استشاره عاااجله

[AHMEDJUDDY]

العربيه الفانتازيا تبقي ماشيه تمام و فجأه تقطع و تظهر علامه العربيه بتعوم اللي علي عداد السرعه مش اللي موجوده عاي عداد ال RPM و ابطل العربيه و ادور تااني الاقيها تمام ، و شويه و تعمل كدا تاني و ابطل و ادور تاني تبقي تمام و تظهر رساله هكتبها بالانجليزي
fault: traction control (ASR

[AHMEDJUDDY]

ناس تقولي :
فلتر البنزين
او
الموبينه
او
سلك البوجيهات
او
طقم البوجيهات
او
نظف البوابات

واناااااا محتاااار و مش عارف المشكله فين ؟؟

[م/أحمد عبد الفتاح]

الرسالة اللى بتظهر معاك خاصة بالتراكشن كونترول وده بياخد معلوماته من حساسات ال abs ( السرعة ) ومن حساس زاوية الدركسيون فمن الممكن ان يكون عندك حساس abs ( سرعة ) فيه عليه تراب او فيشته مهزوزة وده بيبقى كل عجلة عليها حساس من دول فيستحسن ترفع العربية فى بنزينة وتغسل حوالين الاربع عجلات وتنفخهم بالهوا علشان ينضفوا وتتاكد ان الفيش بتاعة الحساسات دى متركبة كويس .
تانى حاجه تروح تكشف على الزوايا وتظبطها
ممكن كمان تروح تكشف سكان والكشف حايطلع المشكلة عندك فى اى حساس من دول ( الكشف بيقولك المشكلة فى انهى عجلة ) او تعرف رقم الكود اللى طلعلك وتكتبه هنا ونقولك ايه المشكلة

[AHMEDJUDDY]

الرسالة اللى بتظهر معاك خاصة بالتراكشن كونترول وده بياخد معلوماته من حساسات ال abs ( السرعة ) ومن حساس زاوية الدركسيون فمن الممكن ان يكون عندك حساس abs ( سرعة ) فيه عليه تراب او فيشته مهزوزة وده بيبقى كل عجلة عليها حساس من دول فيستحسن ترفع العربية فى بنزينة وتغسل حوالين الاربع عجلات وتنفخهم بالهوا علشان ينضفوا وتتاكد ان الفيش بتاعة الحساسات دى متركبة كويس .
تانى حاجه تروح تكشف على الزوايا وتظبطها
ممكن كمان تروح تكشف سكان والكشف حايطلع المشكلة عندك فى اى حساس من دول ( الكشف بيقولك المشكلة فى انهى عجلة ) او تعرف رقم الكود اللى طلعلك وتكتبه هنا ونقولك ايه المشكلة

متشكر جدا يا بشمهندس علي الرد ،،،
بس انا كلمت 2 مهندسين في التوكيل كلا علي حده في الموبايل و الاتنين قالوا نفس الكلام ان العربيه عايزه موبينه ،، و انا مش بفهم حاجه في الميكانيكا ،، كل اللي اقدر اوصلهولك ان العربيه بقت مكتومه في الجري و تحس انها بتقطع في البنزين علي خفيف اكني بحط رجلي و اشتيلها مره واحده ،، حتي و هي واقفه و بتسخن تحس انها بتقطع علي خفيف صوت الموتور مش ثابت ،،،

[AHMEDJUDDY]

طب الاحسن اغسل العجل و انفخه بالهوا و اظبط زوايا ولا اروح اعمل سكان علي جهاز علي طول و اخلص ...

[م/أحمد عبد الفتاح]

انت كده عندك مشكلتين واحدة خاصة بالتراكشن كنترول والتانية خاصة بالموتور - ممكن يكون حاجه تالتة هى اللى مسببة المشكلتين بمعنى انك لوصلحت المشكلتين ممكن العطل يفضل موجود - بالنسبة لكلامك مع التوكيل وتشخيص العطل بالتليفون ده حاجه غريبة جداً إنهم يحددوا العطل فى موبينة جايز كلامهم يطلع صح وجايز غلط - لو غيرولك الموبينة والموضوع اتكلف ١٠٠٠ جنيه مثلاً والمشكلة ماتحلتش هايرجعولك الفلوس ؟؟؟؟؟ - المفروض العربية لو عاوزة موبينة بيحصل فيها حاجه اسمها ميس فاير ودى بتنور لمبة التشيك إنجن - كشف السكان حايديلك رقم الكود بتاع العطل وممكن يقولك ميس فاير فى انهى اسطوانة بس الميس فاير مش شرط يبقى بوبينة ممكن يكون بنزين مضروب او بوجيهات ضعفت او رشاش معلق نتيجة شوائب البنزين او بطارية ضعيفة .
حاقولك على شوية حاجات تعملها الأول مش حاتخسرك حاجه :
- إغسل العربية من تحت زى ماقولتلك واظبط الزوايا.
- الصبح أول ماتتحرك بالعربية وتمشى مثلاً بتاع ٢٠٠ او ٣٠٠ متر اقف وجس الطنابير بتاعة الفرامل أو جس الجنوط لو لقيت جنط سخن عن التانيين يبقى ممكن تكون فردة فرامل بتقفش ساعات معاك يبقى تصلح الفرامل.
- غير البنزينة اللى بتمون منها .
- شيل سالب البطارية ٥ دقايق ووصله تانى.
- اكشف على البطارية ولو البطارية قديمة غيرها - مش شرط انها بتدور معاك العربية انها كويسة - لو الفولت بتاعها نزل حتى ١,. فولت حتأثر على الكمبيوتر ويهيس ويقعد يرمى فى اعطال واكواد ولمبات ورسايل وانت تغير فى حاجات مالهاش اى لزمة.
- لو بعد كل ده فضلت معاك المشكلة روح اكشف سكان وخد من الراجل ارقام الاكواد اللى طلعت واكتبها هنا واعرف منه كل كود طلع معاه فى الجهاز مكتوب عليه active ولا stored او تصور الاكواد من على الجهاز بالموبايل .
أنا خليتلك السكان اخر حاجه لأن لو فيه حاجه من اللى فاتوا عاملة المشكلة حاتلاقى ٥ او ٦ حاجات طالعين فى السكان وهما اصلا مافيهومش حاجه نتيجة تهييسة كمبيوتر.

[AHMEDJUDDY]

متشكر جدا جدا علي رد حضرتك و اهتمامك ، و غالبا كلام حصرتك صح ، و التوكيل شكله بيهيس بس مش عايز اظلمهم لان كلامي معاهم كان بالتليفون و محدش شاف العربيه و كشف عليها و كمان قالوا انهم هيحطوها علي الكمبيوتر و الكلام اللي قالوه ليا مجرد كلام مبدئي ، كلامك صح ليه لانني فضلت افكر طول الليل وطلعت بفكره وهي ان المشكله في ال asr مع abs و لو فعلا مشكله كهرباء او موبينه الكمبيوتر هيقولي .. شيك انجن .. ولقيت تجربه حلوه انني قلت انا هقفل ال asr خالص النهارده الصبح و عملت بيها مشوار طويل و قلت لو الكمبيوتر طلع اي رساله يبقي مشكله كهرباء و لو مطلعش حاجه تكون مشكله asr و فعلا طفيت ال asr خالص و العربيه طلعت تمام و مشيت تمام ولا في رسايل ولا اي شئ ولا تقطيع طلع وهم من كلام التوكيل ، فكدا المشكله في absمع asr و ان شاء الله هغسل العربيه من تحت و هظبط زوايا الاول و النتيجه هقولها لحضرتك لما تبان ، و متشكر جدا علي اهتمامك ...

[AHMEDJUDDY]

اما مشكله العربيه مكتومه دي فعلا شكلها حاجه تانيه وانا خلطت الامور ببعضها، لانني كنت في الساحل الشمالي الاسبوع اللي فات و حطيت شويه بنزين من بنزينه مشمومه و شكلهم حطوا 80 بدل 92 و لقيت العربيه بتقطع بعدها ففولت لما رجعت القاهره من امارات مصر تفويله 95 و كمان حطيت رافع اوكتان و منظف دوره البنزين بالكامل و هما من نوع stp و قلت لما التفويله ال 95 تخلص برافع الاوكتان و المنظف ،، هغير فلتر البنزين و هنظف البوابات بالاسبراي الخاص بها و بالمره اغير فلتر الهوا ،، مش عارف بقا كدا صح ولا ايه ؟؟

[م/أحمد عبد الفتاح]

متشكر جدا جدا علي رد حضرتك و اهتمامك ، و غالبا كلام حصرتك صح ، و التوكيل شكله بيهيس بس مش عايز اظلمهم لان كلامي معاهم كان بالتليفون و محدش شاف العربيه و كشف عليها و كمان قالوا انهم هيحطوها علي الكمبيوتر و الكلام اللي قالوه ليا مجرد كلام مبدئي ، كلامك صح ليه لانني فضلت افكر طول الليل وطلعت بفكره وهي ان المشكله في ال asr مع abs و لو فعلا مشكله كهرباء او موبينه الكمبيوتر هيقولي .. شيك انجن .. ولقيت تجربه حلوه انني قلت انا هقفل ال asr خالص النهارده الصبح و عملت بيها مشوار طويل و قلت لو الكمبيوتر طلع اي رساله يبقي مشكله كهرباء و لو مطلعش حاجه تكون مشكله asr و فعلا طفيت ال asr خالص و العربيه طلعت تمام و مشيت تمام ولا في رسايل ولا اي شئ ولا تقطيع طلع وهم من كلام التوكيل ، فكدا المشكله في absمع asr و ان شاء الله هغسل العربيه من تحت و هظبط زوايا الاول و النتيجه هقولها لحضرتك لما تبان ، و متشكر جدا علي اهتمامك ...

كده تمام جدا - وفى انتظار النتيجة وخير ان شاء الله

[م/أحمد عبد الفتاح]

اما مشكله العربيه مكتومه دي فعلا شكلها حاجه تانيه وانا خلطت الامور ببعضها، لانني كنت في الساحل الشمالي الاسبوع اللي فات و حطيت شويه بنزين من بنزينه مشمومه و شكلهم حطوا 80 بدل 92 و لقيت العربيه بتقطع بعدها ففولت لما رجعت القاهره من امارات مصر تفويله 95 و كمان حطيت رافع اوكتان و منظف دوره البنزين بالكامل و هما من نوع stp و قلت لما التفويله ال 95 تخلص برافع الاوكتان و المنظف ،، هغير فلتر البنزين و هنظف البوابات بالاسبراي الخاص بها و بالمره اغير فلتر الهوا ،، مش عارف بقا كدا صح ولا ايه ؟؟

تمام وان كان منظف دورة البنزين كافى بدل كل الحاجات اللى حطيتها ولكن ان شاء الله مافيش مشاكل - وان شاء الله تتحل المشكلة بالحاجات اللى عملتها وتغيير الفلاتر وتنظيف البوابة

[AHMEDJUDDY]

يا باشا انا عاجز والله عن الشكر و الاهتمام و كام يوم و اقولك علي النتيجه إن شاء الله ،،،بس افضي شويه

[ziad.mohamed]

الموبينه يا باشا انا عندي فانتازيا وحصل نفس الي حصلك رحت غيرتها ب 500 جنيه في مركز صيانه عادي مش توكيل وبقت تمام وللعلم انا غيرتها عند واحد اسمو السيد جولف والعربيه بقت عشره علي عشره

[AHMEDJUDDY]

الموبينه يا باشا انا عندي فانتازيا وحصل نفس الي حصلك رحت غيرتها ب 500 جنيه في مركز صيانه عادي مش توكيل وبقت تمام وللعلم انا غيرتها عند واحد اسمو السيد جولف والعربيه بقت عشره علي عشره

كلام حضرتك للاسف صح ،،،
وشكرا لكل من شاركني في هذا الموضوع ،بس عملت زي ما البشمهندس احمد قالي ، غسلت العربيه من تحت و داخل الكاوتش ... علي يدي ... في البنزينه بالمياه و الجاز و الهواء ، و شيكت علي فيش ال abs بنفسي و روحت فيت اند فيكس و كشفت علي الزوايا و لقيتها سليمه و فكيت فرده من البطاريه وركبتها بعد شويه ، وبرده نفس المشكله ، روحت امبارح لواحد متخصص سكودا و فولكس و جاب لاب توب و وصله بكابل كبير اول مره اشوفه من تحت الدركسيون ناحيه مقبض فتح الكبوت و عمل شويه حاجات علي اللاب توب و الصنايعي قال للمهندس صاحب الورشه .... موبينه يا بشمهندس .... و قاله تقريبا الشورت بلوك و بعد كدا ارقام ... قالي المهندس موبينه يا باشا ...
وفعلا العربيه حاسس ان سحبها ضعيف شويه و بيقطع ...

المشكله هنااا ،،،،

الراجل قالي الموبينه فعلا ب 500 جم و التوكيل قالي 1300 جم + 230 جم تركيب و اجمع المبلغين و زود 10% ض.م ،، هل هي دي هي دي ولا ايه ؟
وهل التوكيل هيزود 800 جم علي حق قطعه الغيار غير المصنعيه و الضربيه !!!!

ولا الراجل بتاع الورشه بيبيع قطع غيار مش اصلي ولا ايه ....

[AHMEDJUDDY]

كل اللي في السوق مضروب .. البوبينه .. مره الماني و مره صيني و مره اسباني و مره تايلاندي و كل الكلام ده مطبوع مش محفور علي البوبينه و استيراد لقيت الاصلي بس من غير ضمان حتي و لو لساعه تجرب فيها العربيه .. اخر ما زهقت شفت البوبينه بتاعتي الاصلي لقيتها صناعه تركي ،، فجبت من الاخر و روحت مركز الاقصي و لقيت التركي الاصلي ب 1510 جم و الحمد لله ركبتها و كله تمام و كان هيتنصب عليا في واحده مضروبه و مكتوب عليها made in germany وقالي انها الاصلي بتاعه التوكيل و ب 1900 جم وهي اصلا في التوكيل ب 1510 جم ... لا تعليق .

[م/أحمد عبد الفتاح]

الحمدلله والف مبروك وربنا يبارك فيها ان شاء الله