الافاده بخصوص سحب السياره ؟؟؟

[mina_opel]

اوكتافيا a5 موديل ٢٠٠٧
من سرعه ٨٠ ل ١٠٠ كده ساعات العربيه مش بتسحب كويس والاربي ام بيعلي وصوت الماتور بيعلي وبعد كده تبدي تسحب
تحسوا انها جاره حاجه وراها ومش قادره تسحب
ياعني في مشكله كده في السحب
وبعد ال١٢٠ العربيه بتبقي مش مظبوطه بحس بدبدبه كده في العربيه مش عارف سببها ايه
وافيدكم علما اني لسه مغير الكاوتش ومرصص وزابط زوايه وغيرت كمان فلتر الهواء ولكن لزالت المشكله قائمه

ممكن تفيدوني دي مشكله ايه

[Ahmed Koller]

نفس المشكله عندي تقريباً ومش عارف السبب

[mina_opel]

في ناس مخوفاني وبيقولولي احتمال يكون الجير بوكس
وناس تقولي غير فلتر البنزين ونظف الرشاشات
وناس تقولي طرمبه بنزين
الواحد دماغه لفت بصراحه

[Ahmed Koller]

بص انا برده اتقالي نفس الكلام بس انا عندي موتور طرمبة البنزين بايظ ومعملتش اي صيانه ليها يعني ماينفعش احكم غير لما اعملها صيانتها الاول وربنا يسرها عليك وعلينا

[mina_opel]

مافيش ولا رد واحد ؟؟؟؟
هو الموضوع صعب كده
فين خبراء ورجال المنتدي المحترفين

[Ahmed Koller]

بصراحه الناس هنا مش active زي جروب رينو .

[borio1704]

غالبا بيبقى فبه حساسات بتاعت خليط البنزبن والهوا عايزة تتنظف.

حط منظف لدورة الوقود .. علبة على تفويلة كاملة..

وبعد كده شوف فرق السحب والاستجابة والتوفير في البنزين...

وداوم على كده كل 5000 كم.


...

[mina_opel]

غالبا بيبقى فبه حساسات بتاعت خليط البنزبن والهوا عايزة تتنظف.

حط منظف لدورة الوقود .. علبة على تفويلة كاملة..

وبعد كده شوف فرق السحب والاستجابة والتوفير في البنزين...

وداوم على كده كل 5000 كم.


...

طب يحصل حاجه لو حطيت علبتين علي تفويله كامله بحيث يكون مركز شويه

[borio1704]

طب يحصل حاجه لو حطيت علبتين علي تفويله كامله بحيث يكون مركز شويه

التركيز الزايد ممكن يأثر على الأجزاء البلاستيك والكاوتش في دايرة الوقود ويخليها تشقق أو تتخرم.. وممكن تأثر على طلمبة البنزين وتبوظلك حاجات تانية الله أعلم بيها.

مش معنى إنك تحط تركيز عالي إنك تاخد أداء بسرعة... المسألة عاملة زي الدوا.. لو أخد حبايتين بدل حبة واحدة ممكن تأثر على حاجات تانية..

الأفضل إنك تحط علبة على التفويلة.. ولو حسيت إن العربية اتحسنت بس مش بالقدر الكافي.. حط علبة تانية على تفويلة تانية بعد كده في وقت قريب..

التنظيف باستمرار أفضل من التنظيف المركز وبعدين تبطل فترة طويلة.

عموما.. أغلب كتالوجات العربيات بتقوللك إنك تستخدم مواد تنظيف دايرة الوقود (بيسموها إضافات البنزين) كل 5000 كم.. علشان تضمن باستمرار إن الحساسات دي نظيفة.


وعلى العكس تماما... كل كتالوجات العربيات (بلا استثناء) بتمنع تماما استخدام أي إضافات على الزيوت بكافة أنواعها... وكمان بتقوللك إن استخدامها يطلعك من الضمان.


...