إن شاء الله حستلم عربيتي الجديدة بعد بكرة من التوكيل وعايز المساعدة

[hazembarakat]

انا إن شاء الله حستلم عربيتي الفابيا الجديدة من معرض ارتوك يوم الاثلاثاء
فكنت عايز اعرف اخود بالي من اه أثناء الاستلام من حيث العربية نفسها و محتويتها و الورق بتاع الاستلام و المبايعة ؟
و انا سمعت كمان إني حروح مرور السرايات عشان أخود شهادة بيانات حاجة كدة عشان هيا مستوردة فا حد يعرف بزبت انا حروح مرور بين السرايات ليه و حياخد فلوس كام و وقت اد إيه ؟
----------
إ م -6

[mahmoudzaied]

الف مبروك يا باشا مقدما
وربنا يديلك خيرها ويكفيك شرها
اول حاجة تتأكد ان الاوبشنز اللى فيها كلها شغالة زى الانوار والازاز الكهربة و ولاعة السجاير و الكاسيت والسماعات
ثانى حاجة تشوف الكاوتش الاحتياطى والكوريك والمفك بتاع العجل
ولو فيه شنطة اسعافات ومثلث ( انا معرفش بتنزل بيهم ولالأ)
تتاكد ان العربية مفيهاش ولا خربوش ولا خبطة
بالنسبة للمرور مش هقدر افيدك

[semihuman]

انا بس عايز اقولك حاجه بره الموضوع
اننا هنستني تقيمك للعربيه ان شاء الله عنها

[hazembarakat]

شكرا يا استاذ محمد ويا جدعان ليه مافيش حد بيساعد

[Islam Amer]

الف مبروك يا استاذ حازم وربنا يكفيك شرها ويحمهالك

[tmedhat]

الشهادة بخمسة جنية فى مرور السرايات
ادى للراجل فى الشباك 10 جنية يخاصك على طول
وطبعا لازم صاحبها و البطاقة معاك عشان يديك البيانات
ولازم تاخد جواب المرور معتمد يعنى مختوم
وصورة من الافراج الجمركى للسيارة
وربنا يوفقك

[sasatony]

اول حاجة شوف العداد وشوفها مشيت قد ايه عشان فيه معارض بيمشو بيها
تاني حاجة تشوف كل الاوبشنز وتجرب الانوار وكل حاجة
تالت حاجة تشوف الاستبن وشنطة العدة
رابع حاجة تفحص كل جزء في العربية عشان في عربيات بتبقي متجرحة في المعارض
وجواب من المعرض عشان الترخيص
والف مبروك ياباشا وربنا يديك خيرها ويكفيك شرها

[eelgammal]

بص يا سيدي .......ما تقلقش من حاجه ساعة التسليم....اللي هايسلمك واحد اسمه أ/ياسر في الغالب و هايديك ورقة افراج جمركي فيها كذا عربيه و لما هاتروح بين السريات هاتروح لواحد اسمه أ/ امجد......ياسر هايقولك عليه ......هاتديله 45 جنيه و هو هايخلص كل حاجه في 10 دقايق....و على فكره مش لازم تروح بالعربيه

[crazylambada]

بص يا سيدي .......ما تقلقش من حاجه ساعة التسليم....اللي هايسلمك واحد اسمه أ/ياسر في الغالب و هايديك ورقة افراج جمركي فيها كذا عربيه و لما هاتروح بين السريات هاتروح لواحد اسمه أ/ امجد......ياسر هايقولك عليه ......هاتديله 45 جنيه و هو هايخلص كل حاجه في 10 دقايق....و على فكره مش لازم تروح بالعربيه

وكمان هو لازم يقولك على كل حاجة معاها
ويعرفك كل حاجة فيالعربية
لو انتا بجنوط سبور
شوفانتا طلبت جنوط سبور خامسلو طالب شوف الاستبن
لو جنوط حديد عادي
اتاكد من الطاسات و الكتالوجات فيه مفتاحين منهم واحد مربوط بالكتالوج بتاع العربية
و رقم التشفيربتاع الريموت و ده مهم جدا
وشوية كتالوجات تانية

والف مبروك مقدمابس حضرتك طالبمواصفاتها ايه