أريد باب شنطة فضى لـ A5

[Exlog2580]

أرجو من السادة الأعضاء ، إن كان أحد منكم يقدر يدلنى على مكان أأقدر أشترى منه باب شنطة لعربيتى الأوكتافيا A5 من الأماكن التى تبيع السيارات المقطعة والواردة من الخارج ، وتقريبا سعر السوق لباب الشنطة كامل بكام ، حيث إن سيارتى مواصفات خليجى Elegant ولونها فضى ميتالك . وشكراً

[KHALED AYMAN]

أرجو من السادة الأعضاء ، إن كان أحد منكم يقدر يدلنى على مكان أأقدر أشترى منه باب شنطة لعربيتى الأوكتافيا A5 من الأماكن التى تبيع السيارات المقطعة والواردة من الخارج ، وتقريبا سعر السوق لباب الشنطة كامل بكام ، حيث إن سيارتى مواصفات خليجى Elegant ولونها فضى ميتالك . وشكراً

اهلا بالمحلاويه
هى عربيتك لونها فضى و فيها جنط 16 اتخبطت منك على طريق طنطا و دخل فيها عربيه جامبو ؟؟؟؟ رقمها اوله 62

[Exlog2580]

شكراً على الإستقبال ، وشكراً على الأفادة .

[KHALED AYMAN]

ايه يا باشا انت زعلت ولا ايه؟؟؟
انا والله معرفش حد بصراحه يكون عنده باب الشنطه ده و على فكره انا سالتلك النهارده ملقيتش حد يعرف !!!
فى واحد بتاع اوبل ممكن تساله و اكيد هيكون عارف بتوع الاسكودا فين!!!
لو عايز عنوانه و رقمه قولى و انا اقولهملك و انا تحت امرك ده انا اخيرا لقيت حد من المحله زيى !!

[Exlog2580]

والله أنا ما زعلت ولا حاجة لأنى أصلا مش قادر أعرف أنت مين ، فلو كنت عارفنى صحيح كلمنى على تليفونى وعرفنى أنت مين علشان أعرف أسألك عن عنوان ورقم الراجل بتاع الأوبل ده ، وشكراً .

[karimone]

هاتلاقيه في الحرفيين
العربيات المتقطعه كتير هناك بس انا معرفش السعر كام

[Exlog2580]

شكراً على الرد ، ولكن للأسف أنا ذهبت إلى الحرفيين يوم الثلاثاء اللى فات وسألت عند الناس كلها ، ولقيت للأسف باب بس لون سماوى وفاضى تماما ، مافيش غير الزجاج ، عند العمرى اللى فى شارع تبارك ، لكن أنا بأدور على باب نفس لون عربيتى ( فضى ميتاليك ) علشان اشيل وأركب على طول من غير دهان .

[karimone]

عليك و علي بورسعيد بقي...

[KHALED AYMAN]

والله أنا ما زعلت ولا حاجة لأنى أصلا مش قادر أعرف أنت مين ، فلو كنت عارفنى صحيح كلمنى على تليفونى وعرفنى أنت مين علشان أعرف أسألك عن عنوان ورقم الراجل بتاع الأوبل ده ، وشكراً .

اولا انا مش متاكد ان العربيه الى انا شفتها هى بتاع حضرتك !!!!
يا باشا انا معرفش اسم حضرتك ايه و طبعا اتشرف بمعرفتك .
كل الموضوع ان لما عربية حضرتك اتخبطت انا كنت على الطريق و راجع من القاهره (كنت فى معرض الاهرام) و شوفت عربيتك و قريت الرقم و عرفت انها من المحله لانى اساسا كنت بشوف عربيتك فى المحله كتيييير .
فلما لقيت حضرتك كاتب الموضوع ده جمعت الكلام فى دماغى و عرفت ان العربيه الى انا شفتها على الطريق بتاعك فحبيت اقولك و كمان فرحت ان فى حد هنا على المنتدى من المحله الكبرى زيى !!
على العموم انا اسمى خالد ايمن .
هو ده بقى كل الموضوع و اتمنى انى مكونش ضايقت حضرتك فى حاجه او زعلتك !!!

حضرتك حاليا عملت الشنطه على البارد مش كده ...

[crazylambada]

ايهيا عم خالد
انتابتشتغل في المخابرات من ورانا و لا ايه
براحةشويا علينا احنا مش قدك

[Exlog2580]

شكراً لكم جميعاً على المشاركة ، وسوف أحاول مرة أخرى فى الحرفيين أو الأسكندرية ، لأن بور سعيد للأسف لا يوجد بها أى حاجة تخص الـ A5 غير واحد فقط فى منطقة بنك الإسكان ، ويدوبك بيجيب قطعة ولا أثنين من الحرفيين برضه . ربنا يسهل . وعلى العموم يا خالد لا تقلق يوجد أكثر من محلاوى على المنتدى مثل المهندس وحيد ومشترك من سنة 2007 ، بس الفضول واخدنى حبتين بخصوصك ، لأن أنا معظم الوقت مسافر فى شغلى وأنت من الواضح عارفنى قوى لدرجة إنك عارف عربيتى ومواصفاتها ، هاهاهاهاهاهاهاهاها

[KHALED AYMAN]

شكراً لكم جميعاً على المشاركة ، وسوف أحاول مرة أخرى فى الحرفيين أو الأسكندرية ، لأن بور سعيد للأسف لا يوجد بها أى حاجة تخص الـ A5 غير واحد فقط فى منطقة بنك الإسكان ، ويدوبك بيجيب قطعة ولا أثنين من الحرفيين برضه . ربنا يسهل . وعلى العموم يا خالد لا تقلق يوجد أكثر من محلاوى على المنتدى مثل المهندس وحيد ومشترك من سنة 2007 ، بس الفضول واخدنى حبتين بخصوصك ، لأن أنا معظم الوقت مسافر فى شغلى وأنت من الواضح عارفنى قوى لدرجة إنك عارف عربيتى ومواصفاتها ، هاهاهاهاهاهاهاهاها

يا باشا انا متابع عربيات المحله كلها بارقامها و حافظها زى عربية حضرتك و مجرد مشوف العربيه فى اى حته ببقى عارفها يعنى انا لما شفتها على الطريق عرفتها و لما بشوفها فى المحله بعرفها برده (حتى كانت ادام كنتاكى من يومين ) بس بجد والله انا اسف انى اثرت فضولك و ربنا يعينك على شغلك و انا على فكره سعيد جدا ان فى ناس هنا من المحله اصلى كنت مفكر نفسى لوحدى لكن خلاص بقى ليا دهر اتسند عليه ههههه.
على العموم الراجل بتاع الاوبل الى قلتلك عليه اسمه عاشور و رقمه 0122424928 و اخوه سيد و رقمه 0126061866 و عنوانه : وانت جاى من القاهره للمحله فى بلد اسمها (اخناواى ) هو فى مدخل البلد دى على يمينك او بمعنى تانى مدخل اخناواى ده هيبقى على يمينك و انت جاى ادخله هتلاقى عاشور ده على يمينك برده و هو عباره عن ارض كبيره و ليها بوابه و هتلاقى العربيات الاوبل متقطعه انصاص كتيييييييييير ادخله و اساله هتلاقيه عارف اكيد .
و اى خدمه انا تحت امرك و يا رب اكون ساعدتك بحاجه من الى انا قلتها وعلى فكره انا والله معرفش حضرتك ولا اعرف اسمك مجرد بس انى عارف العربيه !!!!

[KHALED AYMAN]

ايهيا عم خالد
انتابتشتغل في المخابرات من ورانا و لا ايه
براحةشويا علينا احنا مش قدك

ههههههههه شوفت بقى انا مش اى حاجه احذرونى !!!!
بهظر يا عم بس اصل انا متابع عربيات المحله هنا كلها حتى الى نمرها مش من المحله يعنى فى عربيات هنا قاهره لما بشوفها فى القاهره بعرفها برده ههههههه المفروض يشغلونى فى المرور مش كده ؟؟

[karimone]

انت بتراقب العربيات في المحله و في القاهره كمان... ده انت جامد قوي

طب المحله و قولنا ماشي اهي ملمومه شويه انما القاهره ديه واسعه شويه...

[crazylambada]

ما انتا مش عارف هو حاطت 4 كاميرات مراقبة
واحدة في دخلة القاهرة الصحراوي من ناحية بلبيس
و التانية فيداخلة القاهرة الزراعي
و التالتة في مدخل القاهرة الاسكندرية الصحراوي
و الرابعة في مدخل طريق الكريمات في نهاية الاوتوستراد خاااااالص
بس
انا كنت معاه و هو بيركبه حتى كنت شايله علشان يطول يركب الكاميرات على عواميد النور
انتا مسالتش نفسك فيه عواميد نور بليل بايظه ليه
ما هو احنا شيلنا اللمض و ركبنا الكاميرات مكانها

كلمة السركتكوووووووووووت