كم تتكلف رشه نظافه لاوكتافيا a5 في التوكيل ؟؟

[mina_opel]

معايا اوكتافيا a5 موديل ٢٠٠٧ وكنت عايز اديها رشه نظافه كده بالاكصدامات
هي مش محتاجه سمكره خالص
وكنت بفكر اروح ارشها في التوكيل اضمن بس كنت حابب اعرف تكلفه الرش كام
وشكرا لاصدقاء المنتدي
انا من الاسكندريه لو حد يعرف حد شاطر ونظيف ممكن يقولي عليه بس ارجوكم يكون مجربه

[Adnfalcon]

وانا معاك .. متابع
مره كان ارتوك عامل عرض ب 3000 جنيه

[nagy wassef]

واحد صاحبي رش عندهم رفرف و كانت مسييلة و شكلها زبالة اخر عك

و دفع ١٦٠٠ سمكرة و دوكو

لو مكانك اسأل علي انواع البوية المحترمة و المعجون و روح لواحد صنايعي برا جامد بدل ما تتسكع مبلغ محترم و في الاخر بيتلصقوا

الناس هنا ممكن تفيدك بانواع بوية من برا

[mina_opel]

فين الردود ياشباب

انتم فين ياشباب المنتدي
مافيش اي اسعار او انواع للبويا

[lord_adel]

المعجون كله واحد سواء في التوكيل او برا التوكيل كله بيستخدم المعجون الابيض
انما البويه ديه انواع من اول 120 جنيه للكيلو لحد 1500 للكيلو وعن تجربه كلهم واحد مش بيفرقوا المهم هوة طبقة الورنيش الى بتترش بعد البويه هيه ديه الى عليها الحمل والشمس والتراب
انا لما رشيت جبت نوع بويه متوسط بس جبت ورنيش نضيف جدا ... هتتكلف بره التوكيل 2000 جنيه
وفى التوكيل 4500 جنيه "مركز الاقصى"
بس نصيحه بما انك هترش نضافه فلو فيها سمكرة اعملها بالمرة