الكبالن الداخليه ؟؟؟؟؟؟

[mina_opel]

اصدقاء المنتدي
عربيتي اوكتافيا a5 موديل ٢٠٠٧
العربيه بعد سرعه ١٠٠ كيلو كده تقريبا بحس برعشه في العربيه وبحس ان الرعشه دي جايه من الماتور مع العلم اني مش بحس بيها لو السرعه اقل من كده
وبمجرد ما شيل رجلي من علي البنزين وامشي بقوه الدفع مابسمعش الصوت ده والعربيه بتكون ناعمه

سألت ناس كثير اصدقاء لي واغلبهم اجمعوا انها كبالن داخليه

قولت اخد رايكم مع العلم ايضا ان العربيه بعد ال١٠٠ سحبها ضعيف قوي فهل الكبالن الداخليه سبب في هذا
وايه اسباب تلف الكبالن الداخليه
انا منذ شهر في مسمارين في العجله الاماميه اتربطوا جامد واثناء فكهم المسامير فوتت وطبعا روحت لمكانيكي علشان يفكهالي قعد يخبط بالازمير علي المسمار لحد ما شال راسه خالص وطلعه وطبعا مع هبده الازمير انا كان قلبي بيتخلع ويقولي متقلقش الخبط ده كله علي المسمار
ممكن يكون الخبط ده اثر علي الكبالن الداخليه او ممكن يكون اثر علي حاجه

ارجوا افادتي
ولو المشكله من الكبالن الداخليه اجيب جديد ولا استعمال افضل
واسعارهم كام
وشكرا

[MADMIDO]

الكوبلن الداخلي هاته استعمال افضلك

[دكتور خالد]

حصل معايا حاجه زى كده فى هيونداى اكسيل و كان السبب ان الخبط من الصنايعى اللى مبيفهمش عوج الاكس اللى بين الكبالن الداخلية و الخارجية - وطبعا الأكس مكانش بيتباع لوحده فاشتريت كوبلن كامل خارجى و داخلى بأكسهم و اتحلت المشكلة - طبعا عوجة الاكس دى مش هتبان غير لما يتكشف عليها فى مخرطة علشان يدورها بسرعة على منجله و يشوفها بتلب ولا لا - يعنى نصيحة انت محتاج تشكف على الاكس هوه كمان فى النايحة اللى كان فيها الخبط

[mina_opel]

المشكله اتحلت الحمد لله ؟؟؟

روحت انهارده كشفت علي العربيه وطلع العيب فعلا من الكبالن الداخليه
وطبعا لما عرفت اسعار الكبالن الاصليه كانت حتجيلي ساكته سعرهم في التوكيل ١٠٠٠٠ جنيه
قولتله لما العربيه موديل ٢٠٠٧ وحابت كبالن داخليه بالفبريكه بتاعتها حجيب كوبلن ب ١٠٠٠٠ جنيه ابقي راجل مجنون رسمي
المهم لفيت كده شويه وسمعت اسعار غريبه وفي النهايه ارتحت لمركز الصيانه كارفيكس وغيرت الكبالن هناك
قالي الاصلي بيعمل ٢٧٠٠ الواحد وقي نوع ثاني بيعمل ٨٧٥ الواحد اسمه ipd الماني وماحدش اشتكي منه
خليته ركبه وطلع معايا البشمهندس جربنا العربيه وفرقت كثييير معايا العربيه بقي صوتها ناعم وطبعا الرعشه دي راحت تماما وسحب العربيه بقي ممتاز

المهم انا لحد دي لوقت معرفش ايه السبب اللي يخلي الكوبلن الداخلي يبوظ كده هل ده عمر افتراضي ولا ايه

[eye care]

كارفيكس

روحت انهارده كشفت علي العربيه وطلع العيب فعلا من الكبالن الداخليه
وطبعا لما عرفت اسعار الكبالن الاصليه كانت حتجيلي ساكته سعرهم في التوكيل ١٠٠٠٠ جنيه
قولتله لما العربيه موديل ٢٠٠٧ وحابت كبالن داخليه بالفبريكه بتاعتها حجيب كوبلن ب ١٠٠٠٠ جنيه ابقي راجل مجنون رسمي
المهم لفيت كده شويه وسمعت اسعار غريبه وفي النهايه ارتحت لمركز الصيانه كارفيكس وغيرت الكبالن هناك
قالي الاصلي بيعمل ٢٧٠٠ الواحد وقي نوع ثاني بيعمل ٨٧٥ الواحد اسمه ipd الماني وماحدش اشتكي منه
خليته ركبه وطلع معايا البشمهندس جربنا العربيه وفرقت كثييير معايا العربيه بقي صوتها ناعم وطبعا الرعشه دي راحت تماما وسحب العربيه بقي ممتاز

المهم انا لحد دي لوقت معرفش ايه السبب اللي يخلي الكوبلن الداخلي يبوظ كده هل ده عمر افتراضي ولا ايه

فين عنوان وتليفون كارفيكس بعد اذنك...والكوبلن الداخلى دايما بيبوظ وخاصه الكوبلن اليمين وده عيب ف سكودا لان الشكمان قريب من كاوتشه الكوبلن الداخلى يمين فبتنشف وتنزل الشحم اللى فيها ..عالجوها فى الموظيلات الحظيثه ان الكاوتشه غيروها ببلاستك من نوع خاص مابيتأثرش بحراره الشكمان

[AHMEDJUDDY]

10000 جم ،، انا لسه سائل عليهم من 3 اسابيع في التوكيل قالولي 8000 جم .