استفسار من مشترى جديد لاوكتافيا A4

[h_hezzah]

منقول عن ppanser@yahoo.com

الاخوه الافاضل
انا اشتريت اوكتافيا a4 من عده ايام وعند قراءه كتيب السياره لاحظت انهم بيؤكدو فى كل كلامهم على ضروره عمل كل شىء و اى شىء لدى وكيل سكودا و الا سيحدث ما لا يحمد عقباه وان السياره ستنقلب حالها لو حدث غير ذلك
فهل اطمع فى ان اعرف خبره من سبقونى فى هذا الموضوع.
وايضا مكتوب فى الكتيب ان يستخدم لها بنزين 95 ويمكن بنزين 92 مع الشعور باقلال طفيف للكفاءه
طيب انا منذ استلامها باستعمل بنزين 90 وشاعر انها زى الفل ووصلت الى سرعه 150 كم بسوله ويسر على طريق العين السخنه
فما راى ذوى الخبره السابقه فى هذا الموضوع .... وشكرا مقدما

[h_hezzah]

كلام توكيلات طبعا

علشان ماتروحش بره.
طبعا طول فترة الضمان انت مضطر تروح لهم بس بعد كده ممكن تتعامل مع مركز خدمة يكون كويس.
بس لازم مركز يكون متخصص فى VAG (Volkswagen AG اللى هى فولكس، سكودا، سيات لأنهم كلهم نفس العربيات باختلاف الهيكل والكابينة. ولازم يكون عنده الجهاز بتاع الكشف لزوم الصيانة


انا كانت عندى الاوكتافيا لمدة 6 سنين
عربية زى الفل

البنزين ال 92 مابيفرقش معاها خالص
مع انى عندى بولو ال92 بيفرق معاها السما من الارض.
قلت مرة اجرب 92 فى الاوكتافيا (الكلام ده كان قبل مال 90 يغلى) ما لقيتش اى فرق لا فى الأداء ولا الاستهلاك.
لما ال90 غلى قلت خلاص مش فارقة ومشيت على ال92 فترة برضه مالقتش اى فرق، فرجعت لل90 تانى وقلت انى أولى بالكام جنيه الفرق دول.

[dr_3eshoo]

يا عم روق توكيل ايه و بتاع ايه طول الضمان انت عاوزهم بعد كده بالجزمه
خلص ضمانك و خد رقم اتنين ميكانيكيه شغالين في التوكيل و عندهم مراكز خدمه
محمد سمير 0122354589
و احمد عزت 0123670187

[spider6666]

اولا البنزين 90 من 92 فرق 10 قروش يعني مش مستاهله خالص

[أبو كنوز]

يا عم روق توكيل ايه و بتاع ايه طول الضمان انت عاوزهم بعد كده بالجزمه
خلص ضمانك و خد رقم اتنين ميكانيكيه شغالين في التوكيل و عندهم مراكز خدمه
محمد سمير 0122354589
و احمد عزت 0123670187

كلام صح و ١٠٠ ١٠٠ أنا بروح عند واحد كان مهندس في التوكيل و بيشتغل زي التوكيل و أحسن وارخص بكتييييييير يعني لو في حاجه في العربيه إنت تحسبها كبيره أوي و لو حد زي التوكيل ممكن يقولك ٣٠٠ جنيه مثلا وطبعا حدفع عشان أنا مش عارف هو يطلب فيها ١٥ جنيه و الكلام ده عن تجربه والله

[أبو كنوز]

اولا البنزين 90 من 92 فرق 10 قروش يعني مش مستاهله خالص

و دي نصيحتي أنا كمان لحضرتك

[reebok2010]

عربيتى سكودا a4 اتوماتيك ينفع بعد كدة اعمل صيانة كل عشرة الاف عندهم وهل عندهم الزيوت الاصلية لكل الاجهزة فى السيارة مثل زيت الفتيس الاتوماتيك.... ومعلش فى مشكلة تانية ممكن تساعدونى فيها من فترة نزلت الشارع لاقيت عربيتى اسكوداa4 الفانوس الخلفى حتة بسيطة منة مكسورة فى الجزء الاحمر دارنها بلزق عشان الماء والتراب ميدخلش على الفوانيس فممكن حد يقوللى ازاى اعلج الموضوع دة وهل حد بيبيع الوش فقط وشكرا

[spider6666]

انا عربيتي A4 وعاملة دلوقتي 104000 ولحد دلوقتي ما غيرتش زيت الفتيس
لكن اليومين دول بقيت احس بتاخير في النقلات مع العلم بان العربية اوتوماتيك وهيه موديل 98 .ممكن اعرف زيت الفتيس والفلتر بيكلفوا كام دلوقتي؟؟

[Fadi Ezzat]

اولا ياباشا العربية صراحة ان العربية بجد هتفرق معاك من 90 ل92 لان اساسا العربية تعتبر من اتقل 5 عربيات فى الملاكى والعربية معايا وجامدة موت فى سرعتها انا جبت بيها قبل كدة على طريق اسكندرية 180 وكانت متوازنة وكان فى المتور سرعة تانى بس انا خفت اكتر من كدة بس نصيحة حت بنزين 92 على اد ماتقدر

[oslo14]

momkn lw 7ad y2oly nemrt service center fi elmohandseen or madinat nasr???

[karimone]

momkn lw 7ad y2oly nemrt service center fi elmohandseen or madinat nasr???

ممكن تتصل ب 16616 و تسألهم علي مركز الخدمه في الحته اللي انت عايزها و هما اكتر ناس ممكن يفيدوك

[karimone]

انا عربيتي A4 وعاملة دلوقتي 104000 ولحد دلوقتي ما غيرتش زيت الفتيس
لكن اليومين دول بقيت احس بتاخير في النقلات مع العلم بان العربية اوتوماتيك وهيه موديل 98 .ممكن اعرف زيت الفتيس والفلتر بيكلفوا كام دلوقتي؟؟

جدول الصيانه مكتوب فيه تغيير زيت الفتيس كل 60,000كم

[crazylambada]

انا مش عارف انتا جبت منين حوار 95
ان كان مكتوب على غطا التنك بتاع الاوكتافيا A5
من جوا
91-94
يعني اكتر حاجة مناسبة ليها 92

[karimone]

في موضوع مفيد جداً عن نوع البنزين اللي تستعمله لعربيتك في اللينك ده:

http://nilemotors.net/Nile/showthread.php?t=54509

هتعرفوا في معلومات مفيده فعلاً

[ruby]

يجب تغييرزيت الفتيس كل 60000 الف كيلو دة كلام التوكيل ولكن رايى الشخصى م\ عاصم مهندس سيارات فى توكيل اسكودا 80000 كم