شاركوني لو سمحتوا اشتري اوكتافيا a4 مستعمله و لا كيا سيراتو جديده

[solly1979]

انا كنت فى نفس الحيرة دة من 5 شور كان معايا 90 الف ونازل اشترى
كنت مقرر انى اشترى مستعمل كسر سنه واحدة وبالكتير 20 الف كيلو
وكنت قايل لنفسى ياما لانسر 2008 او سياتوا 2008 اما الاوكتافيا ماكنتش فى الختيار خالص لان الاوتوماتيك 2006 كان ب 100 وانا مش عايز انزل بالموديل بس انا بحب الاوكتافيا اوى وميال ليها جامد
وكنت بفكر بردة اشترى نيو اكسنت او سيراتو الشكل الاقديم زيرو
بس الحمد لله جبت اوكتافيا ايه 4 موديل 2003 وكل الناس الى يعرفونى مش مصدقين انى هركب 2003 لانى ياما بجيب زيرو او كسر سنه
انا تعبت مع العربيه شويه اول شهرين لانى غيرت فيها حاجات فى العفشه وعملت صيانه كامله وكاوتشات ومكنتش اعرف مراكز خدمه كويسه من الاخر صرفت 5 الاف
بس ماشاء الله سواقه الاوكتافيا حاجه تانيه وثباتها على الطريق وانت مسافر ماشاء الله
لايقارن بالكورى انا ركبت ال نيو اكسنت والانتر كله بعد ال140 هوا على الطريق مافيش ثبات

بس ارجع وققلك لو انت مش غاوى تصليح فى العربيات ومش عايز وجع دماغ من المكانيكيه و مش بتاع جرى فوق ال 150 اتكل على الله وجيب زيرو راحه بال لمدة لا تقل عن 4 سنين

[Fadi Ezzat]

ليه يا استاذ فادي ده انا كنت اتقريت علي السيراتو خصوصا ان سعرها نزل شويه

معذره يا استاذ فادي كان لازم الاول اشكرك علشان انا استفدت كتير من مشاركاتك بخصوص السكودا علشان انا مهتم بالعربيه

وكمان اللي مخليني افكر في السيراتو انها هتبقي جديده

تشكرنى على اية ياباشا احنا اخوات
انا عارف ان السيراتو هتبقى جديدة وكدة يعنى
بس لو هتهدل العربية انصحك تبعد وهات اوكتافيا
طالما بهدلة يبقى اوكتافيا

[Ahmed15]

أنا أرى ... أوكتافيا
1. المتانة مهمة مع سوء أخلاق الناس و عصبيتهم و الزحام
2. الزيرو بيخسر كتير .. المستعمل خسر و خلاص
3. النهارده حالة السيراتو اجمل .. بعد خمس سنين غالبا الأوكتافيا الي جبتها مستعملة النهاردة أفضل
4. الأوكتافيا لو حبيت تغيرها مش هيكون صعب لكن صعب تجيب زيروا و تغيرها بسرعة (مرتبط ب 2)
5. أما موضوع احتمال وجود عيب في المستعمل .. دا كلام صحيح جدا و مهم و يمكنك تقليل احتماله (و ليس الغاؤه) بالفحص الجيد و التأني في الشراء.
و أهم من كل هذا .. لا تنسى الاستخاره فما خاب من استخار و ما ندم من استشار.
وفقك الله

[amirmsamir]

السلام عليكم الاول انا كنت عاوز اقولك ان فى فرق كبيييييييييييير بين عربيه ألمانى و عربيه كورى بس بصراحه وعن تجربه انا اخويه كان محتار فى الاول بين الاوكتافيا والسيراتو واستقلا على السيراتو بس اللى لازم تحطوا فى دماغك ان السيراتو كشكل احلى بكتير من الخارج والداخل تحفه انا لما سوقتها وشديت بيها كانت جامده اوى والتيبترونيك جامد لما قلبتها مانيوال كان السحب بتاعها حلو اوى اوى وغير كده السيراتو الجديده رياضيه وشبابى اوى اوى لكن الاوكتافيا مش شبابى وتقيله

[Ahmed15]

حرام تدفع ما يقارب ال100000 فى سيارة مستعملة

أنا سألت شيخ في الموضوع ده و قال لي لا مش حرام و لا حاجه

[Eng.Sameh]

أنا سألت شيخ في الموضوع ده و قال لي لا مش حرام و لا حاجه

ههههههههههههههههههههههههههههههههههههههههههههههه

جامدة دي

[Ahmed15]

ههههههههههههههههههههههههههههههههههههههههههههههه

جامدة دي

شكرا