فتيس الاسكودا

[خالد دياب]

بسم الله الرحمن الرحيم

بعد التحيه


السؤال عن فتيس الاسكودا العادي الستب ترونك دكذا واحد بيقولي سواء غيرت الزيت او لاء الفتيس مبيعمرشي وهيبوظ وده تمنه 25 الف ده اللي مخوفني من عيله فولكس كلها عيب الفتيس ايه مدي صحه الكلام ده يا ريت حد يفيدنا وشرح يكون كافي ووافي لاني بصراحه متلخبط

[mario_9111]

في حاجه في الدنيا بتبوظ لوحدها من غير سبب دي العربيات الكوري الفتيس مبيبوظش بدون سبب ياراجل والصيني كمان مش عارف ازاي تفهم الموضوع كده كل حاجه مع الصيانه والعناية والاهتمام بتكون زي الجديده

[خالد دياب]

مهو ده اللي احنا بنتكلم عليه mario_9111 انت كاتب معاك كرولا واكتافيا الكرولا سمعت حاجه عن الفتيس بتعها ابدا الكوري اللي انت مستقل بيه سمعت عن فتيسها حاجه ابدا وهي كلها عربيات اقل من الاوكتافيا انما الاوكتافيا كل ما اكلم حد يقولك ركوبه ووحش على الارض بس الفتيس بتاعها العمر الافتراضي بتعها قصير بياكل في بعضه وده كلام منكقي في سلع استهلاكيه معمره وجودتها كويسه وفي سلع جودتها ممتازه بس العمر الافتراضي ليها مش كبير انا يسال السؤال ده علشان نحط ادينا على مدى مصداقيه الكلام ده بالنسبه لاكتافيا وليه ديما يقولك الياباني اعتماديته اعلى يا ريت حد يشرحلنا الكلام ده وشكرا

[Adnfalcon]

خلاصه الكلام فالنقطه دي. . زيت الفيتيس لازم يتغير قبل 60 الف كم

[Abo_Mazen]

خلاصه الكلام فالنقطه دي. . زيت الفيتيس لازم يتغير قبل 60 الف كم

الفتيس كله على بعضه كده يتغير قبل 60 الف كيلو ...؟؟؟!!!!!!

طيب لو أنا مشيي قليل أعمل إيه ؟؟؟...

إفرض معملتش ال 60 الف في الضمان ..أعمل إيه ؟؟؟!!!!

[AHMEDJUDDY]

يا جماعه مفيش الكلام ده
الحمد لله والشكر لله العربيه داخله معايا على ال 70000 كم و الفتيس بنفس كفاءته زي أول يوم سوقتها . وغيرت زيت الفتيس و فلتر زيت الفتيس في التوكيل في صيانه ال 60000 كم والحمد لله كله تمام . وعربيه اعتماديه وده رأيي المحايد مش علشان أنني أحد ملاكها والله العظيم أنني لا أكذب في أي كلمه من اللي اقولها لكل من لا يعرف الفانتازيا.
ده لحد دلوقتي أي حد بيبعها وحاله كويسه بيقعد حاطط رجل على رجل ويتقمر على اللي ليشتري . والكلام ده مش من فرااغ . أنا من كام يوم كنت في شارع فيصل وراكن صف اول و الساعه كانت 2 ظهرا و مشغل الانتظار ولقيت سوزوكي فإن الصغيره جايه تركن ورايا وانا واقف عند باب السواق و فجاءه دخل في عربيتي من ورا والحمد لله انى ما كونتش واقف عند الاكصدام الخلفي ودخل دخله محترمه صوتها يخض ولقيت الاكصدام الحديد عنده اتعوج و لقيت الاكصدام الفبر عندي حته دخلت لجوا وبعد ما بهدلته جاء واحد صاحبه و مد ايده من ورا الاكصدام و خبطه من جوا لقيته رجع زي ما هو...
والله العظيم لو في عربيه كوري ولا ياباني كان نزل الاكصدام في الأرض ...
واسف على الاطاله .

[Adnfalcon]

الفتيس كله على بعضه كده يتغير قبل 60 الف كيلو ...؟؟؟!!!!!!

طيب لو أنا مشيي قليل أعمل إيه ؟؟؟...

إفرض معملتش ال 60 الف في الضمان ..أعمل إيه ؟؟؟!!!!

انت قريت كلامي غلط
انا قلت زيت الفتيس اللي بيتغير مش الفتيس
بس لو مغيرتش زيت الفتيس وارد جدا تغير فتيس هههههههه

[خالد دياب]

الاستاذ الكريم احمد جادو الكلام بتاع حضرتك ملوش دعوه بالموضوع اصلا متانه الصاج وخلافه مش محور الكلام الكلام كله على الفتيس احنا عارفين العربيه حلوه ومتعه والكلام ده انما الفتيس عامل رعب للناس ومحدش بيثق في الفتيس بتعها سواء dsg او حتى الاستيب ترونك 6 نقلات ناس بتقول مشكله body valve لسه موجوده وده راجع لتصميم الفتيس من الداخل وطريقه حط الزيت كل فني او توكيل بيتكلم على كيفه ولسه في قلق من الفتيس فياريت خبراتنا تتركز على النقطه دي خصوصا ان حضرتك من ركاب العربيه

[eng_amg]

إراي بس الفتيس ياكل في بعضة ويبوظ بدون إهمال؟
يعني البورا والباسات والأكتافيا الأوتوماتيك من موديل 98 كلهم مغيرين فيتيس؟
أعتقد مش ممكن يعني...

[nagy wassef]

في بعض الدفعات في الa5 كان فعلا فيه مشكله لكن في الفانتازيا مظهرش حاجة
بالنسبة للكوري مفيهوش مشكلة في الفتيس لسبب بسيط ان الفتيس مش عليه حمل علشان العربيات مش نفس وزن العربيات الالماني اللي محتاج موتور قوي اكبر من ١٦٠٠ و بالتالي بيبقي في حمل علي الفتيس اللي بيجر وراه دبابة

[mario_9111]

على فكره كتير ا تكلمنا في موضوع التقل ده والحكايه مش وزن لأن a5 أعلى فئه 1290 كيلو وانا وزنتها بسكول أما الطلعه البطيئة دي طبيعه الألماني كله تقريبا او محتاج بنزين 95 أو موتور أقوى وفتيس اوكتافيا 6 نقلات طبعا احلى كتير من كورولا 4 نقلات

[طارق _عبد السلام]

هاجس الفتيس الدائم

نغيير الزيت فى وقته..ويكون اصلى مع الفلتر بيحافظ على الفتيس

[AHMEDJUDDY]

الاستاذ الكريم احمد جادو الكلام بتاع حضرتك ملوش دعوه بالموضوع اصلا متانه الصاج وخلافه مش محور الكلام الكلام كله على الفتيس احنا عارفين العربيه حلوه ومتعه والكلام ده انما الفتيس عامل رعب للناس ومحدش بيثق في الفتيس بتعها سواء dsg او حتى الاستيب ترونك 6 نقلات ناس بتقول مشكله body valve لسه موجوده وده راجع لتصميم الفتيس من الداخل وطريقه حط الزيت كل فني او توكيل بيتكلم على كيفه ولسه في قلق من الفتيس فياريت خبراتنا تتركز على النقطه دي خصوصا ان حضرتك من ركاب العربيه

يا باشا تغيير الزيت و الفلتر في ميعاده في التوكيل . وطريقه سواقه كويسه
من غير قرص و فرك و تقسيط غيارات . وكله على الله في الأول والآخر
كل شئ وارد في الدنيا و في أي حاجه ..... أهم حاجه النيه