العربية مش يتدور من أول مرة .... خلاص هتجنن

[wisenada]

عربيتى A5 موديل 2005 هاى لاين.
فيها مشكلة غريبة جداً ...
العربية مش بتدور من أول مرة فى معظم المرات .. خاصة لو قعدت وقت كبير .. زى المبيت مثلا.
طبعاً اتفحصت بالجهاز أكتر من خمس مرات وعملنا التالى:

• طلمبة البنزين كانت ضعيفة .. غيرناها بواحدة جديدة أصلية وضغط الجديدة على جهاز قياس الضغط زى الفل (4 بار).
• طبعاً مع طلمبة البنزين غيرنا فلتر البنزين.
• غيرنا البوجيهات .. جديدة أصلية.
• نظفنا دايرة الإنجيكشن.
• غيرنا البطارية .. مع إن الناس اللى روحت لهم بالبطارية قالوا لى لسة كويسة وممكن تغيرها فى الشتاء .. بس قلت أخلص.

بعد كدة .. حاولنا كذا حاجة منها:

• غيرنا حساس الكرنك بجديد للتجربة ... معملش حاجة.
• فصلنا التربو ممكن يكون هو السبب... معملش حاجة.

بيقولوا هنغير حساس الحرارة ممكن يكون هو السبب .... خلاص بكلم نفسى ...
الرابط لفيديو تجربة على اليوتيوب .....

https://www.youtube.com/watch?v=KV1M1z58zL4

درات كالعادة بعد المحاولة الثالثة ....
لو حد عارف إيه ده ... يقوللى ... أرجوكممممممممممممم

[wisenada]

.
أيه يا شباب ... فينكو ...
طول عمركو معايا .. 69 قراءة ومفيش حد عنده تعليق.

أعمل ايه .... محدش شاف مشكلة زى دى قبل كده؟؟؟؟؟؟

تحياتى
محمد ندا

[hism]

لو المشكله لسه عندك قولى

[Eng.Tarek Eladwy]

حساس الكامة

[svneleven]

هي العربية ديه فيها تربو؟ و حتي لو فيهاز هو التربو بيتفصل؟

[طارق _عبد السلام]

حساس الحراره او بيقولو عليه حساس الكوعه

[Mecha]

حاجه عجيبه الفيديو دا
تدي اشعال وتدوس دواره وترجع تطفي تاني ,ليه مبتدوسي ع المفتاح للاخر.!!!!!
والدنيا شتا ادي سنه وقت.

[ayezgo266]

فيشة كونتاكت