تاثير التكييف على السحب فى الايه 5 اوتوماتيك

[digital_joe]

امبارح كنت سايق ايه 4 بتاعت واحد صاحبى اوتوماتيك و لاحظت ان العربية سحبها بيقل بصورة ملحوظة لما نشغل التكييف.....انا معايا ايه 4 مانيوال بحس ان السحب بيقل شويه مع التكييف بس مش قوى زى اللى حسيتة فى الايه 4 الاوتوماتيك....

بما انى ناوى اشترى الفاتازيا اتوماتيك فانا حبيت اسال الاخوة فى المنتدى اللى معاهم ايه 5 اتوماتيك....هل السحب بيقل كتير مع تشغيل التكييف؟؟؟؟

شكرا مقدما

[mohameduoser]

انا معايا a5 السحب بيقل فى السرعات الواطية و الطلعة لكن بعد كدة بتكون عادية

[Fadi Ezzat]

انا معايا اية فور واية فايف
المهم السحب فى الاتنين بيقل حاجة بسيطة فى الاول بس يعنى الطعة بس وساعات ل كمان وبعدة كدة عادى جدا

[digital_joe]

طب مش غريبة موضوع التاثيير على السحب دى؟ العربية دية المفروض ان عزم الموتور حلو و بالتالى التكييف مايشلش العربية...انا فى الايه 4 الاوتوماتيك كنت مخنوق جدا لدرجة انى فكرت اقفل التكيف بس بصراحة مقدرتش لان الساعة كانت 4 و الجو كان حر موووووووووووت

انا معجب جدا بالفانتازيا و نفسى اجيبها بس موضوع التكييف مخوفنى جدا جدا ....انا مش عايز عربية للشد و الحرق بس لو سحب الفانتازيا مع التكييف هايبقى زى الايه 4 اللى سوقتها امبارح انا هاتخنق جدا منها

[spider6666]

ممكن تشغل التكييف بعد ما تسوق العربية بفترة قليلة مش اول ما تدور العربية وانت هاتحس ان الفرق قل جدا والسحب للعربية بقى كويس

[كابوس الليل]

ممكن تشغل التكييف بعد ما تسوق العربية بفترة قليلة مش اول ما تدور العربية وانت هاتحس ان الفرق قل جدا والسحب للعربية بقى كويس

ممكن الفكرة ديه كمان روح اعمل test drive للفانتزيا وشوف لو فيها نفس المشكلة قلنا عشان نستفيد

[morsi]

طب مش غريبة موضوع التاثيير على السحب دى؟ العربية دية المفروض ان عزم الموتور حلو و بالتالى التكييف مايشلش العربية...انا فى الايه 4 الاوتوماتيك كنت مخنوق جدا لدرجة انى فكرت اقفل التكيف بس بصراحة مقدرتش لان الساعة كانت 4 و الجو كان حر موووووووووووت

انا معجب جدا بالفانتازيا و نفسى اجيبها بس موضوع التكييف مخوفنى جدا جدا ....انا مش عايز عربية للشد و الحرق بس لو سحب الفانتازيا مع التكييف هايبقى زى الايه 4 اللى سوقتها امبارح انا هاتخنق جدا منها

ياباشا انا جربت عربيات كتيرة 1600 سي سي وتقريباً كل الأوروبى زى الأوكتافيا والفورد (عن تجربة)وحتى الباسات(ماجربتش الباسات بس واحد صاحبى هو اللى قالى الكلام ده) أول مابتشغل التكييف لازم تحس أن العربية أتكتفت شوية وبعد كدا بتفك بس برضه بيكون لسة فيه تأثير على السحب وأول ماتبطل التكييف بتحس بفرق شاسع فى السحب يعنى السحب بيتحسن جدا. أما فى العربيات اليابانى أو الكورى بيكون فيه تأثير للتكييف على السحب بس مش بدرجة كبيرة زى الأوروبى .نصيحتى ليك لو مش فارق معاك الضريبة أو أستهلاك البنزين ولو حضرتك مش بتاع شد وحرق هات عربية كبيرة زى السوناتا وده اللى انا عملته مابتحسش أطلاقاً بتأثير التكييف على سحب العربية ولو محملها وفى عز الحر وبنزينها 92 مش 95.( وميزة تانية للسوناتا عمرها ماهاتحك فى مطب)

[modiabbas]

انا معايا a5 2009 و السحب اه بيقل مش بيتحس اووى انه قل بس زى ما قالولك شغل التكيف و انت كاشى بالعربيه و بعد كده هتلاقى السحب بيرجع لطبيعته وحده وحده