كنترول محرك اوكتافيا a5 مانيوال

[mado83]

محتاج اعرف لو حد غير الكنترول ده قبل كده بكام ومن اين لانه مش موجود جديد
وهل الاستيراد مضمون

[Moratoz]

اولا اكشف عند حد ثاني وثالث علشان تتأكد ام الموضوع كنترول
هي العربيه فيها ايه علشان تقول كنترول
وهو بيجي استيراد
تحياتي

[mado83]

اولا اكشف عند حد ثاني وثالث علشان تتأكد ام الموضوع كنترول
هي العربيه فيها ايه علشان تقول كنترول
وهو بيجي استيراد
تحياتي

اولا انا بشكرك ان رديت عليا علشان الصحرا اللى فى الجروب
ثانيا هقولك على اللى بيحصل بالظبط
لمبة الasrبتنور لوحدها ومابتطفيش من الزرار (لازم ابطل العربيه وارجع ادورها تانى علشان اللمبه تطف)
ثانيا فى رعشه فى العربيه على السلانسيه(الار بى ام بيرفع لوحدها وبيروح نازل اكنها هتبطل)
وروحت للمهندس خالد قالى كنترول
وفعلا كشفت امبارح عند حد تانى وقالى دى بوابه الهوا عايزه تتغير :)
ولما قريت على النت لقيت ناس بتقول ان سبب نور اللمبه هى موبينه البوجيهات والكلام منطقى لان دى حاجه ليها علاقه بالكهراب
انما البوابه ليها علاقه بالتنتيش نقول ماشى انما ليها علاقه باللمبه طب ازاى
وادينا بنجرب

[Moratoz]

بص يا سيدي أنا حصلت معايا قبل كده والعربيه نتشت ولمبه ال asr نورت فعلا وطلع سلك البوجيهات كان فيه واحد مش راكب كويس
فحضرتك ممكن تعمل الآتي
١-اولا تكشف علي البوجيهات وسلكها والموبينه
٢- ثانيا تنظف البوابه وتظبطها بالجهاز
ونشوف هل في فرق ولا لا

[mado83]

المشكله انى لسه مغير بوجيهات اصلى وبرضو نفس المشكله قبل التغيير وبعد التغيير
وامبارح غيرت البوابه استيراد من عند مجدى بيومى الحرفيين وبرضو نفس المشكله ماتحلتش الرعشه لسه موجوده
بصراحه حاجه تخنق

[Moratoz]

طيب حد تاني قلك كنترول
رجع البوابه ادام ملهاش لازمه ومفيش فرق وأستفيد بفلوسها في الكنترول لو اتأكدت

[mado83]

طيب حد تاني قلك كنترول
رجع البوابه ادام ملهاش لازمه ومفيش فرق وأستفيد بفلوسها في الكنترول لو اتأكدت

مانا بقولك روحت للمهندس خالد قالى كنترول
وروحت للهندسيه اللى ورا حديقه الطفل مكرم عبيد مهندس ايمن قالى بوابه
والكمبيوتر عند كل واحد فيهم قارى حاجه مختلفه

[geedooo911]

اولا انا بشكرك ان رديت عليا علشان الصحرا اللى فى الجروب
ثانيا هقولك على اللى بيحصل بالظبط
لمبة الasrبتنور لوحدها ومابتطفيش من الزرار (لازم ابطل العربيه وارجع ادورها تانى علشان اللمبه تطف)
ثانيا فى رعشه فى العربيه على السلانسيه(الار بى ام بيرفع لوحدها وبيروح نازل اكنها هتبطل)
وروحت للمهندس خالد قالى كنترول
وفعلا كشفت امبارح عند حد تانى وقالى دى بوابه الهوا عايزه تتغير :)
ولما قريت على النت لقيت ناس بتقول ان سبب نور اللمبه هى موبينه البوجيهات والكلام منطقى لان دى حاجه ليها علاقه بالكهراب
انما البوابه ليها علاقه بالتنتيش نقول ماشى انما ليها علاقه باللمبه طب ازاى
وادينا بنجرب

بص ياكبير انا كان قارى عندى بوابه مع نفس الاعراض الى عندك بالضبط
وفى مهندس احمد هريسه فى اسكندريه قالى المشكله فى فيشه البوابه مش البوابه نفسها وغيرتها بواحده استيراد والدنيا ظبطت تمام
جرب يمكن يكون عندك برده فيشه البوابه هى الى بايظه وبتهيس الكهربا للبوابه

[mado83]

انا غيرت البوابه كلها بس ماعرفش الفيشه دى فين بالظبط واغيرها ازاى بس عموما شكرا لاهتمامك وردك يا geedooo911

[geedooo911]

بص ياكبير الفيشه دى بتبقى راكبه فى البوابه من ورا
فكها كده وبص عليها لو لافيت البنات الداخليه بتاعتها مكسوره او واسعه ومش قافله على بعضها يبقى المشكله منها وهتغيرها
كل الى هيتعمل ان الميكانيكى بتاعك هيقص السلك الى فى اخره الفيشه وتروح تجيب واحده زيها بتبقى استيراد وتبص على السلك بتاعها ميكونش مقطوع وتبص على البنات بتاعتها تكون سليمه ومقفوله والميكانيكى هيلحم الاسلام بتاعت العربيه مع اسلاك الفيشه وهيركب ويمسح العطل من على الكمبيوتر وهتبقى تمام