نتكلم شوية عن سكودا رومسترRoomster

[semihuman]

ايه يا دكتور مستنين تقييمك الكامل عن الرومستر
وايه اخبار ثباتها في المنحيانات عشان هي عاليه؟؟
وايه اخبار العفشه؟؟
هل عندك فيها اي ملاحظات؟
وان شاء الله صحبي الانتيم حجز المانويل منها و هيستلم في نص ابريل
وهبقي اكتبلوكوا رائينا في المانويال

[د.محمد الشيخ]

ايه يا دكتور مستنين تقييمك الكامل عن الرومستر
وايه اخبار ثباتها في المنحيانات عشان هي عاليه؟؟
وايه اخبار العفشه؟؟
هل عندك فيها اي ملاحظات؟
وان شاء الله صحبي الانتيم حجز المانويل منها و هيستلم في نص ابريل
وهبقي اكتبلوكوا رائينا في المانويال

ان شاء الله
ثباتها هايل والعفشة لا هى رياضية اوى ولا ناعمة اوى .
تقييمك لفئة المانيوال مهم اوى نظرا لوجود اوبشنز كتير فى الكمفورت مش موجودة فى البيسيك وده ممكن يجعل التقييم بين الموديلين مختلف .

[semihuman]

حضرتك شايف قد ايه انا مهتم فاكيد اي خبر هيوصلني هوصله

اما موضوع الثبات ده فهل و حضرتك مشغل esp?
ولا من غيره
لان المانويال مفيهاش espفنفسي اعرف هتكون ثبته ولا لا؟

وسؤال تاني هل هي سهله الركن و ابعادهها كويسه؟
وكمان بالنسبه لمتعه القياده ايه اخبارها لان كل المواقع الاجنبيه بتقول انها ممتعه علي الرغم من انها mbv!!
معلش انا اسف اني بسأل كتير بس بالنسبالي العربيه دي هي عربيه العمر

[semihuman]

يا دكتور مستنين ردك
بخصوص موضوع الثبات و انت قافل esp
ياريت تطمنا و شكرا

[semihuman]

يا جماعه انا شوفت واحد راكب الروستر المانويال
ووقفته وسألته وكان موضوع محرج
سألته هل هي ناعمه قالي كويسه بس مش زي طبعا التوياتا مثلا
قالي انها جوا المدينه 50لتر بيعملو حوالي 500كيلو
وفي الطوالى بتعمل 750كيلو (تخيلو)
وقال انها ثابته و جرايا و كويسه جدا و في المجمل مبسوط بيها

[د.محمد الشيخ]

يا دكتور مستنين ردك
بخصوص موضوع الثبات و انت قافل esp
ياريت تطمنا و شكرا

اعتذر عن التاخير فى الرد

الحقيقة بحس فعلا بفرق فى الثبات

[semihuman]

طيب يا دكتور عشان نبقي متخيليين هي من غير eps بتبقي مش ثابته خالص؟
و او تقدر تقارنها بثبات عربيه تانيه؟؟
اديناامثله بعد اذنك
اتمنى ملتكونش زهقت من كتر الاسئله :)
وربنا يخيليهالك ويديك خيرها

[د.محمد الشيخ]

طيب يا دكتور عشان نبقي متخيليين هي من غير eps بتبقي مش ثابته خالص؟
و او تقدر تقارنها بثبات عربيه تانيه؟؟
اديناامثله بعد اذنك
اتمنى ملتكونش زهقت من كتر الاسئله :)
وربنا يخيليهالك ويديك خيرها

ربنا يخليك وتحت امرك

اكيد فى الظروف العادية بعيد عن المفاجئات ممكن ميكنش فيه فرق محسوس
لكن اللى اقدر اقوله انى لما بوقف نظام الثبات بحس ان العجل بيتأثر اكتر باى مطبات على الطريق فى حين وانا مشغله بحس ان العجل متماسك اكتر وده بحسه من اهتزاز الدريكسيون فى المطبات .
بس عشان اكون واقعى يمكن ده كله يكون وهم وتخيل منى لان العامل النفسى له دور كبير .
عموما لا اعتقد ان الاوبشن دى تستحق الانتقال من فئة لفئة اخرى لمجرد الحصول عليها .

[semihuman]

طيب في حاجه كمان
هل مثلا ممكن لما تسافر بيها تمشي على 180مثلا في طريق مستقيم بدون مشاكل؟؟

[د.محمد الشيخ]

طيب في حاجه كمان
هل مثلا ممكن لما تسافر بيها تمشي على 180مثلا في طريق مستقيم بدون مشاكل؟؟

انا لسة مجربتش 180 دى ولا اعتقد انى ممكن اوصل للسرعة دى لان ده نوع من التهور وعدم الاحساس بالمسؤولية كمان الطرق المصرية غير مصممة للسرعة دى من اصله .
لكن انا وصلت ل 140 وكانت ما شاء الله أسد ولا أكنك ماشى على 80 .

[fmohiy]

i'm thinking seriously of buying roomster comfort for me and sirion 1.3 for my wife.

Can you advise which car you enjoy driving more as you own both ?

also, how good is the sunroof on the roomster and the cruise control?

[fmohiy]

also, when you close the sunroof blinds, does it shield from the sun completely or doed the sun/ and heat still pass through?

thanks in advance`

[د.محمد الشيخ]

i'm thinking seriously of buying roomster comfort for me and sirion 1.3 for my wife.

Can you advise which car you enjoy driving more as you own both ?

also, how good is the sunroof on the roomster and the cruise control?

Sunroof is verygood , it prevents sun completely
Cruise Control is really perfect.
For driving more smoothly with nice acceleration and short distance it is Sirion.
For verygood isolation ,comfort and long distance travel , it is Roomster

[semihuman]

what about reliability?
مين امتن ؟؟ و معمر اكتر؟؟
يعني يا دكتور السريون 1.3 تمنها تقريبا 80الف علي ما اعتقد
و الرومستر 1.6 87الف اول فئه مانوال
انا بفضل الروستر بالرغم انها طبعا بتستهلك بنزين اكتر عشان 1600Cc
بس بحس انها افخم و امتن
انت ايه رايك؟؟؟

[د.محمد الشيخ]

what about reliability?
مين امتن ؟؟ و معمر اكتر؟؟
يعني يا دكتور السريون 1.3 تمنها تقريبا 80الف علي ما اعتقد
و الرومستر 1.6 87الف اول فئه مانوال
انا بفضل الروستر بالرغم انها طبعا بتستهلك بنزين اكتر عشان 1600Cc
بس بحس انها افخم و امتن
انت ايه رايك؟؟؟

ايوه الرومستر افخم وامتن وثبات اعلى وتقفيلها افضل كتير من السيريون