حادثة عربية رابيد

[emicko88]

السلام عليكم،

كان في صديق ليا تعرض لحادثة علي الدائري، بالظبط علي ملف فوق ترعة المريوطية بعربية سكودا رابيد.

العربية كانت لفت مرتين منه وفي الاخر خبطت في السور الخرساني والاير باجز انقذته الحمدلله..مفيش غير كسر بدراعه شوية كدمات.

المهم ودينا العربية مركز الأقصي اللي في زهراء المعادي ومعاينة مبدئية قالوا حوالي 60 الف جنيه من غير الاير باجز وتمن الاير باجز حوالي 30 الف تاني، علشان العربية ترجع لحالتها ..

فكان في حوالي 4 حلول عنده:
1. يبيعها زي ماهي بحالتها وفي ناس قالو حوالي 80 الف، الموديل بالمناسبة 2015
2.تتصلح كلها في التوكيل
3.تتصلح في الحرفيين لفرق التكلفة
4.نصلح الأجزاء المهمة في التوكيل وأي أجزاء خارجية بره التوكيل في الحرفيين

رسينا علي الحل الرابع لأن حرام تتباع بحالتها بالرقم ده، ولأن اصلاح التوكيل هايتكلف حوالي 90 الف جنيه، ولأننا لسه هاندور علي حد في الحرفيين وده هايعطل الدنيا شوية والتوكيل مضمون شوية

المشكلة ان مهندس الاستقبال مرضاش بالحل الرابع وقال يإما كله في التوكيل يإما لأ؛

فالسؤال هل كل مراكز الاصلاح كده؟ ولا نحاول مع مركز تاني ولا نكلم حد تاني في المركز ده(خصوصا انه جرب المركز ده قبل كده وضامنه)

شكرا مقدما

[KING_LEDO]

بيع

[bluemail]

عليكم السلام
ربنا يعوض عليكم ان شاء الله
تقريبا كلامك ان تكلفة التصليح 90 الف او 60 الف و 30 الف ايرباجز
المبلغ كبير فعلا وانت ماتضمنش العربية هترجع تاني زي الاول
ولو حبيت تبيع بعد كده هتتباع علي انها عاملة حادثة وسعرها هينزل كتيير

انت بتقول انها ممكن تجيب 80 دلوقتي هيحط عليهم تكلفة التصليح ال 90 بقي عنده 170 الف يجيب بيهم عربية جديدة
مجرد راي، وحمدا لله علي السلامة

[tameem2010]

مهما اتصلحت عرمها ما هترجع زي الاول ابدا
مستحيل ولازم هيلاقي فروق
في رايي تتباع ب80 الف روبنا يعوض عليه
ويحط 90 بتاع اصلاح التوكيل على 80 اللى هو سعر بيع العربية يبقى معاه 170 يجيب اي حاجة زيرو
ديه الرابيد الزيرو اصلا ب170 الف !!
وربنا يعوض عليه

[tasaka]

عليكم السلام
ربنا يعوض عليكم ان شاء الله
تقريبا كلامك ان تكلفة التصليح 90 الف او 60 الف و 30 الف ايرباجز
المبلغ كبير فعلا وانت ماتضمنش العربية هترجع تاني زي الاول
ولو حبيت تبيع بعد كده هتتباع علي انها عاملة حادثة وسعرها هينزل كتيير

انت بتقول انها ممكن تجيب 80 دلوقتي هيحط عليهم تكلفة التصليح ال 90 بقي عنده 170 الف يجيب بيهم عربية جديدة
مجرد راي، وحمدا لله علي السلامة

+1 ..

لو انت ناوى تصلح توكيل .. يبقى بيع احسن و هات عربيه جديده سليمه

و فرق السعر فوق ال 170 للعربيه الجديده .. اعتبره انك صلحت بيه عربيتك القديمه من الحادثه و خليتها زيرو + كسبت فرق موديل السنه 2017 كمان

[amr011111]

لو هتخليها يبقى صلحها بره . خلاف ذلك بيعها بـ 80 وضيف عليهم 90 تصليح يبقى 170 تجيب بيهم عربيه زيرو

[emicko88]

بيع

هو السؤال، اللي هايشتري هايمعل بيها ايه؟ ماهو هيصلحها.
برضو مش عارف رينج السعر المفروض يبقي كام

[emicko88]

عليكم السلام
ربنا يعوض عليكم ان شاء الله
تقريبا كلامك ان تكلفة التصليح 90 الف او 60 الف و 30 الف ايرباجز
المبلغ كبير فعلا وانت ماتضمنش العربية هترجع تاني زي الاول
ولو حبيت تبيع بعد كده هتتباع علي انها عاملة حادثة وسعرها هينزل كتيير

انت بتقول انها ممكن تجيب 80 دلوقتي هيحط عليهم تكلفة التصليح ال 90 بقي عنده 170 الف يجيب بيهم عربية جديدة
مجرد راي، وحمدا لله علي السلامة

أنا لما رحت المركز معاه، فهمت ان المهندس (بدون ذكر أسماء) مش موافق يجزءها علشان عايز يعملها هو عنده في ورشة بره وبيقول التكلفة حاتبقي 80 الف بالكتير.
بس أنا برضو عايز أفهم وجهة نظر البيع، ما اللي حايشتري حايصلح، مش كده ولا ايه؟

متشكر جدا علي ذوقك

[emicko88]

مهما اتصلحت عرمها ما هترجع زي الاول ابدا
مستحيل ولازم هيلاقي فروق
في رايي تتباع ب80 الف روبنا يعوض عليه
ويحط 90 بتاع اصلاح التوكيل على 80 اللى هو سعر بيع العربية يبقى معاه 170 يجيب اي حاجة زيرو
ديه الرابيد الزيرو اصلا ب170 الف !!
وربنا يعوض عليه

قربت اقتنع ان ده الحل

متشكر جدا

[emicko88]

لو هتخليها يبقى صلحها بره . خلاف ذلك بيعها بـ 80 وضيف عليهم 90 تصليح يبقى 170 تجيب بيهم عربيه زيرو

عندك حق

[amr011111]

هو السؤال، اللي هايشتري هايمعل بيها ايه؟ ماهو هيصلحها.
برضو مش عارف رينج السعر المفروض يبقي كام

اللى هيشترى غالبا هيبقى تاجر وهيصلحها بالكتير بـ 30 الف. غالبا هيشترى نص استيراد ويبعها بمكسب كبير ولو مكانش تاجر برضه هيصلحها بره التوكيل لان سعر التوكيل مبالغ فيه