شويه مشاكل

[gbgeorge]

من كام يوم كده لاحظت ظهور شويه مشاكل فى العربيه عندى
العربيه موديل 2005 مانيوال
اول حاجه جيت اشغل التكييف لاحظت انه بيطلع هوا بس من غير ساقعه مع العلم انى من كام يوم كان شغال تمام . فهل ده سببه ايه
ثانيا بسمع صوت طقه من ناحيه اليمين لما اجى اتحرك واحيانا بتظهر لما اجى اركن يعنى لما الف الدريكسيون او احيانا على الطوالى
ثالثا بعد ماغيرت الزيت و الصنايعى راح يركب المصفحه من تحت المسامير الخلفيه مرديتش تركب و بتلف على الفاضى الرجل الصنايعى قالى دى عايزه تتغير لان الصاموله الموجوده جوه فوتت . دى حلها ايه
ياريت حد يفيدنى علشان الحاجات دى فعلا خايف تعمل مشكله

[طارق _عبد السلام]

التكييف اضغط زرار a/c الاول وشغله متعتمدش على بكره المروحه ولو مسقعش اكشف على الشحن
الطقطقه ممكن كوبلن او عفشه............ لو بتيجى فى الملفات يبقى كوبلن

مسامير المصفحه هتشوف الاول السن هو اللى بايظ ولا الصاموله والتالف هيحتاج تغيير

[gbgeorge]

التكييف اضغط زرار a/c الاول وشغله متعتمدش على بكره المروحه ولو مسقعش اكشف على الشحن
الطقطقه ممكن كوبلن او عفشه............ لو بتيجى فى الملفات يبقى كوبلن

مسامير المصفحه هتشوف الاول السن هو اللى بايظ ولا الصاموله والتالف هيحتاج تغيير

هو انا عندى مافيش زرار a/c هو بكره المروحه ياما على صفر و كده التكييف مش شغال او اخليها على السرعات 1 او 2 او 3 ولما بحب اطفى التكييف بجيبها على صفر .
بالنسبه للطقه هى مش بتظهر على طول يعنى احيانا فى بدايه التحرك بس متهيألى لو كوبلن هاتبقى الطقطقه على طول
المشكله فى الصاموله ايلى جوه القنطره مش عارف دى تتغير ازاى

[طارق _عبد السلام]

الصاموله ممكن تتمشط بدكر قلاووظ وبوجى

[gbgeorge]

فيه حاجه تانى لاحظتها امبارح وانا بحاول اشوف الطقه دى سببها ايه
لاحظت ان المسافه بين فرده الكاوتش و الرفرف فى الناحيه اليمين ايلى بسمع من عندها الطقه اصغر من المسافه ايلى بين الكاوتش و الرفرف فى الناحيه الشمال . هل ده ليه تفسير

[gbgeorge]

انا روحت امبارح لمركز الصيانه ايلى بتعامل معاه فى الحرفيين بعد ماقولتله على المشكله رفع العربيه و بعدين راجع على العفشه فوجد انه التيش بتاع الميزان و باره الدريكسيون ايلى فى الجنب اليمين بايظين روحت جيبت تيشين و بارتين يمين و شمال و غيرهم وبعدين روحت جربت مفيش صوت وبعدين طبعا روحت ظبطت زوايا و العربيه بيقيت تمام
قولت بالمره طالما انا موجود هنا اشوف موضوع التكييف روحت لواحد اول ماكشف على المواسير لقى تسريب من عند expansion فقالى ده لازم يتغير روحت جيبت واحد استيراد و طبعا العربيه مكانش فيها فريون لانه كله كان اتسرب و ركب الجديد و شحن الفريون و نضف الفلتر و كشف تانى بحيث يتأكد انه مافيش تسريب و بصراحه التكييف اصبح تلاجه

بعد كل ده ماتبقاش فيه وقت تانى اشوف موضوع المصفحه دى هاخليها يوم تانى

[Moratoz]

الحمد لله علي الأصلاح بس يا ريت تقول بقي الأسعار والمصنعيات ومنين

[gbgeorge]

[QUOTE=Moratoz;3875992693]الحمد لله علي الأصلاح بس يا ريت تقول بقي الأسعار والمصنعيات ومنين[/QUO

فى البدايه انا جيبت 2 تيش ميزان و 2 طرف باره دريكسيون من محل اعرفه فى شارع المرسيدس دول تكلفتهم 200 جنيه و المركز اخد تركيب 120 جنيه
بعد كده ظبطت زوايا برده هناك ب 30 جنيه

نيجى لموضوع التكييف
اشتريت expansion من نفس المحل ايلى اشتريت منه قطع الغيار ب 100 جنيه
و مركز الصيانه اخد قيمه الشحن و التركيب 250 جنيه

المحل مش عارف اسمه ايه بس معايا رقم تليفونه و بتاع التكييف موجود امام مركز سيد جولف لصيانه الالمانى