الاسكودا دى رقم كام معاك ؟؟

[KHALED AYMAN]

يا جماعه يا ريت كل واحد سكوداوى هنا بقولنا كان معاه سكودا قبل كده ؟؟ و لو كان معاه كانت سكودا ايه ؟؟ يا ترى هيشترى سكودا تانى و لا ندم انه جابها ؟؟؟
يعنى من الاخر كل واحد يحكيلنا قصته مع سكودا ؟؟


انا عملت الموضوع ده فى قسم الاوبل (جيرانكو) و الرجاله بتوع العصابه هناك مظبتينى بصراحه و شغالين معايا و ده عشمى فيكو منا سكوداوى برده مش اوبلاوى بس
اتمنى انكو متكسفونيش ههههه :pointi~2[2]:

[mrvipm]

A4 موديل 2002
ممتازة جدا

[Fadi Ezzat]

الموضوع متقلد من اوبل

[Fadi Ezzat]

تم حذف المحتوى تلبياً لطلب العضو.

إ.م.2

[KHALED AYMAN]

شكرا يا جماعه على الردود .
على فكره انا الى عامله فى الاوبل برده مش مقلده من حد .

[crazylambada]

بص يا فينس اول عربية امتلكها هي سكودا فيفوريت و اللي لسه معايا لحد دلوقتي
و جت بعديها العروسة سكودا اوكتافيا A5
و مبفكرش خالص في موضوع شراء سيارة جديدة
بس لو حصل حيبقى سيارة من ماركة سكودا او سيات
لاني من عشاق سكودا و السيات جدا
و الخيارات اللي في بالي سيات ليون او سكودا رومستر

[Mustafa_Farouk]

السلام عليكم،

أول عربية كانت سكودا اوكتافيا A4 ٢٠٠٣ بتاعة أختي وكنت لونها أحمر وجنوط اوريجنال وهي كانت دمغها غريبة، فرش جلد وكاسيت وسماعت وعملاها من جوه استديو. في ٢٠٠٦ عملت بها حادثة جامدة جداً على أكتوبر، بجد كنت حادثة موت ، أنا عندي الصور بتعت العربية لما روحنا عند القسم بس مش بعرف أنزل الصور. إتقلبت بها وفضلت زاحفة على الكوبري كتير بالرغم انها كانت وزن العربية تقيله، الحمد الله طلعت منها بفضل الله وحده سليمة، كل حاجة منتهية ماعدة الصالون بتاع العربية.

اوكتافيا A5 ٢٠٠٧، الحمد الله، ربنا هدى أختي من طريقة السواقة المجنونة اللي كنت بتسوق بها من غرز الي شد وأصبحت زي أي وحدة بتسوق، طريقة ممله جداً، يمكن أكتر مني كمان.
بصراحة من تجربتي من سواقة الاثنين، حبتهم جداً وحسيت انهم فعلا ما شاء الله عربيات محترمة وخلتني أحب سكودا جداً وفعلاً لو حبيت أغير الاسترا، ممكن أجيب فابيا ميني وخصوصاً انها داخلة دماغي جداً بس برضو بحب اوبل ومش عارف أعمل إيه. فكرت إن شاء الله لم اتجوز حخلي مراتي تشتريها عشان أسوقها منها، دة لو مجبتهشي قبلها.

[dr_darsh]

موضوع جاااامد وده مش جديد عليك
انا أول سكودا ركبتها كانت فليشيا 1300 سى سى موديل 1997 حمراء وكانت عربيه محترمه جدا وبجد كانت من أجمل العربيات اللى ركبتها واشترتها سنه 2000و بعتها فى 2005 وهى دلوقتى مع خالى
تانى سكودا هى الجميله octavia A5 موديل 2005 واشترتها قبل ما أبيع الفليشيا باسبوعين تقريبا وهى لسه معايا
ولو فكرت ابيع هاشترى باسات أو أوكتافيا تانى

[KHALED AYMAN]

بص يا فينس اول عربية امتلكها هي سكودا فيفوريت و اللي لسه معايا لحد دلوقتي
و جت بعديها العروسة سكودا اوكتافيا A5
و مبفكرش خالص في موضوع شراء سيارة جديدة
بس لو حصل حيبقى سيارة من ماركة سكودا او سيات
لاني من عشاق سكودا و السيات جدا
و الخيارات اللي في بالي سيات ليون او سكودا رومستر

متشكر يا كريزى على الرد...
كده انت سكوداوى اصيل و واضح انك مقتنع بيها اوى و عندك حق طبعا لانها شركه تمااااااااام .
ربنا يباركلك فى العربيتين و عقبال ما يزيدو .

السلام عليكم،

أول عربية كانت سكودا اوكتافيا A4 ٢٠٠٣ بتاعة أختي وكنت لونها أحمر وجنوط اوريجنال وهي كانت دمغها غريبة، فرش جلد وكاسيت وسماعت وعملاها من جوه استديو. في ٢٠٠٦ عملت بها حادثة جامدة جداً على أكتوبر، بجد كنت حادثة موت ، أنا عندي الصور بتعت العربية لما روحنا عند القسم بس مش بعرف أنزل الصور. إتقلبت بها وفضلت زاحفة على الكوبري كتير بالرغم انها كانت وزن العربية تقيله، الحمد الله طلعت منها بفضل الله وحده سليمة، كل حاجة منتهية ماعدة الصالون بتاع العربية.

اوكتافيا A5 ٢٠٠٧، الحمد الله، ربنا هدى أختي من طريقة السواقة المجنونة اللي كنت بتسوق بها من غرز الي شد وأصبحت زي أي وحدة بتسوق، طريقة ممله جداً، يمكن أكتر مني كمان.
بصراحة من تجربتي من سواقة الاثنين، حبتهم جداً وحسيت انهم فعلا ما شاء الله عربيات محترمة وخلتني أحب سكودا جداً وفعلاً لو حبيت أغير الاسترا، ممكن أجيب فابيا ميني وخصوصاً انها داخلة دماغي جداً بس برضو بحب اوبل ومش عارف أعمل إيه. فكرت إن شاء الله لم اتجوز حخلي مراتي تشتريها عشان أسوقها منها، دة لو مجبتهشي قبلها.

و عليكم السلام..
الحمد لله ان اختك طلعت سليمه و ده يدل على انها عربيه مش اى كلام لان واضح ان الحادثه كبيره بس العربيه ما شاء الله آمنه ...
كده ؟؟ عايز تسيب العصابه ؟؟ هههههه
فعلا هات العربيه الفابيا لمراتك و ابقى اركبها معاها .....
لان العصابه مش هتقدر على فراقك انت و الاسترا بتاعك .

موضوع جاااامد وده مش جديد عليك
انا أول سكودا ركبتها كانت فليشيا 1300 سى سى موديل 1997 حمراء وكانت عربيه محترمه جدا وبجد كانت من أجمل العربيات اللى ركبتها واشترتها سنه 2000و بعتها فى 2005 وهى دلوقتى مع خالى
تانى سكودا هى الجميله octavia A5 موديل 2005 واشترتها قبل ما أبيع الفليشيا باسبوعين تقريبا وهى لسه معايا
ولو فكرت ابيع هاشترى باسات أو أوكتافيا تانى

ربنا يخليك يا دكتور .......
و ربنا يباركلك فى عربيتك و عربيه خالك ..
بس قولى بقى انت طالما عربيتك 2005 يبقى نازله بدون كاسيت و مثبت صح ؟؟

[HSultan]

من سكودا Octavia A4 2003 AT إلـى Octavia A5 2008 AT والحمد لله أندم فقط على إنى ماأجلتش القرار وحصلت الشكل الجديد

[modiabbas]

octavia a5 2009 ان شاء الله مش هجيب عربيات تانى غير اسكوداااااا