صوت مع الفرامل

[digital_joe]

يا جماعة فى واحد صاحبى معاه اوكتافيا ايه 4 موديل 2009 مانيوال...انا و هو جبنا عربيتين زى بعض تقريبا فى نفس الشهر.....لاحظنا عنده صوت لما يدوس فرامل قوية شوية..... بيسمع صوت صريخ (زى صوت العجل لما يقفش لو كنت ماشى على 40 او 50 و دوست فرامل للاخر عشان توقف العربية خالص)

..انا جربت عنده و مشيت على 60 و دوست فرامل لحد ما بقيت السرعة 20 و سمعت الصوت ده.... لما جربت عندى بنفس الطريقة فى نفس الشارع ما سمعتش الصوت ده....الغريب ان الفرامل عند حلوة بمعنى انها ة بتستجيب بنفس القوة اللى بحس بيها فى فرامل عربيتى...الفرق هو الصوت


حد يعرف الصوت ده سببه ايه.....؟؟؟؟؟

انا نصحته يروح التوكيل بس هو مش فاضى و مسافر ....ايه رايكم ياجل السفر ولا الموضوع مش مستاهل و يستنى لما يروح صيانة ال 10,000 كيلو (هو عامل 8500 كم)؟؟؟؟؟؟؟

شكرا مقدما على الردود

[Fadi Ezzat]

دة موضوع ان فيى تراب وكدة على التيل
التيل بس عايز يتسنفر وخلاص ومش هيسمع الصفارة تانى

[sheeko00]

ممكن يكون التيل على وشك ان يكون محتاج يتغير ودى البداية وهل البدال بتاع الفرامل وطى معاة ورايى يستنى لصيانة ال 10000 مدام الفرامل كويسة بس لو الصوت زاد يروح علطول عشان الطنابير

[bishoy02010]

متهيقلى مفيش مشكلة خالص لأن الصوت ده موجود فى عربية واحد صاحبى بس فابيا وبقالوا من يوم مجبها وعمل حوالى 20 الف عادى

[zyadahmed]

الصوت ساعات بيكون عندى فى الفيليشيا بس لما بتتغسل كويس بيروح
جايز يكون تراب او طنابير فيها ريجة

[digital_joe]

شكرا لكل الردود يا جماعة.................................

احنا روحنا التوكيل بس هناك الصوت اختفى تماما ....المهندس قالنا ممكن كان فى تراب على التيل و راح و هو اللى كان عامل الصوت...

المهم روحنا و معملناش صيانة العشرة الاف كم على اساس ان كان فاضل 1000 كم. يومين يامعلم و الصوت رجع تانى لما هانتجنن انا و هو.....صوت صريخ مش صفارة.....هاموت و اعرف ايه سببه؟

على فكرة فى معلومة مكنتش اعرفها هى ان صاحبى قبل ما يسمع الصوت ده بيومين كان ماشى على الدائرى و ناس قالتلة ان العجلة الامامية شمال نايمة راح لحد بتاع عجل لقى فيها مسمار فصلحها .....هل ممكن ده يكون ليه سبب فى الصوت؟؟؟؟

[Fadi Ezzat]

ميد لأ
انت بس شوف التيل اكيد فى حاجة فى التيل
لو ماكنش يبقى غير التيل واخلص من الحكاية دى خالص للابد
بس لو عايز تعمل التيل هات سنفرة وسنفر التيل وهيرجع زى الاوا تانى

[digital_joe]

فى واحد معرفة بيفهم فى العربيات قال ان الصوت ده بسبب ان العربية عايزة يتعمل لها ظبط زوايا... هو قال ان اى مشاكل فى التيل بتعمل صوت صفارة انما الصرخى اللى عند عربية صاحبى دى بتاعت زوايا...تفتكروا معاه حق؟ و لو كده نظبط زوايا فى التوكيل ولا ممكن بره؟

[digital_joe]

فى واحد معرفة بيفهم فى العربيات قال ان الصوت ده بسبب ان العربية عايزة يتعمل لها ظبط زوايا... هو قال ان اى مشاكل فى التيل بتعمل صوت صفارة انما الصرخة اللى عند عربية صاحبى دى بتاعت زوايا...تفتكروا معاه حق؟ و لو كده نظبط زوايا فى التوكيل ولا ممكن بره؟

[mazenossama]

فى واحد معرفة بيفهم فى العربيات قال ان الصوت ده بسبب ان العربية عايزة يتعمل لها ظبط زوايا... هو قال ان اى مشاكل فى التيل بتعمل صوت صفارة انما الصرخة اللى عند عربية صاحبى دى بتاعت زوايا...تفتكروا معاه حق؟ و لو كده نظبط زوايا فى التوكيل ولا ممكن بره؟

ظبط الزوايا فوايدة كتير فمش هيخسر حاجة لو زبط الزوايا و الموضوع متحلش
اكيد التيل محتاج تنضيف او صنفرة لانه 8.5 الف كيلو قليل اوي علي تغيير التيل وان كان اول تيل في عمر السيارة ممكن يتغيير اسرع من المرات الي بعد كده عشان التعود علي السيةار وعلي الفرامل بياخد وقت ودي نسب