بعد مرور عامين هل تفوقت ايه7 علي فنتازيا

[dr.amr]

هو سؤال محيرني كل مابشوف العربيتين في الشارع قدامي


هل ال ايه 7 تتفوق ع الفنتازيا وتستحق ان تكون الموديل الاحدث

وهل فيه فرق محسوس لو سوقت العربيتين ولصالح مين فيهم

ياريت اللي جرب يفيدني

[monamize4]

اوكتافيا iii مقدرتش تحقق الصورة اللى رسمها السوق المصرى لخليفة الفانتازيا (اوكتافيا ii)

[dodo2000]

الفانتازيا افضل و a5 , a4 - الرابيد و الa7 تحس انهم نزلو من مستوى سكودا اصلا

[Adnfalcon]

لما تلاقي العفشه فالموديل الحديث تورشن بيم .. والقديم مالتي لينك
لما تلاقي مفيش تحسن ملحوظ فالموتور
تعرف ان اللي اتغير مجرد شكل العربيه
تعرف ليه الفانتازيا و ال a5 أفضل بكتيييييير

[احمد البحيري]

A7 هي نموذج صارخ للاحتيال علي المستهلك المصري والاستخفاف به استناداً علي السمعة الطيبة السابقة للفانتازيا
a7 في المجمل هي شكل جميل يسير بموتور قديم علي عفشة متهالكة لا تصلح الا لجرار زراع ، اما عن التسعير فإني أتساءل أين الأجهزة الرقابية من سيارة يزيد سعرها الرسمي 30000 ج.م. في عام واحد دون إضافة أي تطوير ملحوظ في السيارة.

[mo7a_mo7a]

التوكيل قتل العربية بسياسته الفاشلة

[dr.amr]

واضح ان فيه اجماع انها اقل من الموديل الاقدم
بالنسبة للعفشة سالت في التوكيل هل هي انشف ولا اطري من الفنتازيا
و كان الرد تلقائي جدا وسريع انها انشف
ولدهشتي عدت عليه السؤال وكان نفس الرد السريع
بس المره ده زود انها انشف عشان تبقي اثبت
اثبت ازاي يعني وهي الفنتازيا مش ثابته؟؟!!
وهي الفنتازيا اصلا تعتبر ناشفة الي حد ما
امال ال ايه 7 علي كلامه تبقي ايه

[AHMEDJUDDY]

واضح ان فيه اجماع انها اقل من الموديل الاقدم
بالنسبة للعفشة سالت في التوكيل هل هي انشف ولا اطري من الفنتازيا
و كان الرد تلقائي جدا وسريع انها انشف
ولدهشتي عدت عليه السؤال وكان نفس الرد السريع
بس المره ده زود انها انشف عشان تبقي اثبت
اثبت ازاي يعني وهي الفنتازيا مش ثابته؟؟!!
وهي الفنتازيا اصلا تعتبر ناشفة الي حد ما
امال ال ايه 7 علي كلامه تبقي ايه

أي كلام بيتقال ... المهم أنهم يبيعوا و خلاص وبعد كدا يحلها ربنا في الصيانه .
هي دي مصر ... واللي شرب من نيل مصر ميستغربش أي حاجه !!!!!