هل مواتير الاسكودا معمره؟

[semihuman]

سؤالي لكل اصحاب الاسكودا
الاسكودا ليست اكثر العربيات توفير للبنزين حسب اعتقادي
بس اعتقد انها واحده من امتن العربيات و كمان مواتيرها بستحتمل لفترات طويله
ياريت لوحد عنده خبره يقولنا ايه رايه في فتره عمر الاسكودا؟

[faragalla]

بصراحه من احسن المواتير اللى ركبتها و كمان العفشه بتاعتها معمره جدا انا معايا فابيه 2002 لسه بعفشة الفبريكه و عامل بالعربيه 265000 كيلو و الحمد لله مفيش اى مشاكل من العربيه

[semihuman]

هو ده الكلام
يلا الي عنده خبره مع الاسكودا يقولنا ياجماعه

[crazylambada]

الحمد لله
عندي سكودا فيفوريت موديل 94
العربية بسم الله ما شاء الله تمام
العفشه سليمه تماما و المكنه و لم تغير تماما
الا مساعد واحد اتكسر بسبب مطب بسرعة عاليه جدا و حموله كبيره
اسكودا و قطع غيارها الاصلي معمره جددددددا
اما الصيني والحاجات ديه فبتبوط بسرعه

[semihuman]

بصوا انا ليه بسأل
عشان انا عجباني جدا
الروستر المانوال و محتار بينها وبين الالنترا
الروستر ب 87الف فيها abs , airbag
النترا ب 93الف مفيهاش abs , airbag
طبعا الالنترا منافس قوي جدا و كمان اعتقد بتوفر بنزين اكتر من الرومستر بفرق بسيط
بس انا حاسس ان الروستر معمره جدا عن الالنترا فعشان كده بسألكوا

[modiabbas]

لمل نيجى نتكلم على العربيات يبقى اكيد الالمانى يكسب

و لكن لو انت من هواه الشد و الحرق باعربيه يبقى اكيد الالنترا

[crazylambada]

موضوع توفير البنزين مش معلوم
لان الاتنين 1600
الرومستر خليبالك انها مش بتاع جري و غرز
يعني تشد بيها و ماشي بس دي في الاول مصمهه عربيه عائليه
لكن في المقابل حتديك كل مميزات عربية الماني فيها

[Fadi Ezzat]

كلمتين بس
معمرة جدا