مواصفات الرومستر 2009

[beihoo]

مواصفات الرومستر ستايل (أول فئة)
=====================
المواصفات الفنية
-------------------
- المحرك 1600 سي سي 4 اسطوانات و 16 صمام
- أقصى طاقة 105 حصان / 77 كيلو وات عند 5600 لفة
- أقصى عزم دوران 153 نيوتن عند 3800 لفة
- ناقل حركة يدوي
- التعليق الأمامي McPherson with lower triangular links and torsion stabiliser
- التعليق الخلفي Compound link crank-axle
- نظام الفرامل Hydraulic dual-diagonal circuit braking system vacuum assisted
- الفرامل الأمامية ديسكات
- الفرامل الخلفية اسطوانات

- جنوط 15"
- حجم الشنطة 530 لتر و مع طي الكراسي الخلفية 1780 لتر !!
(ملحوظة: الكنبة الخلفية عبارة عن 3 كراسي منفصلة و من الممكن نزع أي كرسي من منهم بشكل منفصل و يمكن تحريك الكراسي للأمام و الخلف و اليمين و اليسار)
- الوزن فارغة 1175 كجم
- معدل إستهلاك الوقود 7 لتر لكل 100 كم
- التسارع من 0-100 في 10.3 ثانية
- سعة تانك الوقود 55 لتر
- التسارع من 0-100 10.3 ثانية
- الطول 4205 مم
- العرض 1867 مم
- الإرتفاع 1607 مم
- الخلوص 140 مم

التجهيزات
-------
1- سنتر لوك بريموت كونترول
2- 4 زجاج كهرباء و بالريموت و مع نظام تأمين للأطفال
3- مرايات كهرباء
4- تكييف كليماتك يدوي
5- ضبط إرتفاع كرسي السائق (ذراع هيدروليك)
6- راديو بيت Audio Socket + 1DIN
7- زجاج ملون
8- مصباح للقراءة

الوظائف
---------
9- كومبيوتر رحلات متعدد الوظائف
10- باور ستيرينج كهربائي
11- شاشة بيانات إلكترونية
12- ضبط مستوى عجلة القيادة في 4 إتجاهات (العمق و الإرتفاع)
13- درج تابلوه بخاصية تبريد المشروبات و الأطعمة
14- مسند يد يمكن ضبط إرتفاعه
15- مؤشر عن فتح الأبواب بلوحة العدادات
16- حامل نظارة
17- حامل أكواب بالكنسول و الأبواب
18- نظام ABS include MSR + Dual Rate Brake
19- إيرباج للسائق
20- غلق مصدر الوقود عند التصادم
21- ضبط مستوى الإرتفاع للمصابيح الأمامية
22- تصفيح أسفل المحرك
23- خمسة مساند رأس يمكن ضبطها

التصميم
----------
24- رووف راك Roof Rails (دول بيبقوا زي قضيبين كده على السقف بطول العربية مش بالعرض)
25- فوانيس أمامية شفافة مقاومة للكسر
26- طقم دوسات

السعر 87 ألف جنيه .. بس.

================================================== ====

سكودا رومستر ستايل تيبترونك
==================
- ناقل الحركة تيبترونك
- أقصى طاقة 105 حصان / 77 كيلو وات عند 5700 لفة و ليس 5600 لفة
- أقصى عزم دوران 153 نيوتن عند 3500 لفة و ليس 3800 لفة
- الوزن فارغة 1215 كجم
- معدل إستهلاك الوقود 7.9 لتر لكل 100 كم
- التسارع من 0-100 في 10.5 ثانية

الباقي نفس مواصفات المانيوال و تزيد في الأتي:
1- مثبت سرعة
2- زجاج فيميه (إختياري)
3- نظام الثبات شامل ABS + MSR + ASR + Dual Rate
4- فوانيس شبورة امامي و خلفي.
5- الراديو 2DIN و فيه CD + MP3
6- جنط 16" عادي

================================================== ====
سكودا رومستر (سبورت):
===============
نفس مواصفات الاستايل المانيوال و تزيد الأتي:
1- سقف بانوراما ثابت
2- زجاج فيميه (إختياري)
3- تكييف كليماتك إلكتروني
4- درج تخزين أسف مقعد الراكب
5- إيرباج للراكب مع سويتش تشغيل
6- فوانيس شبورة أمامية و خلفية
7- الفوانيس الأمامية هالوجين مقاومة للكسر
8- جنوط ألومنيوم 16"

================================================== ====
سكودا رومستر (كومفورت)
===============
- ناقل حركة تيبترونك

و تزيد عن الاستايل التيبترونك في الأتي:
1- تجهيزات للتيلفون المحمول
2- تكييف كليماتك إلكتروني
3- سقف بانوراما ثابت
4- درج تخزين أسفل مقعد الراكب
5- إيرباج للراكب مع سويتش تشغيل
6- فوانيس أمامية هالوجين مقاومة للكسر
7- جنوك ألومنيوم 16"
8- أجزاء داخلية من الجلد الطبيعي

العربية من فئة MPV أو العربية متعددة الإستخدامات

الأسعار لمختلف الفئات سيتم تحديثه لاحقا

الموضوع ده منقول من بورشور أرتوك أوتو وكيل سكودا في مصر يعني دي المواصفات اللي في مصر و كل الشكر للإخوة اللي جابوا البروشور و حطوه هنا في المنتدى.

ملاحظة أخيرة البروشور كان فيه فئة تانية و هي البايسك Basic و دي مش موجودة عند الوكيل حسب كلام رجل المبيعات هناك.

[Migo123]

احب بس اضيف على سكودا رومستر (سبورت):

مثبت سرعه
راديو 2din و فيه cd + mp3
كراسي رياضيه وفرش متميز جدا
التابلوه لون واحد مش لونين (أسود) بس شكله احلى كتيير

[Fadi Ezzat]

شكرا ليك ياباشا انا بصراحة هدعمك بالصور بس كمنا يومين ولا حاجة

[Fadi Ezzat]

وكما وعدت اوفيت

[كابوس الليل]

هيا عربية تحفة بس مش وخدة حقها معرفش ليه الماتريكس وكلاها ف السوق

[beihoo]

السبب بسيط...

هيا عربية تحفة بس مش وخدة حقها معرفش ليه الماتريكس وكلاها ف السوق

الناس في مصر بتاخد بالظاهر قدامها و ما بتتعبش نفسها إنها تدور على النت .. و مشكلة العربية دي تحديدا إن الوكيل مهمل للأسف في الترويج لها سواء هي أو الفابيا و مركز مع عربية بايعة نفسها أساسا و مش محتاجة إعلان.

يعني أغلب اللي بيجيب الماتريكس لأنه شافها معديه في الشارع أو فلان قريبه أو صاحبه لكن غالبا ما بيسالش عن اللي في نفس فئتها.

[Haitham10]

الي بيجيب الماتركس عشان معروفة
وعشان اسعار قطع غيارها
وعشان انتشار قطع غيارها جوه وبره التوكيل

هي المشكلة ان كل واحد معندوش الا الفلوس الي هيجيب بيها وتعب فيها فمستحيل هيغامر بيها دي النقطة وحضرتك قلت التوكيل مهمل وغالي

[beihoo]

الماتريكس مكنتش معروفة خالص ...

الي بيجيب الماتركس عشان معروفة
وعشان اسعار قطع غيارها
وعشان انتشار قطع غيارها جوه وبره التوكيل

هي المشكلة ان كل واحد معندوش الا الفلوس الي هيجيب بيها وتعب فيها فمستحيل هيغامر بيها دي النقطة وحضرتك قلت التوكيل مهمل وغالي

و اتعرفت لما مشيت في الشارع و لما الناس ما سألتش إيه المناظر ليها.

اسعار قطع الغيار و انتشارها ده تبعا لانتشار العربية .. اسعار الاسكودا مش هاتلاقيها أغلى كتير من الماتريكس على إعتبار العمر الإفتراضي المتماثل للإتنين.

التوكيل مهمل أيوه في الاعلان عن عربياته لكنه أبدا مش أسوأ من ((غبور))

[Haitham10]

انا كنت بقول وجهه نظري ولو الاختيار امامي اكيد هختارها وابعد عن غبور اولا وثانيا عن الماتريكس لانها هتخسر في كل حاجه في المقارنة ماعدا قطع الغيار زي ماقلت
لان صعب تركب عربيه مش قادر تصرف عليها

[beihoo]

خبر كويس عن الرومستر...

الرومستر تشترك في قطع غيار كثيرة مع الفابيا حسب الموقع الرسمي لسكودا

الكلام اللي جاي كان في معرض الكلام عن الفابيا
"The dynamic and confident front section of the car clearly testifies to the fact that it is part of the Škoda family and a particularly close relative of the Roomster, a model with which it shares most parts – from the original headlights all the way down to the mudguards"

[fmohiy]

please note that the car width is 1695
1867 is the width including the side mirrors
also, the boot is 450 to 530 depending on moving the back seats forward

I'm seriously thinking of getting this car

the only problem is the design of the car especially the side glasses is not symmetric and it looks like a van like the citroen birlingo.

[beihoo]

please note that the car width is 1695
1867 is the width including the side mirrors
also, the boot is 450 to 530 depending on moving the back seats forward

i'm seriously thinking of getting this car

the only problem is the design of the car especially the side glasses is not symmetric and it looks like a van like the citroen birlingo.

على فكرة الالوان الغامقة فيها خاصة مع الزجاج الفيمية بيضيع كتير من غرابة شكلها .. بتحس كده إنها عربية غريبة لكن مش مستهجنة.

[Ahmad Aboul Fotouh]

في واحده كسر زيرو 2009 عاملة 5000 كيلومتر للي بيفكر