الفنتازيا اسهل عربية بتتقلب

[dr.amr]

شوفت بوست في احد الصفحات ع الفيس

لشخص ما لا انكر خبرتة الميكانيكية

ولكنة بيقول ان الفنتازيا اسهل عربية بتتقلب ف التاريخ

ومركز الثقل بتاعها غلط

وتوزيع الوزن غلط

وانة خيطها بلانوس بتاعتة


ياريت لو حد اتقلب بالفنتازيا قبل كدة يحكيلنا عن تجربتة

[SYD]

لا هو ما قالش انها بتتقلب
هو قال انه خيطها

[Abo_Mazen]

الكلام ده على الأوكتافيا ..؟؟؟!!!!!!أحيه ..إزاي الكلام ده ...ده أنا بشوف ليها مناورات وثبات عجيب

[dr.amr]

لا هو ما قالش انها بتتقلب
هو قال انه خيطها

لا شوف في الردود هتلاقي احد الافاضل قايل الاعجاز دة

[SYD]

لا شوف في الردود هتلاقي احد الافاضل قايل الاعجاز دة

هشوف تاني

[SYD]

فعلا في الردود في كلام علي انها بتتقلب

[ashouhdy]

تتقلب !!!!! اذاي يا جدع

[tamerking]

كلام غلط تمااااااااااااااااااما
واالله وعن تجربه وليس سمع ان الفانتازيا دى عمرها ما هتتكرر تانى واللى ينزل منها ماينفعش يركب غير مرسيدس او بى ام
وربنا الشاهد على كلامى

[hamo81]

الفانتازيا من أكثر العربيات الموجودة في السوق ثباتها ممتاز على السرعات العالية بعد المرسيدس والبي إم

[AHMEDJUDDY]

كلام غلط تمااااااااااااااااااما
واالله وعن تجربه وليس سمع ان الفانتازيا دى عمرها ما هتتكرر تانى واللى ينزل منها ماينفعش يركب غير مرسيدس او بى ام
وربنا الشاهد على كلامى

100% صح وانا كمان ربنا يشهد علي كلامي .

[AHMEDJUDDY]

بسم الله الرحمن الرحيم وبه نستعين
في شم النسيم اللي قبل اللي فات كنت رايح شرم الشيخ بالفنتازيا ودي كانت اول مره اروح بالعربيه
دايما بركب اوتوبيس رحلات او طيران وكانت هذه الرحله ممتعه جدا بالفنتازيا وكنت ماشي 160 الي 180 كم/س والرحله اخدت تقريبا خمس ساعات و نصف بدون توقف عدا اني احط بنزين كل لما تنزل ربع لاني اول مره امشي علي الطريق والمسافه طويله ومكونتش اعرف مكان المحطات فين . فقولت اخليني في الامان.
طبعا ناس كتير منكم عارفين طريق شرم عامل ازاي و خصوصا لما تقرب من شرم الطرق اللي بين الجبال اللي واخده لفات و دورانات . وكانت معايا زوجتي و اولادي واتعودت شويه علي الملفات وانا ماشي اني اخودها بسرعتي 160 الي 180 و اذ فجأه قابلت ملف عادي وكنت فاكره عادي لكن طلع ملف ضيق بميل الي الاسفل وعرفت كل المعلومات دي او لاحظتها علي بعد 5 او 7 متر من المصيبه دي وطبعا انتو عارفين ان الطريق بين الجبال ضيق حبتين وفرده واحده رايح جاي . المهم دخلت علي الملف ورجلي علي الفرامل لاني مطلوب مني في لحظه من الزمن اني اخد الملف ده بسرعتي 160 الي 180 علي الضيق في ملف بمنزل بين جبلين وحاره ضيقه والعربيات جايه في المقابل بدون فواصل او رصيف . اتشاهدت في سري وكانت عائلتي معايا ... طبعا كان هيغمي عليهم ... ودخلت اونا رجلي علي الفرامل و اخدت الملف الضيف بدوان و منزل وحسيت ان فرده الكاوتش الخلفيه ناحيه الراكب اللي جنبي اترفعت من علي الارض ...
تعليقي علي العربيه ..... بصوا هو كل شئ في الاول و الاخر بتاع ربنا بس اقسم بالله انا اعتقد انه اللي حصل ده لو كنت راكب عربيه كوري كنت اتقلبت او دخلت علي الحاره اللي في المقابل .. والله العظيم العربيه اتزانها ملهوش حل .. ثابته زي الظلطه علي الارض في اي سرعه .. بقيت بتعمد اخد بيها ملفات علي سرعات مختلفه و الله عمرها ما كسفتني ... المصيبه الوحيده فيها انها لو تحتها تراب او رمله هتتزحلق وكل العربيات في الوضع ده هتتزحلق المرسيدس و البي ام حتتزحلق ... والله العظيم انا بفكر جديا في البيجو 508 او الفولفو ال s60 بس خايف اني ابيع الفنتازيا و اركب حاجه من الاثنين دول و محسش بفرق لاني هكمل علي حقها وغير كدا انا عشري شويتين فوالله صعبانه عليا ابيعها لان صاجها كمان واكصداماتها كمان اعتقد مفيش منها دلوتي ... واسف علي الاطاله .

[moaaz]

انا جبت فانتازيا بعد كروز ...الكروز ثباتها فعلا تححفة ..الفانتازيا بقا ف الملفات اثبت مع فرق رهييييب ف القرامل لصالح الفانتازيا ..عيبها سحبها تقيل شويتين بس بس متعة ماشاء الله

[طارق _عبد السلام]

من امتى الكلام ده

اعمل غرز صعبه وانت ماشى 160 ولو حسيت بالخوف بس تبقى العربيه دى تعبانه........ الفانتازيا مكلبشه فى الارض على السرعات العاليه وعن تجارب انا عمرى محسيت بالخوف وانا ماشى باى سرعه بالعربيه لان استجابتها عاليه..وثبات رائع......... معايا كارينز لو مشيت بيها 140 بحس بالخوف ودا مش منى لا لان العربيه مش مطمنانى بسبب فرق الثبات

[zangry]

ماشي هي بتتقلب يبعها وميركبهاش تاني :d

[dr.amr]

بسم الله الرحمن الرحيم وبه نستعين
في شم النسيم اللي قبل اللي فات كنت رايح شرم الشيخ بالفنتازيا ودي كانت اول مره اروح بالعربيه
دايما بركب اوتوبيس رحلات او طيران وكانت هذه الرحله ممتعه جدا بالفنتازيا وكنت ماشي 160 الي 180 كم/س والرحله اخدت تقريبا خمس ساعات و نصف بدون توقف عدا اني احط بنزين كل لما تنزل ربع لاني اول مره امشي علي الطريق والمسافه طويله ومكونتش اعرف مكان المحطات فين . فقولت اخليني في الامان.
طبعا ناس كتير منكم عارفين طريق شرم عامل ازاي و خصوصا لما تقرب من شرم الطرق اللي بين الجبال اللي واخده لفات و دورانات . وكانت معايا زوجتي و اولادي واتعودت شويه علي الملفات وانا ماشي اني اخودها بسرعتي 160 الي 180 و اذ فجأه قابلت ملف عادي وكنت فاكره عادي لكن طلع ملف ضيق بميل الي الاسفل وعرفت كل المعلومات دي او لاحظتها علي بعد 5 او 7 متر من المصيبه دي وطبعا انتو عارفين ان الطريق بين الجبال ضيق حبتين وفرده واحده رايح جاي . المهم دخلت علي الملف ورجلي علي الفرامل لاني مطلوب مني في لحظه من الزمن اني اخد الملف ده بسرعتي 160 الي 180 علي الضيق في ملف بمنزل بين جبلين وحاره ضيقه والعربيات جايه في المقابل بدون فواصل او رصيف . اتشاهدت في سري وكانت عائلتي معايا ... طبعا كان هيغمي عليهم ... ودخلت اونا رجلي علي الفرامل و اخدت الملف الضيف بدوان و منزل وحسيت ان فرده الكاوتش الخلفيه ناحيه الراكب اللي جنبي اترفعت من علي الارض ...
تعليقي علي العربيه ..... بصوا هو كل شئ في الاول و الاخر بتاع ربنا بس اقسم بالله انا اعتقد انه اللي حصل ده لو كنت راكب عربيه كوري كنت اتقلبت او دخلت علي الحاره اللي في المقابل .. والله العظيم العربيه اتزانها ملهوش حل .. ثابته زي الظلطه علي الارض في اي سرعه .. بقيت بتعمد اخد بيها ملفات علي سرعات مختلفه و الله عمرها ما كسفتني ... المصيبه الوحيده فيها انها لو تحتها تراب او رمله هتتزحلق وكل العربيات في الوضع ده هتتزحلق المرسيدس و البي ام حتتزحلق ... والله العظيم انا بفكر جديا في البيجو 508 او الفولفو ال s60 بس خايف اني ابيع الفنتازيا و اركب حاجه من الاثنين دول و محسش بفرق لاني هكمل علي حقها وغير كدا انا عشري شويتين فوالله صعبانه عليا ابيعها لان صاجها كمان واكصداماتها كمان اعتقد مفيش منها دلوتي ... واسف علي الاطاله .

فعلا لو تحتها تراب الاية بس اس بيشتغل
بس معرفش لية بتتزحلق برضة
هل ليها حل