اكتب ماتعرفة عن الوكتافيا ؟؟؟؟؟؟ظظ

[Fadi Ezzat]

نرجو من اعضاء المنتدى الكرام ان يكتبو عن الاوكتافيا من حيث كل حاجة فى السيارة عجباهم ومش عجباهم ( مميزات وعيوب)؟؟؟؟؟؟؟؟؟؟؟

[KHALED AYMAN]

هو محدش كتب حاجه ليه ؟؟؟؟؟ ده الموضوع واخد خمس نجوم ؟؟؟؟؟؟؟؟؟؟ يا ريت لو الموضوع شغال قولولى و انا اكتب الى اعرفه عنها

[salem]

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية.

وفيما يلي أحد المواقع التي رشحها أحد الأعضاء الكرام لتحويل الحروف الانجليزية لعربية:

http://www.yamli.com/editor/ar/

ستعامل المشاركات المكتوبة باللغة العربية عن طريق الأحرف الانجليزية بالحذف الفوري دون تنبيه مسبق للعضو بذلك، وعند تكرار المخالفة سيتم تطبيق عقوبة "تحذير" ثم "إنذار" في حال الإصرار المخالف على المخالفة.

إ.م.3

[karimone]

أعتقد ان احلي حاجه في الأوكتافيا هي الثبات و الأمان اللي في العربيه يعني لو انت مسافر عمرك ما تقلق من السرعات العاليه بجانب طبعاً فخامة العربيه من بره و من جوه بس هي قطع الغيار عايزه ترخص شويه

[KHALED AYMAN]

ان شاء الله هكتب كل الى اعرفه عن العربيه بس مش دلوقتى لانى نازل .
فعلا اكتر حاجه بتميز الاوكتافيا هى الثبات .

[karimone]

التكنولوجيا الالماني في العربيه ديه ممتازه أعتقد كمان ان الموتور هو نفس موتور الجيتا

[crazylambada]

الاوكتافيا يعني الثبات يعني الهيبة
ماشي فيالطريق تحس بالاحترام عليه
و اخد السرعة بتاعتك مش فارق معاك الطريق في جرفات مهما كان الطريق سيئ
العربية ديه بتعرف تمشي فيه علشان عفشتها و علشان كمان عالية
رغمالثبات الفظيع بتاعها
اوكتافيا يعني الفخامة
راكب حاجة مضمونة باذن الله و ماشي و انتا مطمن و سعيد
عيوبها حاجتين لحد دلوقتي
1-مجال الرؤية كويس اوي بس كان نفسي يبقى احسن
2-العربية ديه مينفعش تمشي بيها براحة فمرة كنت ماشي بيها على 80 علشانخالتي بتتوتر من السرعات العالية
و كان حيجيبلي شلل بجد كاني سايق على 40 مثلا مش 80
بالنسبة لقطع الغيار فهي مش غالية
و اي سؤال انا في الخدمة

[KHALED AYMAN]

الاوكتافيا عربيه جديره بالاحترام مع ان فيها بعض العيوب و لكن العربيه دى عاملها بشر و طبيعى انهم يغلطو و كمان العيوب الى فيها شبه لا تذكر و احسن من عربيات تانيه كتييييييييير .
الميزات:
1-ثبات رهيب لحد متوصل ل 185 و ده اخرها اقسم بالله انى بعمل غرز قاسيه جدا على 160 و 170 و عادى العربيه مبتتهزر ولا بتعوم فى اى منها و بنزل فى التراب على سرعات عاليع و مش بحس بحاجه .
2-الوسع الرهيب سواء من ادام او ورا او الشنطه يعنى من الاخر مفيهاش حاجه ضيقه .
3-نعومه العربيه و هدوء الموتور الى متسمعلوش صوت خاااااااالص .
4-قوه الفرامل و دى انا مش هعرف اوصفلكو مدى قوتها .
5-طقم الصوت الى فيها محصلش (مع انه بيفرقع و يطفى لوحده معرفش ليه).
6-صاج العربيه فوق الممتاز مع التحفظ على صاج الكبوت و ده هكتبه فى العيوب.
7-كمالياتها حلوه (بالنسبه للاليجانس)
8-مراياتها عاليه فمش بتحك فى مرايه اى عربيه تانيه لو انت داخل حته ضيقه .
9-طبعا فى مميزات كتيييييييييير مش فاكرها لو افتكرتها هبقى اقولها.
نيجى بقى للعيوب :
1-سحب العربيه ضعيف على مختلف السرعات نظرا لوزن العربيه الى مقرب على 2 طن و الموتور 1600 سى سى صغير طبعا عليه.
2-العربيه ناشفه من ورا و صوت عفشتها مسموع الى حد ما .
3-الكلاكس تقيل و مش سهل انك تضغط عليه .
4-صاج الكبوت ضعيف و الهوا بيبوظه و يا سلام لو حد اعدلك على الكبوت !!!!
5-مفيش مسوجر فى الابواب و ده مش عيب بس حاجه مضيقانى .
6-موضوع مكن رفع الازاز رخم جدا لان لو عايز تقفل الازاز و انت برا العربيه لازم تفضل ضاغط على الزرار الى بيقفل فى الريموت لحد ما الازاز يوصل للاخر.
7-دى العيوب الى انا فاكرها و ان شاء الله لو افتكرت مميزات تانيه او عيوب تانيه هبقى اقولكو بس بعدين لانى نازل كورس دلوقتى .سلام

[Fadi Ezzat]

بس هى فى الاول وفى الاخر عربية جامدة جدا جدا وشكرا للاهتمامكم

[hany_man2000]

بلا شك طبعااا الاوكتافيا عربية جامدجة جداا من حيث الثبات في السرعات العالية ومن حيث الفخامة

[zocor742]

انا من اشد المعجبين بالعربية بالذات الa4 بجد عربية تحفة
اذا ذكرت الاوكتافيا ذكر الثبااااااااااااااااااااااااااااااااات على اى سرعة وعزل الكابينة من الاصوات الخارجية ممتاز
بجد نفسى لما اغير عربيتى اجيب اوكتافيا a4 لونها زهرى او احمر بس تكون مواصفات اوروبى مش شرط الموديل بس تكون فوق ال2000 الطابلوة الصغير
الى مش عاجبنى فى العربية سحبها عند الانطلاق ممكن الفيرنا تسبقها فى الاول بس لما الاوكتافيا تجمع انسى الفيرنا دى

معلش ياجماعة انا عارف ان المنتدى دة خاص بلاسكودا بس مقدرتش مقولش رأيى فى الاوكتافيا لأنها من انجع العربيات فى مصر وبالنسبالى احسن عربية اقدر اقتنيها