Tweet
بسم الله الرحمن الرحيم
الاخوة الأعضاء نظرا لكثرة ظهور مشكلة تلف الفالف بادى أو عدم أدائه بكفاءته السابقة لأكثر من عضو لذا قررت انى اعمل هذا الموضوع ليكون مرجع لأعضاء المنتدىوسوف يكون الشرح على فتيس الاوكتافيا العادى الستيبترونيك
أولا المحافظة على الفالف بادى.. يجب ان تكون حرارة زيت الفتيس في النورمال رينج وذلك عن طريق قياسه برنامج VCDs إذا زادت درجه حرارة زيت الفتيس عن كده وذلك لعده أسباب منها " استخدام زيت رديء – الزيت القديم فقد لزوجته" وجب تغييره وقد اتفق الاغلبيه على انه كل 60 الف كيلو للزيت الاصلى ...إذا لم يتم تغييره تبدأ بظهور المشكله تدريجيا نتيجه الاحتكاك وزياده نسبه الرايش .الا ان تتفاقم. لذا يراعى قياسه كل فتره للاطمئنان
وده فيديو يوضح طريقة قياس درجه حرارة زيت الفتيس باستخدام برنامج VCDs
https://www.youtube.com/watch?v=YEFUR9lVhlI
حاجه مهمه كمان عند تغيير الزيت لابد وان تكون السيارة بارده تماما وذلك لان زيت الفتيس AFT اذا زادت درجه حرارته عن 50 درجه مؤيه ولو حضرتك زودت والعربيه سخنه مش هتاخد الزيت كله لأن هذا الزيت بيتمدد بالحرارة وهيكون منسوب الزيت داخل الفتيس غير صحيح. طيب ونعرف ازاى العربيه سخنه ولا لأ قبل تغيير الزيت الجديد نقيس درجه حرارة زيت الفتيس يجب ان لا تتعدى 45 درجه
Skoda Workshop Manuals > Octavia Mk2 > Power transmission > Gearbox 09G > Automatic gearbox, control, assembly, housing > Checking and topping up ATF level > Checking and topping up ATF level > Inspection
نيجى بقى للأصلاح.
أولا مفيش حاجه اسمها المشكله ملهاش حل ومفيش حاجه اسمها غير الفالف بادى... انما أساس المشكله الاساسيه للأسف هي انعدام الضمير لدى هذا الشعب العريق
لمن واجهته هذه المشكله عالشان يكون عارف وميتضحكش عليه لأزم يكون عارف الحاجات ديه
- مش معنى ان الدبه الو حتى الرزعه ظهرت ان كده البادى فالف باظ ممكن تكون المشكله ياى بايظ او سلونيد مسدود او حتى سلونيد بايظ
وده فيديو بيوضح طريقه قياس السلونيد عالشان تبقى عارف ومحدش يضحك عليك وفيه القيمه الموضحه لكل واحد يعنى الأستاذ الى يقلك السلونيد دوه بايظ وقعد يقيسه بالافوميتر تعرف اذا كان صادق ولا بيشتغلك ممكن يقعد يقيس وبعدين يقولك البادى بتاعك عاوز يتغير وانا عندى واحد كويس ويدبسك في فرق محترم مع ان الفالف بادى بتاعك احسن منه ذي محصل مع واحد مش فاكر هنا في المنتدى او في منتدى آخر واخده وبعدين بعد لما مشى بيه لقاه اوحش من بتاعه ورجعله تانى وربنا كرمه لما لقى الصنايعى الى عنده قاله عقل الفتيس بتاعك انضف من الى هوة ركبهولك "بعد لما اداله 50 جنيه" وفى الأخر غير سلونيد ب 200 جنيه واتحلت مشكلته المهم الفيديو ده بيوضح قياس كل واحد. فيه 6 سلونيد كبار الحجم الواحد مقاومته 5.7 اوم واثنين ضغار الحجم الواحد 12.8 اوم
https://www.youtube.com/watch?v=62IFlv0WA1s
مش لازم قوى يكون بالضبط ممكن يكون قريب منه اهم حاجه مش يكون open circuit لأن السلونيد ده من الداخل سلك ملفوف عند دخول التيار له يحدث مجال مغناطيسى فيقوم بالفتح أوعند عدم مرور التيار به يقوم بالاغلاق انما لو ادانا open circuit معنى كده ان الملف الداخلى له مقطوع او السلك وصله تيار كهربى زياده مما أدى الى تلفه
وعلى فكره برده حتى لو كده انا شوفت فيديوهات بتقوم بفكه وتصليحه "لفه بسلك جديد بنفس التخانه وعدد اللفات"
المهم عندنا هنا بنقوم بتغيريه بواحد استيراد في حدود 200 جنيه
تحدت هذا السلونيد يوجد ياى هذا الياي هوة المسئول عن رجوع الجزء المتحرك في السلونيد في حاله عدم وجود التيار لكى يحكم الغلق وهذا الياى تكون منه نسبه 90% من المشكله تتجمع عليه الرواسب ولا يعمل بكفائته مما يسبب عدم احكام قفل السلونيد فيسبب الدبه الملاحظه
وده فيديو يوضح عمل صيانه للفالف بادى
https://www.youtube.com/watch?v=lTGQCMzm-5U
ارجوا ان أكون وفقت في الشرح
Comment