عفشة الاوكتافيا ناشفة جدا

[بيبو الزملكاوي]

السادة الافاضل ملاك اوكتافيا عموما و a5 خصوصا
عندى مشكلتين في عربيتى
اولا حاسس انها مش بتسحب كويس مع العلم عملت صيانة رئيسية وتشمل تغيير جميع السيور والفلاتر والبوجيهات وزيت الموتور عند مركز المهندس المحترم خالد اسماعيل ولكن العربية مازالت تقيلة ومش جرياية
المشكلة الثانية ان عفشتها ناشفة جدا وبترزع في المطبات وفواصل الكباري
ارجو من حضراتكم النصيحة
واسف ع الازعاج والاطالة

[mado83]

لو تسمحلى ارد عليك
حضرتك محتاج تراجع على العفشه عند عفشجى ولو تكرمت ممكن تعملنا تقرير بالصيانه واسعار قطع الغيار

[بيبو الزملكاوي]

لو تسمحلى ارد عليك
حضرتك محتاج تراجع على العفشه عند عفشجى ولو تكرمت ممكن تعملنا تقرير بالصيانه واسعار قطع الغيار

لازم مركز سكودا ولا ممكن اي عفشجي ؟

[mado83]

الموضوع مالوش علاقه بالاسكودا
حضرتك روح لعفشجى يكون محترم وعنده ضمير وربنا يعينك بقه وتلاقى حد كده
انما لو روحت لمركز هتلاقيه بيغيرلك كل حاجه فى العفشه فدى حاجه ترجعلك
ولو تكرمت تقولنا اسعار قطع الغيار للصيانه وصلت لكام دلوقتى وبتشترى من اين

[بيبو الزملكاوي]

الموضوع مالوش علاقه بالاسكودا
حضرتك روح لعفشجى يكون محترم وعنده ضمير وربنا يعينك بقه وتلاقى حد كده
انما لو روحت لمركز هتلاقيه بيغيرلك كل حاجه فى العفشه فدى حاجه ترجعلك
ولو تكرمت تقولنا اسعار قطع الغيار للصيانه وصلت لكام دلوقتى وبتشترى من اين

الحقيقة انا رحت لمركز المهندس خالد اسماعيل وقولت له ع المشكلة طلع جرب العربية وانا معاه وخد مطب بالعربية وقالى عادى مفيهاش حاجة هى عربياتنا عفشتها ناشفة بتهبد في المطبات وخلى صنايعى من عنده يراجع على تربيط العفشة لكن الصنايعى قالى العفشة تمام
لكن مفيش مانع من مراجعة عفشجى لكى يطمئن قلبي
لو تكرمت حضرتك ممكن تدلنى على عفشجى يكون كويس في نطاق مصر الجديدة او مدينة نصر واكون شاكر جدا لحضرتك :)

[mado83]

طيب ممكن بس اعرف حضرتك بتسمع اى اصوات او تخبيط او تزييق او دقدقه
ولو انته طالع مطب وبتنزل منه على البطئ مش على سرعه هل فى اى اصوات بتلاقيها
والعربيه مع حضرتك بقالها اد ايه

[mado83]

وفين تقرير الصيانه بالاسعار

[svneleven]

ما فيش سكودا جرايه غير ال 1400 ال tsi. كل الالماني ال 1600 بط بلدي. موضوع العفشة بردو ممكن تتاكد من ضغط الكاوتش لان ليه تاثير جامد علي العفشة.

[بيبو الزملكاوي]

ما فيش سكودا جرايه غير ال 1400 ال tsi. كل الالماني ال 1600 بط بلدي. موضوع العفشة بردو ممكن تتاكد من ضغط الكاوتش لان ليه تاثير جامد علي العفشة.

تمام فيه ناس فعلا قالوا لي الاوكتافيا مش بتاعة غرز ومناورات هى بتحب السواقة الهادية اكتر
اشكر حضرتك على اهتمامك وردك

[svneleven]

العفو يا فندم لا شكر علي واجب.