قبل شراء Octavia A5 2007

[Alsherbiny]

السلام عليكم ورحمه الله وبركاته

اولا احب ان اوجه الشكر للاخوه :

Abo_Mazen - Eng_f3lix - hugan

علي نصيحتهم الغاليه بالابتعاد عن عربيه اخري مشكوك في امرها في موضوع سابق..


ثانيا محتاج رايكم في التقرير ده اتعمل في توكيل نور الدين في اسكندريه:



* انا عارف ان اي انسان طبيعي لو شاف تقرير بالمنظر ده مش هيفكر بدون تردد هيرفض العربيه, بس انا رحت بيها لميكانيكي موثوق به تماما (ميكانيكي العائله) وقالي ان كل دي شكليات وحاجات التوكيل بيكتبها علشان يشتغل.. المهم وحده بلوف الفتيس ودي غاليه لو فالتوكيل ب 12 الف ولو بره ب 7 بس دي مش هنغيرها علي طول ياعني وممكن تعيش مع العربيه سنتين تلاته كمان وهنغير الزيت ونعمل شويه صيانات خفيفه كده.. والفتيس جربناه وسلس ومافهوش اي نتش بالعكس والماكينا فايقه والعربيه خساره اتوكل علي الله وخلص فيها.

انا قولت برضه رايكم يهمني لان اللي مجرب غير اللي حاسس.. مستني ارائكم بصدر رحب

[mo7a_mo7a]

انا مش حقبل تقرير من مكان بيكتب
مساعدي
كبالين
فرد كاوتش
سيانة 120
بانل

[AHMEDJUDDY]

انا مش حقبل تقرير من مكان بيكتب
مساعدي
كبالين
فرد كاوتش
سيانة 120
بانل

كلام صحيح وانا كمان مع هذا الرأي
كشفوا ازاي علي العربيه و هما اصلا مبيعرفوش يكتبوا

[Alsherbiny]

ياشباب ماعلينا بالاخطاء اللغويه.. المهم المضمون؟؟

اشتري ولا بلاش!!

[Fawzy.Abdelnour]

سؤال
هى العربيه دىموديل كام و عامله كام كم؟؟؟

[Eslam.Elrefaey]

الكلام الى هى عايزاه ده كتير بصراحة وبفلوس فراى شوف حاجة تانية احسن

[Abo_Mazen]

أنا شايفها بصراحه كلها شكليات ..بإستثناء موضوع البلوف ده ..ممكن اللي حضرتك عامل حسابك عليه ما يحصلش ..وتلاقي الفتيس إداك الوش التاني ..وتلاقي نفسك أمام موقف إن البلوف دي لازم تتغير عشان الفتيس يضبط ..ممكن يكون الفتيس معموله مسكن وبعد كده هيفتح معاك ..بس برضه ..المركز اللي عمل ا لتقرير ده غريب قوي ..أنا أعرف إن التقارير دي بتبقى بالإنجليزي عشان المسمى العلمي بتاع كل حاجه يبقى صح وبعد كده ممكن يديك نسخه مترجمه تقدر تشتغل بيها ..إنما مش لدرجة سيانة ال 120

[طارق _عبد السلام]

هو مركز خدمه ولاتوكيل ؟

انا شايف انه شرد العربيه دى تلاقيها بتمشى وهى واقفه

ما اظنش كل ده....... او عايز يشتغل وخلاص..علبه بلوف يعنى العربيه بترزع فى النقلات
جنوط .... العربيه مش هتكون مظبوطه فى المشى
عوامه البنزين الامبير مش هيقرأ....... وهتخرف ... ممكن حاجات هتحسها بنفسك قبل الكشف
وبعدين صيانه 120 فيها من التغيرات دى... ولا هما عايزين يكتروا الكتابه وهما اساسا مبيعرفوش يكتبوا

بس جميله سيانه 120 بجد

[Alsherbiny]

هو مركز خدمه ولاتوكيل ؟

انا شايف انه شرد العربيه دى تلاقيها بتمشى وهى واقفه

ما اظنش كل ده....... او عايز يشتغل وخلاص..علبه بلوف يعنى العربيه بترزع فى النقلات
جنوط .... العربيه مش هتكون مظبوطه فى المشى
عوامه البنزين الامبير مش هيقرأ....... وهتخرف ... ممكن حاجات هتحسها بنفسك قبل الكشف
وبعدين صيانه 120 فيها من التغيرات دى... ولا هما عايزين يكتروا الكتابه وهما اساسا مبيعرفوش يكتبوا

بس جميله سيانه 120 بجد

العربيه عامله 125 الف كيلو وموديل 2007 والفتيس شغال ولا في نتشه ولا حاجه.. بس فالتقرير كاتبين كده يبقي ايه الوضع؟!

[Fawzy.Abdelnour]

125 الف كيلو و كل ده؟؟؟
انا افتكرتها معديه ال200

[Alsherbiny]

طيب ايه هي صيانهال 120 الف؟؟ بيتغير فيها ايه؟ وايه الفروض اعمله فالعربيه اول ماجبها؟

[طارق _عبد السلام]

طيب ايه هي صيانهال 120 الف؟؟ بيتغير فيها ايه؟ وايه الفروض اعمله فالعربيه اول ماجبها؟

بتغير فيها زيت فتيس فلتر فتيس- سير الكاتينه- بليه وشداد الكاتينه- سير دينامو - زيت موتور - فلتر زيت موتور-فلتر هواء- فلتر بنزين - فلتر تكييف- بوجيهات- تيل فرامل - ديسكات الفرامل- بتراجع على العفشه- ومراجعه شامله على العربيه --------------------- يعنى دى اكبر صيانه للعربيه

[aqwsderfgtyhju]

م/ طارق عبد السلام
السلام عليكم ليه سؤال عند حضرتك انا لسه شاري بفضل الله عربيه a5 2007 عامله 155 الف ك من اسبوع كشفت عليها في توكيل النصر اوتو طريق المحله وكتبلي في التقرير ان العربيه عايزه كرسي ميزان وجلدتين كوبلن يمين وتغير بوجيهات
بس انا بلاحظ وانا واقف بالعربيه ورجلي علي الفرامل والفتيس علي الP بهزه خفيفه في العربيه هل دا طبيعي ولا السبب البوجيهات
وكنت عايز حد قريب من الحرفيين اغير عنده الحاجات دي

في فواتير الصيانه ال صاحب العربيه ادهالي توكيل ارتك اوتو كاتب صيانه ال60 الف بس عداد العربيه مكتوب في التقرير 118 الف فلما سالت صاحب العربي قالي دي صيانه ال120 الف بس عاملين كوبي من صيانه ال60 الف فهل دا صحيح
معلش اعذرني طولت عليك
الف شكر لمجهودك في القسم

[Eng.Tarek Eladwy]

السلام عليكم ورحمه الله وبركاته

اولا احب ان اوجه الشكر للاخوه :

Abo_mazen - eng_f3lix - hugan

علي نصيحتهم الغاليه بالابتعاد عن عربيه اخري مشكوك في امرها في موضوع سابق..


ثانيا محتاج رايكم في التقرير ده اتعمل في توكيل نور الدين في اسكندريه:



* انا عارف ان اي انسان طبيعي لو شاف تقرير بالمنظر ده مش هيفكر بدون تردد هيرفض العربيه, بس انا رحت بيها لميكانيكي موثوق به تماما (ميكانيكي العائله) وقالي ان كل دي شكليات وحاجات التوكيل بيكتبها علشان يشتغل.. المهم وحده بلوف الفتيس ودي غاليه لو فالتوكيل ب 12 الف ولو بره ب 7 بس دي مش هنغيرها علي طول ياعني وممكن تعيش مع العربيه سنتين تلاته كمان وهنغير الزيت ونعمل شويه صيانات خفيفه كده.. والفتيس جربناه وسلس ومافهوش اي نتش بالعكس والماكينا فايقه والعربيه خساره اتوكل علي الله وخلص فيها.

انا قولت برضه رايكم يهمني لان اللي مجرب غير اللي حاسس.. مستني ارائكم بصدر رحب

السلام عليكم ورحمة الله وبركاتة
بغض النظر عن السقطات الاملائية بس لازم نحط في الحسبان انها ممكن تكون صح و اليي بيكتب التقارير مش مهندسين ولا الفنين اليي كشفو عن العربية . هنعتبرة جالة بس مش معني كدة ان اليي كاتبة او اليي متقالة يكتبة يكون غير صحيح
مبدائيا الميكانيكي اليي حضرتك روحتلة مع احترامي لية كان ممكن يكشف هو علي كل حاجة و يبلغك و انا هقول لحضرتك اسعار الحاجة دي بالتقريب و المشاكل الملموسة فيها . و حضرتك ممكن تحكم
1 - المساعدين الامامي ( أصلي 1950 ) الماني في حدود 1200 الى 1300 و دة بتبقي العربية واطية من قدام و لما بتاخد مطب بتحك او تحسها مش محملة ومبتعملش صوت النزلة و الطالعة و بيبقي ليها صوت مميز
2 - البطاحات ( 375 ) و دي لما حضرتك بتاخد المطب بتحس بخبطة و بتبقي عالية عن مكانها
3 - جلب المقصات ( 275 ) و بتحس بصوت اسفل العربية ومع المطبات
4 - باقي الحاجات جلب الميزان و الاتياش بتحس بصفة عامة العربية مش مظبوطة عفشة و فيها اصوات غريبة
5 - الكبالن الداخلية و الخارجية الكاملة ( الناحيتين 12400 ) و استيراد في حدود 3500 و صيني في حدود 3000 (الكبالن الداخلية بتحس باهتزاز من سرعة 60 الى 80 ) الكبالن الخارجية بطقطقة في الملفات )
6 - التيل و الطنابير دة ممكن اي صبي ميكانيكي يقولك اذا كان محتاجين يتغيرو او لا
7 - كالون الباب الامامي حضرتك ممكن تلاحظ من فتح الباب هل يظهر علي شاشاة السيارة ان الباب مفتوح او لا ,. و هل النور بينور مع فتح الباب و دة غالبا استيراد في رينج 500 جنية
8 - مفتاح السنتر دة بكل سهولة تشوفة شغال ولا لا و بيبقي في رينج 200 جنية
9 - وحدة الزجاج الرئيسية ( في رينج 350 جنية ) و برضو بسهولة تعرف اذا كانت شغالة ولا لا
10 - الدينامو ممكن من الشحن او قياسة عند اي محل بتاع بطاريات يقدر يفيدك في موضوع الدينامو دة و بيبقي في رينج 600 استيراد
11 - وحدة بلوف الفتيس ممكن حضرتك تحس بنتشة او دبة مع الغيارات و ممكن برضو عن طريق الكمبيوتر تعرف حاجة زي كدة و دي بتبقي في حدود 6000 جنية استيراد
12 - حساس الشكمان بيبان عن طريق الجهاز و اذا العربية استهلاكها للبنزين عالي او قلة سحب السيارة
13 - عوامة البنزين ممكن حضرتك تشوف هل شغالة او لا و هل قرائة الموشر مثل قرائة الارقام الديجيتل في العداد
14 - ذراع الاشارات سهل جدا حضرتك تجربة و تشوفة هل بيعلق هل مبيشتغلش
15 - صيانة ال 120 دي صحيحة بما ان عربية حضرتك عاملة 125000
و تفضل احدي الاعضاء و قال لحضرتك الحاجة اليي بتتغير و لو كلها اصلي مش هتقل عن 5000 جنية ..
في الاول و الاخر لازم الحذر الحذر لان لو نص اليي كاتبينة دة صح انصحك تصرف نظر عن العربية عشان متتبهديلش و تكره العربية زي ما كتير اتخنقو
تحياتي لحضرتك
م . طارق العدوي

[Fawzy.Abdelnour]

دي كده ييجي 20.000 جنيه.
يا حلاوه