ارجو المساعدة

[MOHAB DX]

السلام عليكم يا شباب
انا ضيف جديد هنا و ان شاء الله اكون من اسرة اسكودا
انا دلوقتى معايا فيرنا 2006 وناوى اطلع منها واجيب سكودا
وحاليا المبلغ الى معايا مش كبير اوي يعنى ممكن اخري 120.000
ياتري تنصحونى ب سكودا موديل كام ؟؟

[mario_9111]

اشتري a5 أعلي فئه لو قدرت بس بلاش تشتري اول فئه هات اوبش عالي علشان تستمتع بالعربيه

[MOHAB DX]

اشتري a5 أعلي فئه لو قدرت بس بلاش تشتري اول فئه هات اوبش عالي علشان تستمتع بالعربيه

شكرا ليك ع ردك السريع بس انا
كان ف واحد قالى شوف a5 اعلي حاجة تقدر تجبها بس انا كنت بقول انى لو جبت موديل 2005 او 2006 ويكوين معايا شوية مبلغ عشان اكيد اى عربية بتكون محتاجة شوية حجات تتغير عشان تبقى مطمن ويبقى معايا شوية فلوس بدل ما احط الفلوس كلها فيها

بس في ناس بتقولي ان 2005 و 2006 فيهم مشاكل في الفتيس !
ياتري الكلام ده صح ولا ايه

[طارق _عبد السلام]

حاول توصلهم ل135 وهات فانتازيا فئه اولى

[mario_9111]

سؤال للباشمهندس طارق. كنت عايز اعرف ايه الفروقات بين الفانتازيا و a5 غير الاوبشن مثلا العفشه الوسع الموتور التكيف .... ارجو الرد. وعايز أضيف هل a5 اتقل لاني ركبت الاتنين وحساس أن الأبواب اتقل والعربيه في المشي اتقل

[طارق _عبد السلام]

العربيتن واحد لكن الشكل الخارجى الفانتازيا افضل من وجهه نظرى انا من فضل الله اقنيت الاتنين..

فرق موديل ممكن اكتر من سنتين...الفئه الاولى فانتازيا تحكم طاره وبلوتوث ودا فى الفئه الثانيه ايه فايف وممكن تلاقى فئه تانيه بدون تحكم ولا حتى سينسور بارك..فالف الفتيس للفانتازيا افضل من الايه فايف شكل عدادات السرعه افضل الكراسى مختلفه للافضل مرايات الاجناب اكبر الكاسيت افضل

[MOHAB DX]

حاول توصلهم ل135 وهات فانتازيا فئه اولى

شكرا لردك بس ممكن حضرتك تقولي مثلا
تقرير عنها يعني مزايها عيوبها كدة
استهلاك البنزين فيها قطع الغيالر كدة يعني
بما ان حضرتك كنت مقتنيها
يعني ياريت تحكيلي تجربتك الخاصة معاها لو سمحت

[طارق _عبد السلام]

شكرا لردك بس ممكن حضرتك تقولي مثلا
تقرير عنها يعني مزايها عيوبها كدة
استهلاك البنزين فيها قطع الغيالر كدة يعني
بما ان حضرتك كنت مقتنيها
يعني ياريت تحكيلي تجربتك الخاصة معاها لو سمحت

هى مشكلتها انك لما بتركبها بتكرهك فى اى عربيه تانيه.فى فئتها

العربيه ماشاء الله ثبات مميز جدا وفرامل ملهاش حل وده هتحسه جدا لانك كنت راكب فيرنا يعنى لاثبات ولافرامل...وهتتنقل لعربيه الكل مجمع على ثباتها وفراملها .....صاج العربيه قوى وفيها اكصدام خلفى بتاع دبابه ..

استهلاك البنزين قريب من الفيرنا بما انى دلوقتى راكب كارينز للاسف طبعا استهلاك البنزين لصالح الاوكتافيا

قطع الغيار لو غاليه شويه .لكن معمره وبالمقارنه بالعربيات الجديده حتى الكورى ..قطع غيار الاوكتافيا تعتبر رخيصه


عيوب العربيه..الطلعه..بما انك كنت راكب فيرنا ودى عربيه هبله فى الجرى .. هتحس ان الاوكتافيا بطه فى الطلعه لكن مع التعود هتقدر تتعامل وهتعرف الدوسه المظبوطه للعربيه ومش هتفرق معاك بعد كده ..العربيه بعدد ال100 استجابتها بتكون عاليه
لكن ان شاء الله هتحس بالفرق وهتحب العربيه جدا

[MOHAB DX]

هى مشكلتها انك لما بتركبها بتكرهك فى اى عربيه تانيه.فى فئتها

العربيه ماشاء الله ثبات مميز جدا وفرامل ملهاش حل وده هتحسه جدا لانك كنت راكب فيرنا يعنى لاثبات ولافرامل...وهتتنقل لعربيه الكل مجمع على ثباتها وفراملها .....صاج العربيه قوى وفيها اكصدام خلفى بتاع دبابه ..

استهلاك البنزين قريب من الفيرنا بما انى دلوقتى راكب كارينز للاسف طبعا استهلاك البنزين لصالح الاوكتافيا

قطع الغيار لو غاليه شويه .لكن معمره وبالمقارنه بالعربيات الجديده حتى الكورى ..قطع غيار الاوكتافيا تعتبر رخيصه


عيوب العربيه..الطلعه..بما انك كنت راكب فيرنا ودى عربيه هبله فى الجرى .. هتحس ان الاوكتافيا بطه فى الطلعه لكن مع التعود هتقدر تتعامل وهتعرف الدوسه المظبوطه للعربيه ومش هتفرق معاك بعد كده ..العربيه بعدد ال100 استجابتها بتكون عاليه
لكن ان شاء الله هتحس بالفرق وهتحب العربيه جدا

تمام شكرا ليك ع ردك وع المعلومات
ولله بيني وبينك انا اه الفيرنا طيارة بس حكاية الثبات دى بعد ال140 ببقى مقلق ازود ولو زودت بيكون حد معايا مش لوحدى

وطالما الاوكتافيا استهلاك البنزين بتعها كويس يبقى ع خيرة الله
ان شاء الله خير
وشكرا ع ردك واسف ع ازعاجك يا باشا
تحيتي لك ......