استفسار عن a7

[hazem_3]

انا اشتريت ايه 7 اول فئه جديده 2016 و لاحظت لما اعمل اي مشوار بحط ايدي علي الكبوت بلاحظ انه سخن و بعد حوالي ربع ساعه لسه دافي بفتح الكبوت بصيت لاقيت ان الكبوت مفيهوش عازل و علي الصاج علي طول .السؤاال هو ده طبيعي في عربيه تمنها 238000 جنيه و هل حد عندو خبره يقولي هل ده اثر علي البويه عنده و لا لأ و هل الشكوي في حماية المستهلك هتفيد في حاجه و لا حماية المستهلك بيحمو التوكيلات مش المستهلاك و حاجه كمان ضيقتني جدا المريات الجانبية من اسواء و ارخص المواد المستخدمه فيها و الكلاكس فرده واحده و مفيش مسند يد للسائق و محدش يقولي دي كماليات للعربية لان دي اساسيات عربيه و ليه مسترخصين كده مع ان العربيثه مش رخيصه معلش يا جماعة دي اول تجاربي مع الأكتافيا و بصراحة و من غير زعل العربيه دي احنا طلعين بيها السما علي الفاضي العربيه فعلا رديئه و التوكيل بيستهبل و بيسترخص و بيشيل حاجات اساسيه في العربيع يعني لما العازل ده ياثر في البويه و في التكييف اكيد ساعتها محدش هيفدني للأسف انا اشتريت العربيه دي و بصراحه مش مقتنع بيه دلوقتي مع ان الكل كان بيقولي ان العربيه رائعه انا كنت راكب بيجو 508 قبليها علي طول بس بصراحه برقبتها طبعا و ارجو من اصحاب الخبره في اوكتافيا يقولولي الصح لو انا بكلم غلط

[Hosam_Optrawy]

متفق مع حضرتك في كل كلامك

بس الشكوى في حماية المستهلك مش هاتعمل حاجه لان حضرتك مابتشتكيش من عيب صناعه او مشكله ، حضرتك بتشتكى من نقص كماليات ودى العيب فيها عليك انك قبلت تشترى العربيه بالمواصفات والسعر دا

[zangry]

غيرت بيجو ٥٠٨ عشان تركب اوكتافيا وكمان اول فئة حرام عليك

[M7amD_7amDy]

حد يسيب مكنة تيربو ويركب دى واساسا ال 508 فئة أكبر وطبيعى ال a7 متعجبكش
ثانيا حضرتك اللى غلطان انك اشتريتها بدون دراسة العربية والكماليات اللى فيها
وحماية المستهلك مش هتعملك حاجة زى ماقال حسام
بخصوص المسند ممكن تشتريه وتركبه عادى
العازل الحرارى بتاع الكبوت مش بينزل حتى فى أعلى فئة
وانا جبته من التوكيل ب 400 تقريبا او أقل حاجة بسيطة مش فاكر
وكويس على فكرة وبيعزل الحرارة تماما
العربية فعلا حلوة وتستاهل بس الفئة التانية اللى تعتبر فيها كماليات معقولة ومرضية لحد ما
ولكن لما كان سعرها 225 الف مش الاستهبال بتاع دلوقتى واللى بتمن الفئة التانية حاليا فى اختيارات تانية أحسن

[atef_5005]

a7 اول فئه لا تمت للاوكتافيا باي صله

العربيه غاليه و مسترخصيين في الكامليات جامد

كويس انها فيها ازاز كهرباء

شوف الفانتازيا اول فئه كانت نازله ازاي

1- عفشه مالتي لينك
2- تكيف اوتو
3-فتحات تكييف خلفيه
4- طاره جلد
5-طاره مالتي فانكشن
6-سينسور مطر
7-مسند يد
8-بلوتوث
9-اكر نيكل
10-ماريات ضم
11-مرايات تعتيم
12-مرايات بنفس لون العربيه
13- 4سماعات و اربع تويترات
15-فوجات
16-تلاجه في مسند اليد
17-سيسور ضغط كاوتش
كل دا في اول فئه فانتازيا و مش موجوده في اول فئه a7

[hazem_3]

حد يسيب مكنة تيربو ويركب دى واساسا ال 508 فئة أكبر وطبيعى ال a7 متعجبكش
ثانيا حضرتك اللى غلطان انك اشتريتها بدون دراسة العربية والكماليات اللى فيها
وحماية المستهلك مش هتعملك حاجة زى ماقال حسام
بخصوص المسند ممكن تشتريه وتركبه عادى
العازل الحرارى بتاع الكبوت مش بينزل حتى فى أعلى فئة
وانا جبته من التوكيل ب 400 تقريبا او أقل حاجة بسيطة مش فاكر
وكويس على فكرة وبيعزل الحرارة تماما
العربية فعلا حلوة وتستاهل بس الفئة التانية اللى تعتبر فيها كماليات معقولة ومرضية لحد ما
ولكن لما كان سعرها 225 الف مش الاستهبال بتاع دلوقتى واللى بتمن الفئة التانية حاليا فى اختيارات تانية أحسن

يعني العازل موجود في التوكيل ده شئ كويس بس دي مش كماليات و انا بكلم عن اساسيات مش موضوع فئة اولي او ثانيه
و علي فكره بالسعر اللي وصلت ليه اوكتافيا وصلت لنفس سعر البيجو 508 يعني مبقتش لاعلي بس بصراحه حرام لان الفرق كبير لصالح البيجو بس اللي سمعته عن اوكتافيا كان كل اصحابي بيشكرو فيها و علي فكره انا غيرت لظروف معينه بس كل الناس كانو بيشكرو في الأوكتافيا علشان كده خدت القرار و فعلا شوفت الريسال و اطمنت اكتر لآن الريسال البيجو كان وحش جدا.
وحد يقدر يقللي انهي عربيه كنت ممكن اجيبها بالسعر ده و كويسه