هو موتور الـa5 كامة واحدة ولا اتنين

[marawansabry]

سؤال للناس الجميلة بتاعت اسكودا الرائعة .. انا عرفت ان موتور الـA5 هو هو موتور الجيتا (صلحولي لو انا غلطان) .. بس ميش عارف هو كامة واحدة ولا اتنين .. يعني في ناس بتقول ان الـA4 كامة واحدة والـA5 كامتين .. معليش بالمرة هي اذاي عدد الكامات بيأثر على سحب العربية (معليش دا سؤال غلس ومتخصص شوية بس اللي عارف يفيدنا)..

[NaderNabil]

كامة واحدة
8 صباب
102 حصان
نفس موتور الa4 و نفس موتور الجيتا

لما بيكون إتنين كامة ...ده معناه 16 صباب...8 لدخول خليط الإحتراق و 8 لخروج العادم...يعني ببساطة كأنك دلقت بنزين و هواء زيادة جوه الموتور....بس ده هايقابله إرتفاع في الإستهلاك

[marawansabry]

كامة واحدة
8 صباب
102 حصان
نفس موتور الa4 و نفس موتور الجيتا

لما بيكون إتنين كامة ...ده معناه 16 صباب...8 لدخول خليط الإحتراق و 8 لخروج العادم...يعني ببساطة كأنك دلقت بنزين و هواء زيادة جوه الموتور....بس ده هايقابله إرتفاع في الإستهلاك

اوبا .. انت متاكد يا باشا من المعلومة دي .. دا كدة يبقي الموتور اولد تيك ولا اية؟؟ .. هو لسة في حد بينزل 8 صبابات دي .. يعني الاي فور ذي الاي فايف في الموتور!!! .. مع ان المعلومة اللي عندي غير كدة .. بس اكيد انت اصدق .. وشكرا على الرد السريع .. كلك ذوق

[Fadi Ezzat]

المااتور كامة واحدة و8 صبابات زى مامستر نادر قال
وبيتبع نظام حديث فى الوقود وهو
electroinic multipoint fuel injection mpi
واالمحرك دة طبعا استهلاكة افضل من المحرك الكامتين
وكمن المحرك دة هو هو بتاع الجيتا وبتاع الاية فور والفايف

[LORD91]

امال الانسر والكورولا كام صباب
انا كنت فى الامارات وسالت ميكانيكى فى توكيل الاسكودا
ازاى السكودا اما تيجى تشد مع لانسر او كورولا بتسبق الاتنين
مع انهم كلهم 1600 سى سى واوتوماتيك والاسكودا اقلهم Power horse يعنى 102 حصان بس واتقلهم وزن
بجد انا السوال دى كان محيرنى جداا
الميكانيكى ضحك وقالى عشان الاسكودا 20 صباب والانسر والكورولا 16 صباب
وكل ما عدد الصبابات زادت زاد العزم والتسارع فى الموتور
دى اللى انا فهمته واللى قاله الميكانيكى بالضبط
هل انا كدا فاهم غلط ولا كلام الميكانيكى غلط ولا هو ايه الصح
معلش ياريت حد يفيدنى فى الموضوع دى

[ahmedelzeeny]

امال الانسر والكورولا كام صباب
انا كنت فى الامارات وسالت ميكانيكى فى توكيل الاسكودا
ازاى السكودا اما تيجى تشد مع لانسر او كورولا بتسبق الاتنين
مع انهم كلهم 1600 سى سى واوتوماتيك والاسكودا اقلهم power horse يعنى 102 حصان بس واتقلهم وزن
بجد انا السوال دى كان محيرنى جداا
الميكانيكى ضحك وقالى عشان الاسكودا 20 صباب والانسر والكورولا 16 صباب
وكل ما عدد الصبابات زادت زاد العزم والتسارع فى الموتور
دى اللى انا فهمته واللى قاله الميكانيكى بالضبط
هل انا كدا فاهم غلط ولا كلام الميكانيكى غلط ولا هو ايه الصح
معلش ياريت حد يفيدنى فى الموضوع دى

20 صباب طب ازاااااااااااااااااااااااااااااااااااى اللى ازيد من ال 16 صباب هو 24 صباب ودى بتبقى فى المحركات ال 6 سلندر بحيث ان كل بستم يكون له اربع صبابات 2 بنزين و2 عادم وفى 32 صباب بتبقى فى محركات 8 سلندر انما 20 دى جديده

[NaderNabil]

الميكانيكي اللي قاللك المعلومة دي مع إحترامي ليه..لا يفقه شئ في السيارات اللي بيشتغل فيها...
أولاً 20 صباب ده المحركات ال 5 سلندر...و دي نادرة جداً و قليل ما بتلاقيها في موديلات حديثة...أتذكر الجولف القديم و الفيات كوبيه و بعض موديلات الفولفو كان فيهم مواتير 5 سلندر...
الاوكتافيا عمرها ما نزلت بالموتور ده...يعني من الأخر فتي
و ال102 حصان 8 صباب...و اللي يقول غير كده ربنا يوفقه

[Fadi Ezzat]

الميكنيكى الى قالك كدة دة واحد ........ مش بيفهم حاجة
اساسا مفقيش 20 رفى 24 ودة بيبقى للمحركات الستة سلندر

[Ahmed15]

امال الانسر والكورولا كام صباب
انا كنت فى الامارات وسالت ميكانيكى فى توكيل الاسكودا
ازاى السكودا اما تيجى تشد مع لانسر او كورولا بتسبق الاتنين

اعتقد اننا بنتكللم بعيد عن الموضوع .. الحكاية مش حكاية صبابات
دي حكاية سواقين .. انا هقولك ليه الأوكتافيا سبقهم

لأنه كان فاكر انهم انهم بيسابقوه لكن هما كانو بيتمشوا

[Fadi Ezzat]

اعتقد اننا بنتكللم بعيد عن الموضوع .. الحكاية مش حكاية صبابات
دي حكاية سواقين .. انا هقولك ليه الأوكتافيا سبقهم

لأنه كان فاكر انهم انهم بيسابقوه لكن هما كانو بيتمشوا

تحليليك خطا لان الاوكتافيا برة بتنزل بمواتير 1800/2000/2400
سى سى

[LORD91]

اعتقد اننا بنتكللم بعيد عن الموضوع .. الحكاية مش حكاية صبابات
دي حكاية سواقين .. انا هقولك ليه الأوكتافيا سبقهم

لأنه كان فاكر انهم انهم بيسابقوه لكن هما كانو بيتمشوا

مع احترامى لكلامك هما مش كانو بيتمشوا
هما الثلاثه صحاب وكانوا بيشدو مع بعض على طريق اسكندريه الصحراوى
كان فى الاول فيه منافسه بس بعدين الاسكودا فرقت عنهم وبعديها الكورولا والانسر الشارك كانت الاخيره
ومعلش انى طلعت عن الموضوع