ريموت الانذار للاسكودا

[zomzom11]

معايا ريموت للاسكودا لو حد احتاجه اخذته من حد على اساس يتبرمج للهيونداى بس للاسف عرفت انه ما ينفعش غير للاسكودا لو حد عاوزه يقول او يقولى اتصرف فيه ازاى
وتقريبا كده هو بتاع اوكتافيا لانى شفت ناس معاهم اخوه وبيفتحو بيه الاوكتافيا او يمكن هو ينفع كل الاسكودا
وشكرا لكم

[mohameduoser]

هو ينفع بعد البرمجة يشتغل على اى اوكتافيا
انتو جبتو من فين

[zomzom11]

بصراحه انا لما ضاع الريموت بتاعى اشتريت ده من واحد بتاع قطع غيار كان عنده تقريبا لفاه او خده هو قالى انه ممكن يتبرمج اشتريته منه كنت برجع له حاجه وبدل ما اخد فلوس اخذته على اساس ابرمجه عن بتاع الانذار الى قالى ان ده مش هايتبرمج على انذار الولف
لو حبيت هاحاول احط شكله بردو هنا

[zomzom11]

انا صورت الريموت يمكن يفيد

[mohameduoser]

اكيد مش شغال دة بيجى مشفر لكل عربية

[solly1979]

انا مش فاهم حاجه من الموضوع دة
يعنى انا دلوقتى معايا اوكتافيا ينفع ابرمجه على العربيه
ولو ينفع يتكلف كام انا اعرف ان نسخه المفتاح الاصلى فى التوكيل ب 1400 جنيه
وانت عايز تبيعه بكام
يا ريت التفاصيل مرة واحدة علشان نفهم
وشكرا للافادة

[zomzom11]

بصراحه انا ما تصورتش المبلغ ده ده كتير اوى انا وقف عليا بحوالى 110 جنيه ولو هابيعه مش هازود عن 150 جنيه بس المهم هل هو ينفع ولا لا ؟
هو شغال وبينور والمفتاح بيفتح بالضغط على الزراير بتاعته لو حد محتاجه يسال الاول عشان ما يعملش زى ويشترى سمك فى ميه كان نفسى يتبرمج عندى لانه متين وخامته حلوه وكمان شيك عكس الزباله الى ادوهالى
المهم الى يهمه يعمل نسخه اضافيه يسال ويقولنا الاول ينفع ولا لا عشان انا مش عارف
وهو موجود معايا لو حد حب يبعت يقول

[zomzom11]

انا لقيت فى نفس النتدى ناس جايبين معلومات بالتفصيل والاسعار للى يحب يعمل نسخه للمفتاح او الريموت للعربيه وعند ناس متخصصه دى شغلتها ويا رب يفيد كل الناس اللينك اهو

http://www.nilemotors.net/Nile/showthread.php?t=22724

[zomzom11]

محدش يعرف اى معلومات يفيدنا او سكه نسال بيها اذا كان الريموت ده مجدى ولا لا؟

[sheeko00]

القصة يا باشا فالبرمجة هى مش صعبة وممكن تعملهاانت فدقيقتين بس المهم تعرفها فى عربيات مثلا تقفل كل الابواب وتفتح الشنطة وتفتح الكونتاكت وتفتح وتقفل من الريموت وبعدين تفتح الكونتاكت وتقفلو مرتين و فى طرق تانية فسال على برمجة الاسكودا او اشترية وبرمجة فالتوكيل واسال الاول وطمنى برسالة خاصة

[zomzom11]

شكرا للجميع
انا روحت مركز الصيانه فى دير الملاك وسالتهم وقالولى ماينفعش ومالوش لازمه وقالولى انه بتاع A5 وقاللولى زى ما حضراتكم قلتو انه غالى جدا وبحوالى 1400 بس للاسف قالولى ما ينفعش وقلتلهم طب ايه وجه الاستفاده قالولى انك تلاقى العربيه وتديه لصاحبها قلتلهم شكرا خذوه انتو بقى وسيبتهلهم على وعسى حد يكون معاه اسكودا ويستفيدو بيه
شكرا لكال من ساهم وتحياتى للياده المشرفين
برجاء غلق الموضوع لانتهاء المنفعه منه
وشكرا