حجزت اوكتافيا 4a

[lawyer2006]

الحمد الله حجزت اوكتافيا 4a وان شاء الله هستلمها يوم الاحد ارجو من سيادتكم نصائحكم الغالية عن الحجات المفروض اخد بالي منها وقت الاستلام في العربية وهل كتاب الضمان بستلمه مع العربية ولا بعد الترخيص ارجوكم متبخلوش عني بالمعلومات وشكرا لحضراتكم

[Michael_Lanos]

لازم يكون مكان محترم علشان ساعات بياخدوا حاجات جايه معاها بس بصراحه انا مقدرش اقولك
دور على النت يمكن تلاقى الحاجات اللى بتيجي معاها

[lawyer2006]

شكرا يا استاذ ميشيل انا حجزتها من ناشيونال موتورز بس بيقولو انها مبتجيش معاها حاجه غير طقم طاسات العجل والايريل بس عندي استفسار لملاك العربية ان كان الكاسيت بتعاها بيشتغل علي mp3 وهل في وصله بتيجي معاه

[george_2you]

الف الف مبروك على العربية الجديدة

[kramera]

لا يا باشا مفيش حاجات تانى..انا معايا a4 خليجى هيا 2006
الكاسيت عادى اسمه سمفونى..ومفيش وصلة ام بى 3
ولو ليك اى استفسار قول
والف الف الف الف مبروووووووووووووووووووك

[lawyer2006]

الله يبارك فيكم انا هستلمها يوم الاحد ان شاء الله بس قالولي اني مش هستلم كتاب الضمان غير بعد ما ارخص العربية واجبلهم رخصتها هو الكلام ده مظبوط ؟ انا مش جايبها من ارتوك اوتو نفسه انا جيبها من موزع معتمد اسمه ناشيونال موتورز عندي سؤال مهم بعد اذنكم انا قريت مداخله لاحد الاعضاء بيقول انه مش قادر يغير زيت للعربية بسبب التصفيح الموجود من تحت الموتور هو الكلام ده صحيح لاني شاكك بصراحة في الكلام ده خاصة اني اعرف ان تغير زيت الماتور عن طريق الشفط بيضر بموتور العربية لانه ممكن يئثر علي بعض الاجزاء مصنوعة من الكاوتش موجوده اعلي السلندرات وسؤالي الاخير ايه نوع الفلتر والزيت المستخدم لاوكتافيا الa4 والف شكر لحسن تعاونكم

[karimone]

الف مبروك

الف مبروك...
قلنا حجزت بكام؟ و إيه الأوبشنز اللي فيها؛ مثبت سرعه و سي دي ولا أيه

[KHALED AYMAN]

يا باشا متشغلش بالك بموضوع شفط الزيت ده و حاول تعمل صيانتها فى التوكيل بانتظام عشان تحافظ على العربيه لانهم بيعرفو الاجزاء الى هتبوظ و يغيروها او يصلحوها .
هى عربيتك مصرى ولا خليجى؟؟؟؟؟انا اتفرجت على واحده خليجى كان فيها سى دى كينوود؟؟؟

[lawyer2006]

الحمد الله انا استلمت العربية هي مصري مش خليجي بضمان ارتوك اوتو السعر 124الف جنيه مانيوال بدون مثبت السرعة فيها سي دي ماركت اسكودا نازل مع العربية وشاشة الكمبيوتر الموجودة في التابلوه بتوضح رقم التراك الشغال عليه السي دي او رقم قناة الراديو وفيها ايرباج واحد للسواق وفرامل ايه بي اس الكمبيوتر بتاعها عجبني جدا بسيط وفي نفس الوقت الشاشة بتاعته فيها كل البيانات درجة حرارة الجو البنزين الموجود في العربية ممكن يعمل كام كيلو ومتوسط استهلاك البنزين فيها لمبات بتبين حالة اجزاء العربية ذي الكترونيات الموتور و الايرباج والفرامل والبطارية وحزام الامان وبتطفي كلها بعد ثواني وبعد الكمبيوتر ما يتاكد من سلامة الاجزاء العربية مشيت بيها 100 كيلو فقط مقدرش اقيمها بس مبسوط منها الحمد الله عربية تحس فيها بالمتانه وان الناس الصنعتها مش بتلعب عربية الماني فعلا كراسي مريحه جدا الصالون يمكن ضيق شويه بس مش عيب كبير الشنطه كبيرة بشكل وهمي فرامل قوية جدا جدا معرفش التكيف اخباره ايه انا جربته بس وكانت استجابته سريعة صاج العربية متين جدا ثبات العربية ممتاز الباور مش خفيف ومش تقيل يحسسك انك سايق عربية قوية بس لاحظت حاجه غربية ان في غطا اسود مغطي الماتور بالكامل لاحظت وجود اثار زيت من فوقه بس المكان ده لامكان فلتر ولا مكان ممكن يخرج منه زيت علي العموم الاحتمال الاقوي انه كان ممكن يكون مادة زي الشحم وساحت مع سخونة الموتور علي العموم انا هحاول اسئل واتاكد واتمني ليكم جميعا التوفيق

[mahmoud_magdy]

الف الف مبروك
ربنا يديك خيرها ويبعد عنك شرها اللهم امين
ومتنساش الصور وتقييم العربيه بعد التليين
شكرا

[shahin]

m3alshy s2al 3'arep hwa alsama3at ally wara sha3'ala?

[mido_919]

الف مبروك يا باشا انا معايا a4 خليجي 2006 وفيها كاسيت سيمفوني عادي مفهوش وصلة mp3 بس الموضوع ده حليته بالشريط ال mp3 ومعهاش دفتر ضمان ومفهاش مثبت سرعة
ربنا يباركلك فيها

[KHALED AYMAN]

الف الف مبروك يا باشا على العربيه و مستنين التقيم و الصور

[lawyer2006]

الله يبارك فيكم جميعا واشكركم علي ذوقكم العالي بالنسبه للسماعات الورا فيها سمعات صغيرة جمب اكرة الباب بس للعلم النظام الصوتي في العربية من كاسيت وسماعات ممتاز وممكن تضيف كمان سماعات من اي نوع في النضاره الخلفيه الفوق الشنطه للعلم انا مش محتاج ازود فيها اي سماعات لاني مش من هوات الصوت العالي العربية حاليا بطلع بيها علي طريق سريع عشان التلين اقصي سرعة جبتها ال90 كيلو بس تحس ان العربية عايزا تجري اكتر ثباتها اكثر من رائع يطلع منك نقل كساح اي عربية مفيش اي ثئثير اخويا معاه شفرليه اوبترا بس لو طلع منك نقل تحس انها عومت بسيط وان كان ثباتها في الملفات ممتاز الاوكتافيا تفتح الكابوت اغلب الاجزاء فيها مكتوب عليها vw فولكس فاجن وده بيديك ثقه اكبر في العربيه العربيه من غيار انذار ولا روافع زجاج العفشة ممتازه متحسش بمطبات العربية عالية عن الارض فتكفيك شر اي مطبات في تصفيح كامل اسفل الموتور وان كنت عرفت ان التصفيح ده بجبرك تغير الزيت بنظام الشفط من الموتور لان الصتفيح قافل علي طبة الزيت واي سؤال انا تحت امركم

[shahin]

shkran leraddak
we rabena ybareklak fiha