تسعير ايه 4 موديل 2009؟؟؟

[digital_joe]

ا جماعة انا كنت جايب عربية ايه 4 مانيوال موديل 2009 لما كان سعرها 128 الف. الصراحة العربية كويسة بس انا بامشى فى الزحمة و مش مرتاح من المانيوال ففكرت ابيعها و اشترى الفاتنازيا اتومايتيك (سعرها 168 الف من الوكيل)

فى واحد زميلى فى الشغل عايز يخدها لاخوه و احنا مش عارفيين سعرها دلوقت كام. حد يعرف ايه السعر المناسب بدون ظلم ليا ولا ليه؟؟؟؟

بيانات العربية كالتالى:
اوكتافيا ايه 4 موديل 2009 مانيوال
الكماليات: تكييف + باور + سنتر لوك + ABS + Airbagللسواق + 4 زجاج كهرباء + مرايات كهرباء + مثبت سرعة + كاست CD و MP3 + مفتاحين بالريموت
الرخصة : 3 سنين تخلص نوفمبر 2011 (باسمى)
الضمان: العربية ضمان من الوكيل يخلص نوفمبر 2010
اللون: ازرق سماوى
العداد: 9500 كم
الحالة: فابريقة بالكامل حتى الاكصطدامات

ملحوظة : العربية دى سعرها فى الوكيل 121400

تفتكروا السعر المناسب كام؟؟؟؟؟؟؟؟؟؟؟؟؟؟؟؟

[amrsabet]

سعر العربية زيرو دلوقتى بضمان الوكيل 19900 انا اعتقد ان ممكن يكون السعر العادل ليها 107000 على الاكثر

[amrsabet]

انا اسف 119900

[Fadi Ezzat]

لو هتبعها يبقى ب 110000 الف

[digital_joe]

شكرا لكل الردود

[digital_joe]

صاحبى حصلتله ظروف و مش معاه المبلغ كامل دلوقت فلغيت الموضوع لانى عايز المبلغ بتاع بيع الايه 4 كامل عشان اشترى الفانتازيا اللى ب 168 الف....
حد يعرف معارض بتشترى مستعمل باسعار كويسة؟؟؟؟و هل لو رحت سوق السيارات اللى فى مدينة نصر هلاقى حد يشترى بسعر كويس ولا كلهم تجار و هاينزلو تمنها الارض؟؟؟؟

انا كنت عايز اعمل اعلان فى الوسيط بس فيه ناس قالولى هتلاقى كل اللى بيكلمك تجار و هايطلعوا عينك

[digital_joe]

ايه يا جماعة محدش رد عليا....؟؟

[amrsabet]

حضرتك عايز تبعها بكام مع العلم ان سعرها دلوقتى عند اوتو سمير ريان 118500

[Fadi Ezzat]

ايه يا جماعة محدش رد عليا....؟؟

بص انا اقدر اقولك مش تتنازل عن 109 او 110 مهما كان العربية زيرو

[digital_joe]

انا ممكن ابيع لحد 108 الف

[amrsabet]

انا اعتقد ان السعر ده فى الوقت الحالى ممكن يكون كتير بس ممكن تعملها اعلانات فى الوسيط وشوف حتجيب كام وكان ليا استفسار هوا حضرتك عملها اعلان على كونتكت كارز

[digital_joe]

انا اعتقد ان السعر ده فى الوقت الحالى ممكن يكون كتير بس ممكن تعملها اعلانات فى الوسيط وشوف حتجيب كام وكان ليا استفسار هوا حضرتك عملها اعلان على كونتكت كارز

طب حضرتك شايف ان السعر المناسب كام؟؟؟؟؟

[amrsabet]

المسالة عرض وطلب يعنى ممكن تعرضها على 110 الف وبعدين متجبش مثلا اكتر من 100 الى 103 الف يبقى سعتها القرار قرارك انت لو انت متضايق من العربية هتبيعها حتى لو بخسارة كبيرة لكن لو معندكش مشكلة هتستنى لحد متجيب السعر اللى انت تكون راضى عنه
لكن انا اتوقع انها متجبيش اكتر من 100 الى 102 الف وعمتا ربنا يوفقك وتبيعها بسعر مناسب لو كان لزنها اسود انا كنت اشتريتها منك
بس انا كان ليا استفسار حضرتك كان ليك مشاركة قبل كده وقولت ان ليك صديق العربية بتاعته العجل بيصرخ مع الفرامل ياترى ده كان عيب فى العربية ولا مشكلة واتحلت