خاص برعشه في السياره

[mina_opel]

وانا مسافر امبارح بالعربيه حسيت برعشه كده بحس بيها وانا دايس علي دواسه البنزين
واول ما اشيل رجلي واقلل السرعه بتروح الرعشه دي
ممكن حد يفدني الرعشه دي سبهها ايه ياشباب
انا عربيتي اوكتافيا ٢٠٠٧

[pepo2011]

ممكن كاوتش او ترصيص
جلب
علبة الدركسيون
كوبلن

[Eng.Tarek Eladwy]

السلام عليكم و رحمة الله وبركاتة

لو الرعشة علي سرعة 60 الى 80 يبقي كوبلن داخلي
تحياتي
م . طارق العدوي

[Moratoz]

كوبلن داخلي

[mina_opel]

طب وانا اتأكد ازاي انها كوبلن داخلي ولااا ترصيص ولااا جلبه مقص

[AHMEDJUDDY]

طب وانا اتأكد ازاي انها كوبلن داخلي ولااا ترصيص ولااا جلبه مقص

اعمل ترصيص لفرد الكاوتش كلها و بعد كدا لو لقيت نفس العيب ممكن تكشف على العربيه .

[طارق _عبد السلام]

كوبلن داخلى لانك اول مابتشيل رجلك من ع الدواسه بتروح.......... والكوبلن بيرعش على سرعات بطيئه الترصيص اظن من اول تسعين بيظهرورعشته مختلفه بتظهر اكتر مع السرعه

[Mecha]

خد الفردتين اللي قدام هاتهم ورا ، ممكن الفرد فيها
فلات سبوت يبا مش هينفع ترصيص . وهيبان كبالن ولا
المكنه بتخسع مع القرص يبا طرمبه.
جلب المقص ارفع العربيه وهتبان مفروكه . او ترفع
عليها بكريك او قرصة لافيه.

[m_hagage]

لو الرعشه بتزيد معاك كل ما السرعه تزيد يبقي الكوبلن لان كل ما سرعه الكوبلن زادت تظهر الر عشه اما الجنوط بتبان الرعشه من 80-90 كم س وممكن تاكد بانك تصلب العجل اللي قدام ورا واللي ورا قدام زي ما افاد احد الاعضاء

[Mecha]

موضوع التصليب دا خد بالك فيه لان فيه عجل
شغال اتجاه واحد بس

[AMRPEGAS]

بص هو شيء واحد هو صليبه الكوبلن مسربه شحم
هتروح لمهندس كويس يكون تخصص سكودا هيفك صليبه الكوبلن ويشوف الكوبلن من الداخل بعد ماينضفه اذا كانه كاوتشه مقطوعه هيغيرها واذا كانت سليمه هيشحمها واهم حاجه يقفلها بافيز حديد زي بتاع الفابريكه وهتلاقي العربيه بقت سريعه جدا