مشكله علي السرعات العاليه ؟؟ ارجوا الافاده

[mina_opel]

اصدقاء المنتدي الكرام
معايا اسكودا اوكتافيا a5 موديل ٢٠٠٧ اتوماتيك
عند السرعات العاليه بحس ان صوت الماتور بيعلي شويه والعربيه بتدبدب واول مشيل رجلي من علي دواسه البنزين صوت الماتور بيهدي
مع العلم اني لسه مغير الكاوتش ومرصص وظابط زوايه
ارجوا الافاده ياشباب

[zaza2020]

عداد الار بى ام بيوصل لكام لما تكون على سرعه كام وبتكون علىانى غيار ؟

[foxhonda2008]

قواعد الموتور يا معلم على ما اظن

[salam100100]

يا مينا انا تهت منك
كاتب معاك بولو وجولف
وبتتكلم عن سكودا
واسمك Opel
:)
على العموم ممكن توضيح اكتر للمشكله- وهل فى اعراض تانيه؟

[mina_opel]

بصراحه ماختش بالي ال rbm بيكون علي كام
ياعني مثلا لو انا ماشي علي ١٤٠ المفروض يكون ال rbm علي كام
هي المشكله عباره عن
صوت الماتور بيعلي علي السرعات العاليه واول مرفع رجلي من علي دواسه البنزين صوت الماتور بيهدي احط رجلي علي الدواسه يعلي ثاني

[mina_opel]

يا مينا انا تهت منك
كاتب معاك بولو وجولف
وبتتكلم عن سكودا
واسمك opel
:)
على العموم ممكن توضيح اكتر للمشكله- وهل فى اعراض تانيه؟

يافندم انا اول عربيه جبتها اوبل
وبعد كده جبت بولو وبعدها جولف
والان معايا اسكودا اوكتافيا

[ahmed.biso13]

1- قواعد الماتور والفتيس
ممكن يكون فى حاجة فى عمود الكامة اواولسيه الكرنك

[mina_opel]

1- قواعد الماتور والفتيس
ممكن يكون فى حاجة فى عمود الكامة اواولسيه الكرنك

طب وهل يمكن فحص قواعد الماتور والفتيس وعمود الكامه
ولو العيب منهم حيبان
بس مافيش رجه في العربيه
هو صوت الماتور بيعلي ولما اشيل رجلي من علي دواسه البنزين الصوت بيهدي خالص واول مادوس بنزين ثاني الصوت بيرجع
في ناس بتقولي ده عادي في الاوكتافيا
بس انا حاسس انه مش عادي

[salam100100]

حضرتك بتشتكى من:
1- صوت موتور عالى
2- دبدبه
على السرعات العاليه والاعراض بتروح لما السرعه بتقل

صوت الموتور عالى, انا مش عارف هل دا طبيعى ام لا- لو العربيه اوتوماتيك يمكن الاوفر درايف شغال
لو مانيوال يمكن الاسطوانه محتاجه تتغير
فالحالتين دول هتلاقى استهلاك البنزين عالى
هى محتاجه حد يجرب العربيه

فالعموم على سرعه 140 ال rpm مش اقل من 3500 لفه
160 كم 4000 لفه
بالنسبه للدبدبه
انا هبتدى بالكاوتش- هل الطاره بترعش على السرعات العاليه؟- هراجع تانى على الضغط - النقشه- ثم الترصيص تانى
انا بستبعد القواعد الموتور عشان لو هى فعلا السبب هتبان اغلب الوقت بين النقلات والطلعات المفاجئه او لما تشيل رجلك من على البنزين مره واحده وبتبان كانها خبطه واحده وليست دبدبه مستمره- وكمان ممكن بتبان على السلانسيه ورعشه الموتور

لو الكاوتش تمام- هشيك على العفشه
لو العفشه تمام مش عارف ايه تانى ممكن يكون السبب
ياريت لما تحل المشكله تبلغنا بالحل

بس انا معجب باختياراتك للعربيات- كلها عربيات محترمه جدا بالذات الجولف

[ابراهيم خليل]

خلى الميكانيكى يبص على قواعد الموتور

[mina_opel]

حضرتك بتشتكى من:
1- صوت موتور عالى
2- دبدبه
على السرعات العاليه والاعراض بتروح لما السرعه بتقل

صوت الموتور عالى, انا مش عارف هل دا طبيعى ام لا- لو العربيه اوتوماتيك يمكن الاوفر درايف شغال
لو مانيوال يمكن الاسطوانه محتاجه تتغير
فالحالتين دول هتلاقى استهلاك البنزين عالى
هى محتاجه حد يجرب العربيه

فالعموم على سرعه 140 ال rpm مش اقل من 3500 لفه
160 كم 4000 لفه
بالنسبه للدبدبه
انا هبتدى بالكاوتش- هل الطاره بترعش على السرعات العاليه؟- هراجع تانى على الضغط - النقشه- ثم الترصيص تانى
انا بستبعد القواعد الموتور عشان لو هى فعلا السبب هتبان اغلب الوقت بين النقلات والطلعات المفاجئه او لما تشيل رجلك من على البنزين مره واحده وبتبان كانها خبطه واحده وليست دبدبه مستمره- وكمان ممكن بتبان على السلانسيه ورعشه الموتور

لو الكاوتش تمام- هشيك على العفشه
لو العفشه تمام مش عارف ايه تانى ممكن يكون السبب
ياريت لما تحل المشكله تبلغنا بالحل

بس انا معجب باختياراتك للعربيات- كلها عربيات محترمه جدا بالذات الجولف

متشكر علي رد حضرتك
بس انا مغير الكاوتش لسه جديد جايب اربع فرد بريدجستون ب ٤٥٠٠ جنيه ومرصص ومظبط زوايا وكله تمام
انا بقول ممكن تكون الدبدبه دي من الطرق المدغدغه اللي بنمشي فيها
انما هل من الطبيعي انك وانت دايس بنزين وبتكون علي سرعان عاليه بيكون صوت الماتور مختلف عن ما تشيل رجلك للحظه من علي الدواسه بتاعه البنزين
بمعني انا دايس بنزين وبجري مثلا علي ١٤٠ بحس بصوت الماتور واول مشيل رجلي للحظه بس بحس بصوت الماتور نعم وانا تقريبا علي نفس السرعه ادوس بنزين يرجع احساسي ان صوت الماتور علي
هل ده طبيعي ولا ايه

[Moratoz]

صوت الموتور العالي علي السرعات العالية دا طبيعي لأن بيبقي في عزم كبير علي الموتور ولما تشيل رجلك الموتور بيريح فالصوت بيهدي شويه
اما الدبه علي السرعات العالية فأنا مش فاهمها يعني دبه في العفشة ولا رجه في العربيه لان لو القواعد مش سليمه دا كان هيبان أكتر في السرعات البطيئة علي الطرق غير المستويه
فممكن حضرتك تبص علي المساعدين ممكن من وجه نظري يعملوا كدة