باركولي يا اسكوداويه

[elgabry1977]

الحمد لله يا جماعه بعد عذاب و لف معارض و اسواق في القاهره و الاسكندريه اشتريت A5 موديل 2009 مستعمله استعمال خفيف تاني فئه ستيبترونيك ضمان و كيل و الحمد لله بعد ما اشتريتها رحت تاني يوم رخصتها في وحدة مرورفيصل العظيم و اخدت مني حوالي 5 خمس ساعات و نص علشان اطلع الرخصه يا ريت جماعه لو حد عنده اي ملاحظات علي العربيه او اي نصايح يا ريت متبخلوش بالرد علي

[Meshfaker]

100000000000000 مبروك يا باشا
واسيب موضوع النصايح ده بقى للاعضاء هنا
بس انا حبيت ابارك بس

[Fadi Ezzat]

الف مبروووك
وقولى العربية مشيت كام الف علشان اقدر اقولك النصايح

[egypt_dr]

الف مبروك الله يبارك لك فيها ان شاء الله
مش تقولنا عاملة كام كم؟؟؟ وحالتها الخارجية
والسعر كمان .. يا رب تكون جبتها بسعر كويس
والف مبروك مرة تانية

[elgabry1977]

صباح الفل لاحلي منتدي, العربيه لونها شمبين عامله 18000 كم ( يمكن كتير شويه) بس بعد الكشف العام في وهدان قالولي دي بحالة الزيرو و صاحبها كان محافظ عليها مش مهمل يمكن مفيهاش اي حاجه غير نقره صغيره جدا في وش الفانوس الخلفي

[Fadi Ezzat]

بص انت مش هتعملها حاجة غير صيانتها فى ميعادها وبس وحافظ عليها من الجروح والخدوش
وعايوك تجيب سمع تشمعها علشان الجروح والحاجات دى ودة بيتعمل كل شهر
هتلاقى منتج فى كارقور والهايبر اسمة رابيدو دة جامد اوى وحلو جدا

[digital_joe]

الف الف مبروك يا باشا.......ربنا يباركلك فيها و يكفيك شرها.....اما عن النصائح فبص يا سيدى:
- الصيانة الدورية مهمة جدا جدا كل عشر الاف كيلومتر عندك مركز ارتوك اللى فى غمرة او الاقصى فى المعادى ورا كارفور او وهدان فى 6 اكتوبر
- فى صوت تزييق فى الابواب مع المطبات بيجى كل شوية (شهر او شهرين) وده حله انك تروح التوكيل بيظبطوا الابواب
- خلى بالك ان الكبوت ضعيف سنة فحاول ماتخليش حد يقعد عليه عشلان مايطبقش (هو مش هايطبق اوى لو حد قعد عليه بس الوقاية خير من العلاج)
- متحطش اقل من بنزين 92 و خليك فى المحطات المحترمة زى امارات مصر عشان فيه محطات بتغش فى البنزين

مميزات العربية كتيرة اوى....خد عندك
-العربية ثباتها جامد جدا
-ارتفاعها عن الارض مايخليكش تقلق من المطبات
-صاجها متين
- عفشتها تستحمل
- فخمة و برستييج برضه
-توافر عوامل الامان زى ABSو Airbagsو ASRو نظام قياس ضغط الهو فى العجل

[digital_joe]

نسيت اسالك جبتها بكام؟

[aliabutaleb]

ألف مبروك يا عمرو باشا :)
ربنا يبارك لك فيها ويعطيك خيرها ويكفيك شرها

[wawamoha]

بص انت مش هتعملها حاجة غير صيانتها فى ميعادها وبس وحافظ عليها من الجروح والخدوش
وعايوك تجيب سمع تشمعها علشان الجروح والحاجات دى ودة بيتعمل كل شهر
هتلاقى منتج فى كارقور والهايبر اسمة رابيدو دة جامد اوى وحلو جدا

هاي فادي باشا
ممكن معلومات اكتر عن الشمع ده ؟

[tarekaf78]

الف مبرووووووووووووووك و ربنا يكفيك شرها

[egypt_dr]

يا ريت يا فادي تقولنا معلومات اكتر عن الشمع ده
ايه يا عم انت مقولتليش على حكاية الشمع دي لما باركتلي على العربية
هو في تفرقة عنصرية هنا ولا ايه هههههه
عاوزين نعرف اسم المنتج ده وسعره وبيستخدم ازاي؟؟؟

والف مبروك مرة تانية على العربية
عاوزين نعرف سعرها كام عشان نعرف اخبار السوق اسعاره ايه لو معندكش مانع

[Fadi Ezzat]

يا ريت يا فادي تقولنا معلومات اكتر عن الشمع ده
ايه يا عم انت مقولتليش على حكاية الشمع دي لما باركتلي على العربية
هو في تفرقة عنصرية هنا ولا ايه هههههه
عاوزين نعرف اسم المنتج ده وسعره وبيستخدم ازاي؟؟؟

والف مبروك مرة تانية على العربية
عاوزين نعرف سعرها كام عشان نعرف اخبار السوق اسعاره ايه لو معندكش مانع

هههههه
مفيش تفرقة عنصرية ولا حاجة
السمع بيفيد العربية فى حاجات كتير زى مثلا
1-لو مسحت العربية بفوطة زفرة والعربية ععليها تراب الدهان هيتجرح الشمع بيمنع دة
2-اى جروح بسيطة الشمع عيستحملها بدل الدهان
3-وانت ماشى على الصحراوى فى زلط صغير اوى بطير دة بيجرح العربية الشمع بيحميك منة
احسن منتج انا جربتة كان رابيدو وهتلاقية فى كارفور او الهايبر وسعرة 23 جنية تقريبا
وبتغسل العربية بية كل شهر وبيقعد معاك مرتين او تلاتة
طريقة استخدامة
1-هتغسل العربية غسلة محترمة بس فية شروط وانت بتغسلها
1-تكون فى حتة مفيهاش تراب نهائى
2-حتة مفيهاش شمس
3-غسلة محترمة لابعد الحدود
وبعد كدة هتحط الشمع وبالسفنجة الى جاايا معاة هتلمع العربية على شكل دواير كدة وتقعد تدعك فيها
لحد اما تزهق
ويعدين تسيبها تنشف وبعدين تجيب كيس قطن وتمسح العربية بالقطن وبعد كدة انسى العربية
ولو حد عايز ينظف الماتور هيجيب عبوة فوم ب 25 جنية وترش بيها الماتور والفوم هياخد التراب ويقع
وبعدين تلمع بقطن اوى قماشة نظيفة وهتلاقى الماتور كاكنة جديد

[elgabry1977]

مفيش مانع طبعا العربيه ب147 الف و نصف يا باشا و دي زيرو كانت ب 167 الف