صوت تكه عند الغيار

[gbgeorge]

اليومين دول لاحظت وانا بفصل الغيار بسمع صوت تكه حديد جاى من الفتيس . واحد صاحبى بيقولى دى قاعده الفتيس . فهل فعلا ممكن تكون كده والا فيه حاجه فى الفتيس من جوه
ولو حد عنده صوره لقاعده الفتيس دى شكلها ايه ياريت يبعتهالى

[tameem2010]

غير زيت الفتيس الاول
لان ده ممكن يكون الزيت وحش
بس الاهم تحط الزيت اللى في الكتالوج او المكافئ بتاعه
ده مهم جدا
لو استمرت الدقرة يبقى فيه مشكلة في الفتيس
وممكن يكون فعلا قاعدة فتيس وممكن يكون الفرش بتاع الدبرياج هو اللى تعبان
نبدا بالزيت

[misho2008]

عندى نفس الموضوع
قالو كبالن غيرت نفس الصوت
الصوت ظهر بعد ما غيرت ديسك واسطوانة بعد ما فحصت انا بنفسى الصوت من جوة الفتيس المهم قولت اغير زيت انا حاطط موبيل 80 -90 لقيت بيزول اللتر الواحد ب 90 جينة والفتيس كلو 400 جنية فكبرت دماغى
لو وصلت حاجة قولى

[Colin Chapman]

تمام

غير زيت الفتيس الاول
لان ده ممكن يكون الزيت وحش
بس الاهم تحط الزيت اللى في الكتالوج او المكافئ بتاعه
ده مهم جدا
لو استمرت الدقرة يبقى فيه مشكلة في الفتيس
وممكن يكون فعلا قاعدة فتيس وممكن يكون الفرش بتاع الدبرياج هو اللى تعبان
نبدا بالزيت

ممكن كمان يكون بداية تلف كوبلن داخلى وتبويشه !!!

[gbgeorge]

انا عايز اوضح الصوره اكتر
انا لما باجى افصل الغيار من الاول و تمور العربيه تحس ان عصايه الفتيس زى حاجه ماسكاها زى سوسته كده و بمجرد ما الغيار يفصل و تشد عصايه الفتيس من الوضع الاول تحس زى كان حاجه سابت من بعضعها و خبطت فى حديد
انا بحاول اوصل الصوره على قد ما اقدر

[tameem2010]

ممكن كمان يكون بداية تلف كوبلن داخلى وتبويشه !!!

اكيد طبعا ده احتمال
بس نبدا بالاحتمال الاقل تكلفه !!

[Colin Chapman]

tameem2010

tameem2010

[gbgeorge]

انا روحت للمركو ايلى بتعامل معاه و سمعته الصوت قالى ان ده الكاوتش بتاع تيش الفتيس اتقطع و فعلا غيره و ركب كاوتشه مكانها و الصوت راح