أفيدوني أفادكم الله

[inspiron]

أنا دفعت فلوس عربية سكودا أوكتافيا 98 معاقين.المواصفات كالآتي :

- موتور1600 سي سي105حصان SR معرفش يعني إيه sr وهل الموتور ده حلو؟

- 4 زجاج كهربة و مرايات كهربة.

- فتحة سقف كهربة.

- تكييف.

- سنتر مع ريموت ووحدات رفع.

- جنوط 16" و فوجات.

- العدادات نورها أحمر.

- حالة البودي 9/10 والصالون 10/10.

- السيارة مانوال و عاملة 100000 كيلو.

سعرها 62000 جنيه بعد فك الحظر بطلوع الروح طبعا.

- عاوز أعرف رأيكم فيها وكدة حلو ولا لا.علما بإني معايا فيكترا 97. هل الأوكتافيا أفضل؟؟؟؟؟

[Fadi Ezzat]

الاوكتافيا مية مية فى كل حاجة ماعدا بس انها مش بتاعة شد يعنى التسارع بتاعها بطى لكن سرعتها القصوى مية مية
وعلى فكرة هيا 102 حصان مش 105
واسم الماتور
Sr1.6

[inspiron]

إنت بجد راجل محترم.يكفي إنك الوحيد اللي بترد علي أسألتي.شكرا لذوقك.

- طيب حضرتك أنا عندي الأوبل التسارع بتاعها من 0-100 في 10.5 ثواني.الأول بيجيب 50 والتاني بيجيب 90.وسرعتها القصوي 220.

- ممكن حضرتك تقولي التسارع بتاع الأوكتافيا من 0-100 تقريبا كام وسرعتها القصوي و أخر الغيارات كام.أنا آسف بطول عليك يا فادي باشا بس حضرتك الوحيد اللي بتعبرني هنا

[Fadi Ezzat]

التسارع بتاعها ياباشا 11.7 ثانية من صفر لمية
وسرعتها القصوى 210
واخر الغيارات مش فاكر اوى اصل انا معايا اوتوماتيك فامش بحسبها

بس كمان متنساش انها 1600 مش 2000 سى سى يعنى هتوفرلك كتير فى البنزين وكمان فى الترخيص
وبالنسبة لاعضاء النتدى هيرضو عليك قريب
بس احنا فى فترة امتحانات وكدة فالاعضاء بيقلو اوى وتحياتى
وادعيلى بقى انى اجيب مجموع حلو