تجربة ومساعدة -- للافادة

[HAMAD1409]

السلام عليكم ورحمة الله

الحمد لله وبفضله اشتريت فليشيا 95 على قدي

الموضوع انا محتاج مساعدة خبرة الفليشيا وفي نفس الوقت الناس تستفاد من المشكلة

العربية متغيرلها مكنة استيراد بالفتيس انجيكشن

متركبلها رداخ ميتسوبيشي

المهم انها على سرعة بعد ال 80 كده ومش دايما ممكن تزيد عن كده بتبدأ العربية تعمل حركة غريبة (تنتيش) وكانها هتبطل بنزين

نشيل رجلى ونبدأ نهدي السرعة العربية تبطل ونضطر نركن علشان ندورها من جديد

ناس كتير قالتلي الرداخ

اللى انا شاريها منه قالي الرداخ جديد وكانت معاه زي الفل

المهم راجعت على الكهرياء وغيرت كلبسات وكده بتاعت الرداخ
وكمان غيرت طقم بوجيهات

وسافرت بيها تاني مره

الموضوع قل والسحب بقة حلو جدااا بس قطعت برده مره او مرتين

في حين ان المره اللى فاتت كنت لازم نسبت السرعة قبل ال 90 علشان متقطعش

ساعدوني في حل المشكلة انا بنسافر كل اسبوع والموضوع مضايقني جداا

ونروح لمين نعملها او يكون عنده حل المشكلة

جزاكم الله كل خير

[HAMAD1409]

عدينا ال 20 مشاهدة

اين المشاركات يا رجالة

[ياسر يوسف]

غير فلتر الوقود بواحد اصلي والاحسن تنظف التانك اولا ثم الفلتر وتتحري التموين من بنزينه نظيفه

[HAMAD1409]

غير فلتر الوقود بواحد اصلي والاحسن تنظف التانك اولا ثم الفلتر وتتحري التموين من بنزينه نظيفه

جزاك الله خير على الاهتمام

انا مغير فلتر بنزين -- ولونه اصف كده
ومعايا واحد لونه اسود احتياطي -- صاحبها كان عطهولي لما اخدت العربية

اللى راكب دلوقتي الشفاف ومن جوه اصفر
نغيره بالتاني -- ولو الاصلي غيرهم نجيبه منين ؟؟

[HAMAD1409]

انا رحت لميكانيكي اسمه سيد سكودا عند البنزينة بتاعة كالتكس اللى في وش حديقة بدر

شاف العربية وقالى الآتي :

1- الرداخ كويس ومفهوش مشاكل

2- الرداخ له راجع بنزين وده لازم يتقفل لانه كده بيشتغل على طول وده غلط على عمر الرداخ

3- الراجع ده كان بياخد جزء من كمية البنزين اللى المفروض يروحو للموتور (ملحوظة مني انا - ان الراجع ده من فوق - وفتحة بنزين الموتور من تحت). سألته على الملحوظة قالي انه على السرعة العالية والراجع مفتوح بياخد من البنزين مع هزة العربية.
4- قفل الراجع وطبعا العربية تحت التجربة لانها مش هتبان الا ع طريق وانا مسافر ان شاء الله اسكندرية يوم الخميس.

ايه رايكم في الكلام ده ؟؟؟

ارجو الرد والمشاركة على الكلام اللى قاله الميكانيكي (هل كلامه منطقي ؟؟)

[HAMAD1409]

أرجو الرد عليا

[mohmok]

متابع