هل سيارات الاسكودا عماتا موفره في الينزين؟

[semihuman]

يا جماعه الي عنده عربيه اسكودا ياريت يقولنا نوعها و بتستهلك قد ايه بنزين في اللتر وشكرا

[Fadi Ezzat]

انا عندى اسكودا اوكتفايا اوتوماتيك وركز على الحتة دى
بتستهلك
فى السفر حوالى 250 كيلو فى الصفيحة
وفى البلد حوالى 190/200 كيلو فى الصفيحة

[solly1979]

انا عندى اوكتافيا A4 2003 اوتوماتيك
جوا البلد مش بتعدى ال 170 ولسه مجربتهاش على الطريق السريع اصلى شاريها من شهرين
مع العلم انى غيرت كل الفلاتر والبوجيهات ونظفت الانشيكشن
الناس بيقولوا طبيعى وانا قريت فى الكاتلوج بتعمل 8.5-10 كيلو فى التر جوة البلد على حسب البلد والجو والبزين
وبما اننا فى مصر ممكن نقول 7.5 فى اللتر

[Ahmed15]

أولا

قريت فى الكاتلوج بتعمل 8.5-10 كيلو فى التر

أعتقد انه ليس كيلو فى التر و لكن لتر لكل 100 كيلو
هذا هي وحدة القياس الشائع استعمالها لدى المصنعين
و كده لو حبيت تقول: وبما اننا فى مصر ممكن نقول .. 10 مش 7ز5

ثانيا
استهلاك ال A4 طبيعي بالشكل دا لأنها 4 نقلات فقط ، و على الطريق (طوالي) ستجدها أفضل كثيرا.

[nezamy71]

انا عن نفسي معايا فليشيا كومبي 97 في السفر بتعمل 275 كيلو في الصفيحة ولكن داخل البلد ممكن 180 وممكن 150 حسب الاشارات والنيلة

[crazylambada]

بص معايا الاوكتافيا A5
و عيني دايما على مؤشر معدل الاستهلاك اللحظي للبنزين
و متوسط الاستهلاك
معدل الاستهلاك على الطريق لو ماشي على 100 و مثبت بنزين بيعمل 4 لتر لكل 100 كيلو تقريبا
جو البلد المعدل بيعمل حوالي 7 او 8 و انتا طالع
و انتا بتطلع بعربيتك المعدل بيبقى 20 لتر مثلا لكل 100 كيلو الطلعة بس خلي بالك
المتوسط العام حسب قياسات الكمبيوتر
8.2 لتر لكل 100 كيلو

[semihuman]

طيب انا شايف معدل A5 كويسه قوي
طيب و هل كل الناس مبسوطه من اعتماديه ومتانه الاسكودا
انا بحس ان الاسكودا متينه جدا مقارنه بالكوري!!

[Fadi Ezzat]

طيب انا شايف معدل A5 كويسه قوي

هو حلو جدا نظرا كمان لتقلها 1850 للاوتوماتيك و1750 للمانوال

طيب و هل كل الناس مبسوطه من اعتماديه ومتانه الاسكودا

بصراحة عمرك ماهتلاقى حدا بيشتكى منها سيارة بجد فوق الروعة وماسكو نفسها اوى وثابتة نفسها فى نفس الوقت

انا بحس ان الاسكودا متينه جدا مقارنه بالكوري!!

سورى فى التعبير انت بتقارن قطة بفار

[crazylambada]

مظبوط كلامك يا فادي