اول حادثه ليا بال a5 2009

[modiabbas]

اولا الحمد لله على كل شئ

و انا ماشى من يومين كنت ماشى على طريق مصر اسكندريه كنت مستعجل و كنت بجرى كنت رايح مشوار كده على الطريق و بعدين واخد الطريق كله 160 / 170 و طبعا العيون كتيره و الحسد كتيير اوووووى
المهم عشان فى اصلاحات فى الطريق و تعديلات فى الطريق
فا لازم اخش فى طريق داخلى كده كده كله رمله و زلط
المهم انا كل مره بدخل فى الرمله ديه
و فجأه من غير ما اخد بالى الاقى العربيه بتتنطط بيا من الجنب الشمال
ليه بقى دوست على صخره بالعجل الشمال و العربيه طلعت فوق الصخره و عديتها بالعجلتين
لكن كانت خسائر محزنه جدا جدا جدا خصوصا و العربيه موديل 2009 a5
اولا التصفيح اللى تحت العربيه اتكسر كله و وقع
ثانيا الكنبه اللى فى العربيه فى الحته اللى عند رجل الراكب مطبقه و بارزه لفوق لدرجه ان الدواسات مبقتش تتحط عشان بارزه لفوق ( ديه اكتر حاجه مزعلانى )
ثالثا مكان الاستبن من تحت اطبق لدرجه برضه ان لما تفتح الشنطه و تحط حاجه تلاقى الحاجه مايله
و طبعا الحمد لله على كل شئ
و ان شاء الله بكره رايح التوكيل و هخليهم يظبطوها بس ايه بقى ادفع يا معـــــــــــلــــــــــــــم
لو حد عنده فكره تتكلف كام التظبيطات ديه يقلى عشان اعمل حسابى و انا رايح
و عايز اعرف هتخلص و انا واقف و لا هخدها امتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اسف طولت عليكم

[hossam_elwani]

قدر الله وماشاء فعل
لكن اللوم عليك برضه حد يهين العربيه كده

[modiabbas]

قدر الله وماشاء فعل
لكن اللوم عليك برضه حد يهين العربيه كده

عندك حق بس برضه اللى انا عرفته ان كان فى واحد بيغير عجله عربيته و ساب الحجاره فى الطريق و الحمد لله

[Abdo_Eldesokey]

أهم حاجة سلامتك ... والحمد لله جت سليمة وعدت بخير

ومتهيألى بعد كده يا باشا بلاش 160 والسرعات دي

[elgabry1977]

قدر الله و ماشاء فعل و الحمد لله انك سليم و فداك اي فلوس

[modiabbas]

الحمد لله على كل شئ و شكرا ليكم بجد يا جماعه و ان شاء الله نحاول نخفف السرعه بس بجد دواسه البنزين مستفزه

[mohameduoser]

كويس ان فى تصفيح لو كانت دخلت فى الفتيس و الموتور كانت مشكلة و ربنا يباركلك

[Ashraf_Ashraf]

قدر الله ومشاء فعل فداك يابطل ومعلش المهملين كتير قوى وربنا يجزئ كل واحد بافعاله
معوض انشاء الله

[PoweRPassioN]

قدر الله و ماشاء فعل و الحمد لله انك سليم وإنها جات ف الفلوس

[egypt_dr]

قدر الله وما شاء فعل
الله يعوضك ان شاء الله خير والحمد لله ان العين جت على قد كده واهم حاجة انك سليم
بس يا جماعة لازم نتعلم اننا لازم نمشي في بلدنا دي على اقل من مهلك عشان المفاجات بتطلع من كل حتة فانت لو ماشي بالراحة هتقدر بمشيئة الله تتفاداها
ربنا يرحمنا

[tarekaf78]

160 - 170 دا كتير قوي ابقي امشي براحة شوية و ربنا يسلملك طريقك

[umoussa]

الراجل فرحان بالعربية عايز يعرف بتجيب كام بس هو أخرها 180 ومش حتجيب أكتر من كده. بس ده مش موضوعنا.

تحب تتسجن ولا تدفع فلوس؟ هو ده الموضوع

160 فما فوق فيها سجن يا عزيزي في قانون المرور الجديد

ويمكن علشان ربنا ينجيك من السجن حصلك كده علشان تتعظ

العربية طبعاً حتتكلف كتير

أولاً دا فيها استعدال شاسية
ومصفحة
غير بقى إن خبطة بالمنظر ده أكيد سمعت في المقصات

يا عزيزي العقل....

[Sameh]

معلش تقصد إيه بدواسة البنزين مستفزة ؟ إستجابتها بطيئة يعنى ؟ لأنى سمعت كومنت قبل كدة على دواسة الأوكتافيا برضوا

[Fadi Ezzat]

وهو طبعا انت هتخش فى شوية مشاكل بس انت هتروح التوكيل وهما هيظبوطهالك وفعلا هتدفع يامعلم
بس احب اعلق على استاذ موسى انة مش هيحتاج استعدال شاسية دة صاج الشنطة هو الى اطبق
مش الشاسية وكمان حتة صغيرة وكل هيتعدل عادى فى التوكيل

[umoussa]

أنا إلي فهمته إن فيه تطبيق من ناحية فردة الشاسيه

وعلى العموم كله مصاريف باهظة


يارب تجيب مجموع ضخخخخخخخخخخخخخخخخخخخخخخخخخخخخخخخخخخخخخخخخخخم