تعطل مكيف a7

[seaf]

الى خبراء المنتدى العظيم سيارتى اوكتافيا a7الفئة قبل الاخيرة 1400 تربو موديل 2014 ماشية عشرة الاف كيلو فقط فجاة مكيف السيارة يخرج هواء عادى وليس بارد ولا يوجد سبب الفيوزات سليمة افيدونا والسيارة خارج الضمان

[seaf]

ايها الكرام هل من مجيب

[AHMEDJUDDY]

يا باشا روح لواحد بتاع تكييفات محترم و هو هيقولك علي اللي فيها ،، لان في اكتر من سبب علي حد علمي ،، ممكن تكون سربت فريون فكدا عايز تكبس هواء و تشوف التسريب منين و تحله و تشحن فريون من نوع مناسب لعربيتك ،، ممكن لقدر الله تكون المشكله في الكمبروسور نفسه ؟؟؟

[seaf]

شكرا على تفاعل حضرتك فعلا رحت لواحد قالى العربية فاضية فريون وكشف على مكان التسريب ولم يجدة فعباها فريون وقالى نشوف بعد كام يوم يمكن الثلاجة وادينى قاعد افكر اروح لتوكيل القطامية بعد كام يوم اعمل صيانة العشر الاف كيلو واشوف يمكن عندهم جهاز يكشف السبب بدل المية والصابون

[mbx4e]

حاجه غير كبس الهوا والكشف بالمياه و الصابون عندك شحن فريون بالصبغه الاشعة فوق البنفسجية والكشاف بتاعها او الكترونك ليك ديتكتور وانا قلتلك ان عدم تشغيل التكييف لفترات متباعده احد الاسباب غير كدا بلف كونترول الكباس الكهربا لو بتركن العربية فترات ممكن يريح بسبب الضغط عليه او ابر بلوف الشحن لو بتركن العربية في مكان فيه شمس والموديل دا بيتشابه مع الجيتا في كل اعطاله انت عندك فتيس dsg ولا ستيبترونك ولا مانوال؟؟؟

[mbx4e]

ومن اماكن التسريبات المحتملة عندك
الكومبروسر والشافت سيل بتاعه
التلاجه الداخلية
عشان صعوبة وارتفاع تكلفه الاصلاح شغل تكييفك مره اسبوعيا على الاقل 10 دقايق بعد ماتسخن وبراحتك لو عايز تطفيه بعد كدا عشان الزيت يلف مع الفريون ويزيت الاجزاء الكاوتش الاوليسلات ويزيت المواسير من جوا

[seaf]

اشكرك اخى الفاضل وانا عندى فتيس dsg وسوف اذهب للتوكيل واوافى حضرتك بالنتيجة

[mbx4e]

طيب اقرا كويس عن مشاكل dsg واتمنى انها تكون اتحلت
حاجه كمان اعرف ازاي تشغله وتستخدمه صح عشان المشاكل بتاعته