كيفية تشغيل بلوتوث a5

[بيبو الزملكاوي]

السادة الافاضل المحترمين اعضاء المنتدى عموما وملاك سكودا اوكتافيا خصوصا اولا كل عام وحضراتكم كلكم بخير وعيد سعيد على الجميع
ثانيا كنت عايز اعرف ازاي اشغل البلوتوث بتاع الa5 موديل 2007 ؟
سؤال كمان معلش :) انا شاري العربية بجنوط وكاوتش 15 هل هى بتنزل بمقاس الجنط ده فعلا لان المعلومة دى مش في الكتالوج

[mado83]

انا بحترم الاسكودا الa5جدا
مبروك عليك وربنا يكفيك شرها لو ممكن تقولنا انطباعك ايه مع العربيه الجديده

[بيبو الزملكاوي]

الله يبارك فيك الف شكر يا فندم فعلا السكودا والاوكتافيا خصوصا عربية جديرة بالاحترام
يكفي اقول لحضرتك انى اول ما ركبتها كنت خايف منها :) العربية ليها هيبة كدة وشخصية قوية خصوصا انى كنت راكب فيرنا قبل كدة ولمدة طويلة الفرق واضح طبعا لصالح الاوكتافيا من حيث قوة الصاج و ثبات العربية في المنحنيات و قوة الموتور رغم انه 102 حصان لكن آداءه جيد جدا كمان الخامات الداخلية كلها جلد في جلد حتى عجلة القيادة مغطاه بالجلد بتدى احساس بالفخامة عكس عربيات تانية اغلى في السعر واعلى في الفئة ومن جوة بلاستيك × بلاستيك

[mado83]

بيبو ممكن تقولنا اخبار الصيانه وقطع غيارها

[بيبو الزملكاوي]

بيبو ممكن تقولنا اخبار الصيانه وقطع غيارها

اكيد لما ييجى ميعاد الصيانة الدورية واروح اعمل الصيانة هكتب هنا سعر كل حاجة للاعضاء الكرام :)