استشاره لخبراء سكودا فانتازيا

[medhatid]

أنوي انشاء الله شراء سكودا فانتازيا ويوجد سياره موديل2013 فئه ثانيه وكيل والعداد 25,000 كم وكل الصيانات بالتوكيل وصاحب السياره يريد 200,000 نهائي والسياره تعتبر كسر زيرو وحالتها ممتازه, وشكرا للافاده

[AHMEDJUDDY]

1400cc ولا 1600cc ?

[medhatid]

1600 cc وشكرا للاهتمام

[nagy wassef]

السعر مبالغ فيه جدا
حتي لو ماشية قليل
دي مش اعلي فئة
و حتي لو اعلي فئة الاسعار مبقتش كده دلوقتي

[medhatid]

المشكلة في زيادة أسعار السيارات الجديده والتي اثرت على القديم. ما السعر المناسب لهذه السياره ويوجد سيارة اخري فئه ثانيه ٢٠١٣ و١٦٠٠ وعدد الكيلومترات ٧٣٠٠٠ ومطلوب ١٧٠٠٠٠ ولكن الكاوتش يحتاج تغيير.
وشكرًا للساده الأفاضل على الردود القيمه

[طارق _عبد السلام]

المشكلة في زيادة أسعار السيارات الجديده والتي اثرت على القديم. ما السعر المناسب لهذه السياره ويوجد سيارة اخري فئه ثانيه ٢٠١٣ و١٦٠٠ وعدد الكيلومترات ٧٣٠٠٠ ومطلوب ١٧٠٠٠٠ ولكن الكاوتش يحتاج تغيير.
وشكرًا للساده الأفاضل على الردود القيمه

السعر كويس لكن تاكد ان بها حساس خلفى...لانى شفت كتير بيركب جنط ويقول فئه ثانيه

تاكد من صيانه ال60 الف تكون معموله

تاكد ان العربيه ليس بها دهانات خارجيه

لو كله تمام السعر مناسب

[medhatid]

شكرًا للاستاذ طارق على الاهتمام

[AHMEDJUDDY]

اعتقد السعر مناسب في ظل الاسعار المولعه و ارتفاع سعر الدولار .. انا عربيتي 2012 فئه ثانيه وكيل فابريقه بالكامل و صياناتها من ال 1000 كم لحد النهارده 71000كم و من كام شهر فكرت اني ابيع وكنت عارضها علي 185 الف و جابتلي 183 الف و رجعت عن فكره البيع ساعتها و المشكله مش في ال 2000 جم الفرق ... المشكله ان لحد النهارده ان اللي ينزل من العربيه دي ميركبش الا مرسيدس او بي ام او اودي . وطبعا اسعار ناااااااار و تكلفه صيانه و قطع غيار نااااااار .

[medhatid]

وجهة نظرك يا أستاذ احمد جديره بالاحترام ايضا. المشكلة ان في ناس ترضى تنزل فى الأسعار بصوره مخيفه ودي بتبقى تقلق على أساس ان ممكن السياره تكون مرشوشه او العداد مش مضبوط. أنا شوفت فانتازيا ٢٠١٣ عامله ٨٠٠٠ كم وهاي لاين والمطلوب حوالي ٢٠٠،٠٠٠ من عند معرض وده بصراحه خلاني قلقان أكتر. هاحاول انشاء الله أدور على حاجه مناسبه خلال العيد وربنا يسهل. وشكرا للرد

[AHMEDJUDDY]

صياناتها من اول ال 1000 كم الي 71000 كم في التوكيل بجميع فواتير الصيانه بختم الوكيل في كتيب الصيانه لكل 10000كم ... دى تكمله كلامي.
فاكيد لما ابيع هيكون السعر اعلي من واحد مبيهتمش بالصيانه اصلا او بيركب قطع غيار مش اصلي .انا بشوف علي كونتاكت كار زي ما استاذ طارق كاتب في تعليقه ان حضرتك تتأكد من الفئه اللي هتشتريها لان اللعب في العربيه بقي كتير وتكون عارف الثلاث فئات اللي كانت بيهم . يعني مثلا واحد كاتب فانتازيا هاي لاين وهو مركب فرش جلد تفصيل و مركب طقم جنوط 17 استيراد طبعا و حساسات امامي و خلفي و طقم زينون مضروب وعرفتها ان مفيهاش فتحه سقف ولا كاسيت تاتش و لا بخاخات في الفوانيس الاماميه.
كل القصد ان حضرتك متستعجلش في الشراء دور علي مهلك وان شاء الله هتلاقي حاجه بيتي حلوه . والف مبروم مقدما

[mario_9111]

ربنا يوفقك

[medhatid]

شكرًا لرد سيادتكم.
حسب معلوماتي المتواضعة ان الفئه الثانية فيها طاره متلي وحساسات خلفيه ورشاشات وجنوط ١٦ وفوانيس زينون فى حين الهاي لاين يزيد عليها الجنط ١٧ وفتحة سقف وفرش جلد وسخانات للكراسي، أرجو ان تكون معلوماتي صحيحه واتمني حد يصححني اذا كنت غلطان ؟ وشكرا جزيلا

[طارق _عبد السلام]

شكرًا لرد سيادتكم.
حسب معلوماتي المتواضعة ان الفئه الثانية فيها طاره متلي وحساسات خلفيه ورشاشات وجنوط ١٦ وفوانيس زينون فى حين الهاي لاين يزيد عليها الجنط ١٧ وفتحة سقف وفرش جلد وسخانات للكراسي، أرجو ان تكون معلوماتي صحيحه واتمني حد يصححني اذا كنت غلطان ؟ وشكرا جزيلا

الجنط 17 في الهاى لاين الخليجى لكن الوكيل بيكون 16

الفرش الجلد بيكون في الهاى لاين الوكيل لكن الخليجى بيكون نصفين

سخانات الكراسى بتكون في الوكيل لكن الخليجى لا

[AHMEDJUDDY]

الفئه الثانيه وكيل تزيد عن الفئه الاولي حساسات خلفيه بتبان علي شاشه الكاسيت و جنط 15 و زينون بالبخاخات متحرك مع الدركسيون .
الفئه الثالثه وكيل تزيد فرش جلد كامل وتقريبا كرسي السواق كهرباء و فتحه سقف وسخانات كراسي و ابنوس في الطابلوه و جنط 17 شكله مميز ممكن يركب عليه كاوتش بيوصل لعرض 225 و حساسات ركن اماميه و كاسيت تاتش شكله حلو جدا ... ارجو اني اكون قد افدتك

[medhatid]

شكرًا لسيادتك للمعلومات القيمه وربنا يسهل ألاقي حاجه مناسبه وكل عام والجميع بخير