حاجة وكمان تدفع 60الف يا باشا ممكن تضبط عربيتك بسعر مناسب وهتبقى احسن من الفانتازيا

[midoelmodamer]

معلش انا مش فاهم ليه ارش الاوكر المرايات فى التوكيل او يعنى ايه الكلام ده

الفئة الاولى اوكتافيا a7 بتبقى الاوكر والمرايات لونها اسود مش نفس لون العربية فبيبقى شكلها وحش لكن ممكن تترش فى التوكيل تبقى نفس لون العربية وهى دى اكتر مشكلة بتضايق فى الفئة الاولى لما حد يروح يشتريها ويضطر بدور على بدايل بالرغم انها عربية فوق الممتازة عن تجربة بس دة طبعا لو مش فارق معاك فرق الكماليات لانك نازل من هاى لاين واكيد اتعودت على كماليات كتير ساعتها الفئة الاولى مش هتنفعك لانها تعتبر فاضية من الكماليات وطاسات كمان مش جنوط ممكن تدور على الفئة التانية ولو فرق السعر لقيتة كبير خليك فى عربيتك واهتم بيها طلاما مش مزعلاك فى حاجة

[abohalmos]

الفئة الاولى اوكتافيا a7 بتبقى الاوكر والمرايات لونها اسود مش نفس لون العربية فبيبقى شكلها وحش لكن ممكن تترش فى التوكيل تبقى نفس لون العربية وهى دى اكتر مشكلة بتضايق فى الفئة الاولى لما حد يروح يشتريها ويضطر بدور على بدايل بالرغم انها عربية فوق الممتازة عن تجربة بس دة طبعا لو مش فارق معاك فرق الكماليات لانك نازل من هاى لاين واكيد اتعودت على كماليات كتير ساعتها الفئة الاولى مش هتنفعك لانها تعتبر فاضية من الكماليات وطاسات كمان مش جنوط ممكن تدور على الفئة التانية ولو فرق السعر لقيتة كبير خليك فى عربيتك واهتم بيها طلاما مش مزعلاك فى حاجة

الف شكر لاهتمام حضرتك

انا العربية دلوقتى مش عاملة اى مشاكل و انا مظبطها من كله و مش ناقصها حاجة

بس هيا الكيلو بتاعها عالي شوية عاملة ١٧٥ الف كم

و حالتها كويسة و لله الحمد بس خايف لو قعدت معايا اكتر السعر بتاعها ينزل بسبب الكيلو العالى بتاعها

و كمان محتار اجيب ايه ..... وواحد صاحبى جاب سكودا الجديدة اول فئة و مستنى اجربها شوية