ال A5 بتاعنا طلعت معووجه !!!!!!!!!

[KHALED AYMAN]

ازيكو يا جماعه يا رب تكون بخير ...
بصراحه انا مش عارف اقول ايه فهدخل فى الموضوع على طول ..
امبارح كنت كنا مسافرين بالاوبل و الاوكتافيا ..
و انا كنت راكب الاوبل مع اخويه ووالدى ادامنا بالاوكتافيا ....
المهم ..
احنا كنا ماشيين ورا بالظبط و شفت الاتى :
العربيه و هى ماشيه معووجه ناحيه اليمين ..
يعنى وشها رايح يمين و دهرها شمال ...
قلت يمكن انا غلطان ..
اخويه شافها قالى نفس الكلام ...
ابص عليها من ناحيه اليمين الاقى كلامى صح ..
و احنا راجعيين ..
ركبت انا و اخويه الاكتافيا ووالدى ركب الاوبل علشان يبص عليها ..
شافها و قالى نفس الكلام ...
العربيه معووجه !!!!!!!
بالظبط زى ما اى عربيه تعمل حادثه و الشاسيه يتعوج !!!
انا و اخويه ووالدى هنتجنن !!!
المشكله ان لو مثلا هنقول الزوايا مش مظبوطه !!
اكيد العربيه كانت هتحدف يمين او شمال ..
او هتعمل صوت على الارض و انا بدير بيها او بلف جامد !!
لكن مفيش اى حاجه من دى !!!!!
يا ريت يا جماعه تقولولى اعرف ازاى فى ايه فى العربيه !!!

و لو فرضنا اسوا الفروض !!
هتبقى العربيه دى عامله حادثه و متصلحه !!!
طيب ده العربيه خليجى ...
عملت حادثه فى الخليج ولا هنا !!!
يااااااااااااااااااااااااااااه
انا اتكلمت كتير اوى ..
معلش بس اصلى هتجنن و اعرف !!
مستنى ردكو يا سكوداويه و يا غير سكوداويه !!!

[noon_eg]

اسهل حاجه تعملها تروح امركز زوايا كويس -- ممكن تشوف درش اللى فى المنتدى هنا -- وتخليه يتاكد من مقاسات العربيه تماما ويزبط الزوايا بالمره

وحيقول لك اذا كان فيه مشكله ولا لا على طول

وممكن تطلع تزبيط الزوايا اللى ورا وربنا يطمنك ان شاء الله

[ADIPROVISTA]

بصراحه انا مش متخيل الموضوع اصلا
مش انتو جايبينها زيرو
حاتعمل حادثه فين؟؟
وحاتصفر العداد ازاى
ومش ممكن طبعا تكون طالعه من المصنع كده
يمكن يكون خداع نظر

[fahd_628]

بصراحه انا مش متخيل الموضوع اصلا
مش انتو جايبينها زيرو
حاتعمل حادثه فين؟؟
وحاتصفر العداد ازاى
ومش ممكن طبعا تكون طالعه من المصنع كده
يمكن يكون خداع نظر

صعب اوى خداع نظر و يكونو كلهم شافوها معوجة

المهم ان عمرك ما خدت خبطة ولا طلعت فوق رصيف كحادثة مثلا ولا اى حاجة خالص يعنى العربية ماشية ما شاء الله منغير ولا خبطة ولا حادثة لا قدر الله ؟

[Abdo_Eldesokey]

روح لواحد بتاع زوايا هيجبلك المفيد ... وإن شاء الله تطلع حاجة بسيطة

[KHALED AYMAN]

اسهل حاجه تعملها تروح امركز زوايا كويس -- ممكن تشوف درش اللى فى المنتدى هنا -- وتخليه يتاكد من مقاسات العربيه تماما ويزبط الزوايا بالمره

وحيقول لك اذا كان فيه مشكله ولا لا على طول

وممكن تطلع تزبيط الزوايا اللى ورا وربنا يطمنك ان شاء الله

ربنا يطمنك يا باشا ...
انا ان شاء الله هستنى لحد صيانه ال 25 الف فاضل عليها 2500 كم ..
و هشوف فى التوكيل ايه الموضوع ...
هو درش عنده مركز ظبط زوايا ولا ايه ؟؟

بصراحه انا مش متخيل الموضوع اصلا
مش انتو جايبينها زيرو
حاتعمل حادثه فين؟؟
وحاتصفر العداد ازاى
ومش ممكن طبعا تكون طالعه من المصنع كده
يمكن يكون خداع نظر

يا باشا العربيه احنا شارينها زيرو ...
و بالنسبه لموضوع تعمل حادثه فين فده سهل جدا ..
انا شايف بعنيا عربيات استرا زيور فى منصور و لسه بالورق الابيض و بتغير وش او رفارف او اى حاجه ..
المهم انها بتكون عامله حادثه ..
و نفس النظام فى نور الجين شريف ..
و نفس الكلام فى عز العرب ...

صعب اوى خداع نظر و يكونو كلهم شافوها معوجة

المهم ان عمرك ما خدت خبطة ولا طلعت فوق رصيف كحادثة مثلا ولا اى حاجة خالص يعنى العربية ماشية ما شاء الله منغير ولا خبطة ولا حادثة لا قدر الله ؟

عندك حق يا فادى باشا ...
احنا 3 شوفناها ...
و كلنا اجمعنا على نفس الراى ...
و هى الحمد لله عمرها ما اتخبطت و محدش غيرى اانا ووالدى و اخويه بيربها علشان تتخبط منه ...

روح لواحد بتاع زوايا هيجبلك المفيد ... وإن شاء الله تطلع حاجة بسيطة

ان شاء الله تطلع حاجه بسيطه ...
ربنا يطمنكو يا جماعه و ان شاء هبغلكو بالتطورات و مستنى ردود باقى الاعضاء !!!!

[Fadi Ezzat]

على فكرة احتمال كبير تكون زوايا لان عد ظبط الزوايا بيخلى عجلة محدوفة فى جنب وعجلة تانية فى جنب تانى فابتخلى العربية معوجة
بس على العموم روح شوف الزوايا وربينا يحلها وان شاء الله تطلع سليمة

[KHALED AYMAN]

على فكرة احتمال كبير تكون زوايا لان عد ظبط الزوايا بيخلى عجلة محدوفة فى جنب وعجلة تانية فى جنب تانى فابتخلى العربية معوجة
بس على العموم روح شوف الزوايا وربينا يحلها وان شاء الله تطلع سليمة

ربنا يخليك يا فادى .....
انا تشاورت مع والدى فى الموضوع ده النهارده ..
قالى التوكيل يشوفها و هى بتعمل الصيانه ..
و لو لا قدر الله معووجه فعلا يبقى اكيد التوكيل هيعرف انها عامله حادثه (هتبقى كارثه)..
و لو حاجه بسيطه هيعرفوها ....

ربنا يستر

[M.Mostafa80]

ألف لا بأس ياراجل أن شاء الله تطلع حاجه بسيطه جدا فى الزوايه بتاعتها
أخبار الأوبل أيه وطبعا الفولكس يكسب ههههههههههههههههه

[mido777]

ان شاء الله تكون حاجة سهلة ومقدور عليها

بس ابقى طمنا عملت ايه

[AHMED900]

والله أنا بشوف وبسمع عجايب في بلدنا دي

يعني ايه عربية زيرو ما عملتش حوادث ومعووجة؟؟

[mezo73]

ممكن ودة مجرد احتمال
ان العربية تكون اخدت مطب جامد عوج مقص وخلها تعمل كدة
بالمناسبة انا عارف كويس العوجة اللي انت تقصدها زي اتوبيسات النقل العام بس في النقل والاتوبيسات اللي بيعمل فيها كدة ان في حاجة اسمها كرسي النص بتتكسر

[momenhamdy]

ممكن ودة مجرد احتمال
ان العربية تكون اخدت مطب جامد عوج مقص وخلها تعمل كدة
بالمناسبة انا عارف كويس العوجة اللي انت تقصدها زي اتوبيسات النقل العام بس في النقل والاتوبيسات اللي بيعمل فيها كدة ان في حاجة اسمها كرسي النص بتتكسر

+111111111111

هو ده بالظبط الي كنت حقوله يا خالد باشا في الموضوع الخاص بعربيه الوالد بس في حاجة عايز اوضحها لحضرتك
ممكن العربيه تكون اخدت مطب جامد من ناحيه اليمين و فتح المقص شوية
و في احتمال تاني ان العجله التمين تكون قالبه لجوه فديك احساس ان العربيه ملوحه
فحال حضرتك تروح لبتاع زوايا شاطر يشوف لك المقص سليم و لا لا و اكشف علي العجله اليمن نفسها

و ان شاء الله كل الامور تكون تمام
ولك اجمل تحيه يا خالد باشا :k10:

[KHALED AYMAN]

ألف لا بأس ياراجل أن شاء الله تطلع حاجه بسيطه جدا فى الزوايه بتاعتها
أخبار الأوبل أيه وطبعا الفولكس يكسب ههههههههههههههههه

هههههههههه
والله انت دمك زى العسل ...
ان شاء الله تطلع ضعف نظر عندى انا ووالدى و اخويه و بلاش زوايا هههههههه

شوفت بقى الاوبل ؟؟
عامله 137 الف كم و متعوجتش انما الاوكتافيا اتعوجت من 20 الف كم هههههههه

ان شاء الله تكون حاجة سهلة ومقدور عليها

بس ابقى طمنا عملت ايه

ربنا يخليك يا باشا و ان شاء الله هطمنكو ..

والله أنا بشوف وبسمع عجايب في بلدنا دي

يعني ايه عربية زيرو ما عملتش حوادث ومعووجة؟؟

على فكره يا باشا مش معنى انها زيرو انها متكونش عملت حادثه ..
انا شايف بعنيا عربيات بالورق الابيض فى منصور و فى سكودا و فى عز العرب ..
عامله حوادث و بتتصلح و تتباع ..
صديق والدى كان شارى فيكترا 2001 زيرو و فى صيانتها اكتشف انها معووجه !!!

ممكن ودة مجرد احتمال
ان العربية تكون اخدت مطب جامد عوج مقص وخلها تعمل كدة
بالمناسبة انا عارف كويس العوجة اللي انت تقصدها زي اتوبيسات النقل العام بس في النقل والاتوبيسات اللي بيعمل فيها كدة ان في حاجة اسمها كرسي النص بتتكسر

ايوووووووه
هى دى العوجه الى انا اقصدها ...

بس موضوع مطب ده صعب اوى ..
العربيه احنا بنركبها بكل حرص و غير كده محدش بيركبها غيرنا و الى بيخبطها بيقول ...

الله اعلم !!!
ربنا يستر

+111111111111

هو ده بالظبط الي كنت حقوله يا خالد باشا في الموضوع الخاص بعربيه الوالد بس في حاجة عايز اوضحها لحضرتك
ممكن العربيه تكون اخدت مطب جامد من ناحيه اليمين و فتح المقص شوية
و في احتمال تاني ان العجله التمين تكون قالبه لجوه فديك احساس ان العربيه ملوحه
فحال حضرتك تروح لبتاع زوايا شاطر يشوف لك المقص سليم و لا لا و اكشف علي العجله اليمن نفسها

و ان شاء الله كل الامور تكون تمام
ولك اجمل تحيه يا خالد باشا :k10:

ربنا يخليك يا باشا ...
هى فعلا فى احتمالاك كتير فى الموضوع ده ...
بس والدى مصمم ان العربيه متروحش فى حته غير التوكيل و بيقولى هم هيكشوف عليها و يعرفو !!!!
فطبعا انا وافقت على كلامه ....
ربنا يستر و ان شاء الله حاجه بسيطه و ان شاء الله هبلغكو بالتطورات !!!!

[ADIPROVISTA]

صعب اوى خداع نظر و يكونو كلهم شافوها معوجة

المهم ان عمرك ما خدت خبطة ولا طلعت فوق رصيف كحادثة مثلا ولا اى حاجة خالص يعنى العربية ماشية ما شاء الله منغير ولا خبطة ولا حادثة لا قدر الله ؟

الموضوع مش كده انت فهمتنى غلط
طبعا فاهم الخبط والتشييس والحوارات دى
اللى اقصده مش متخيل ان العربيه تتخبط وبعدين يبيعوها زيرو
ويارب تكون حاجه بسيطه

بس انت بتقول يا خالد باشا ان العربيه خليجى
ينفع تروح التوكيل؟؟
اصل احنا معانا واحده خليجى برده ويهمنى اعرف
ولك جزيل الشكر

م/خالد حسن
بورسعيد