مساعده ضروري .. العربيه بتنقط زيت من تحت

[dr.mohameddddd]

السلام عليكم انا معايا سكودا اوكتافيا a5 2008 عامله 90000 كيلو
لما اطلع بالعربيه الصبح بلاقيها منقطه زيت من تحت فضلت متابع الموضوع شويه لقيت ان العربيه بعد ما تكون دايره وطالع بيها مشوار اول لما اركن تفضل تنقط شويه وبعدين التنقيط يقف خالص
يعني طول ماهى واقفه تبطل تنقط اول لما تمشي و اجى اقف تانى ترجع تنقط افيدوني لو سمحتم ...
النهارده وانا سايق ظهرتلي رساله انى ضغط الزيت واطى قمت موقف العربيه بسرعه وشغلتها بعد 5 دقايق اختفت الرساله والعربيه مشيت تمام بس حاسس ان صوت الماتور بقي اعلى من الاول انا خايف تكون مشكله كبيره حد يطمني لو سمحت

[A7medelfe2y]

هي هتبقي كبيره لو اهملت الموضوع
وهي بتبان اكتر اما تكون دايره عشان طلمبه الزيت بتكون شغاله فالزيت بيتحرك عشان كدا بتنقط
الحل
لازم تغسل العربيه كويس جدا من تحت عشان تقدر تحدد المكان الي الزيت بينزل منه وتغسل الموتور
وبعدها علطول تروح للمركز بتاعك او الميكانيكي الي بتتعامل معاه وان شاء الله هتبقي بسيطه
انما لو سبتها الموتور هيقفش واكتر من كدا كمان

[A7medelfe2y]

هي هتبقي كبيره لو اهملت الموضوع
وهي بتبان اكتر اما تكون دايره عشان طلمبه الزيت بتكون شغاله فالزيت بيتحرك عشان كدا بتنقط
الحل
لازم تغسل العربيه كويس جدا من تحت عشان تقدر تحدد المكان الي الزيت بينزل منه وتغسل الموتور
وبعدها علطول تروح للمركز بتاعك او الميكانيكي الي بتتعامل معاه وان شاء الله هتبقي بسيطه
انما لو سبتها الموتور هيقفش واكتر من كدا كمان

[lancer06]

السلام عليكم ورحمه الله وبركاته
مرحبا اخى الكريم
دور عربيتك الصبح سخنها وبطل

شد عصايه مقياس الزيت وأتأكد من مقاسه
مظبوط تمام مش مظبوط هتروح لميكانيكى يبصلك على طابه الزيت او مكان التسريب
بعدين شد عصايه مقياس زيت الفتيس
واتأكد من منسوب الزيت قليل هتروح تزوده وبرضه تتأكد من الطابه
لو الأتنين تمام
اتأكد من منسوب زيت الباور ثم من زيت الفرامل ( الباكم )
وبإذن الله تحدد مشكلتك فين

[mizomizomizo]

كان عندي مشكلة مشابة طول ما العربية باردة مفيش زيت بينقط و لما بتسحن تنقط بسيط وكان الزيت يوحي انة من جاي من اويل سيل لكن نضفت مكان الزيت كويس و العربية باردة و ساخنت وانا متابع لقيت الزيت بيهرب من الفلتر رحت ربط الفلتر ونضف مفيش و لا نقطة زيت ظهرت بعد كدة و المشكلة ظهرت بعد تغير الزيت بحوالي شهر

[dr.mohameddddd]

شكرا يا جماعه لردودكم و اهتمامكم
انا قيست الزيت النهارده لقيته مش محصل العلامه حتي اصلا ... المفروض كده متحركش بيها واقطرها لحد الميكانيكي ولا اتحرك بيها عادى ..علامه ضغط الزيت قليل دى مظهرتليش غير امبارح ولما كنت قارص على الماتور وماشي بسرعه ..... افيدوني ضروري لو سمحتم و اقدر اذاي اعرف اذا كان حصل فى مشاكل على كده فى الماتور ولا لسه الحمد لله اتلحقت

[lancer06]

شكرا يا جماعه لردودكم و اهتمامكم
انا قيست الزيت النهارده لقيته مش محصل العلامه حتي اصلا ... المفروض كده متحركش بيها واقطرها لحد الميكانيكي ولا اتحرك بيها عادى ..علامه ضغط الزيت قليل دى مظهرتليش غير امبارح ولما كنت قارص على الماتور وماشي بسرعه ..... افيدوني ضروري لو سمحتم و اقدر اذاي اعرف اذا كان حصل فى مشاكل على كده فى الماتور ولا لسه الحمد لله اتلحقت

السلام عليكم ورحمه الله
مرحبا اخى الكريم
حاول متمشيش بالعربيه
اشترى زيت نفس النوع اللى عندك وزوده للمعدل الطبيعى
ودى العربيه للميكانيكى
خليه يتأكد التسريب جاى منين
وبعد كده نزل الزيت القديم وحط زيت جديد وغير الفلتر
وبإذن الله الموضوع مفيهوش ضرر طالما لحقت نفسك
وصوت الموتور هيرجع يهدى زى الاول بعد ما تزود الزيت
بس متمشيش بالعربيه على كده بس

[dr.mohameddddd]

السلام عليكم ....شكرا جدا لكل واحد اهتم و رد عليا متشكر جدا
انا روحت النهارده للميكانيكي وطلع ان التسريب من حاجه اسمها اويل سيل الكرنك
ده عباره عن ايه وتكلفته كام لانه قالي ده محتاج انى اروح القاهره اغيره لانى من سوهاج ومحدش بيفهم فيها هنا وقالي انا قال هسقط الماتور والفتيس ...ياريت حد يطمني ويشرحلى ويدلني على حد شاطر اعملهم عنده فى القاهره لانه قالي لازم صنايعي شاطر وشطرا جدا واسف على الاطاله