ايه حكاية الاوكتافيا مع الاسكندرنيه!!!!!!!!

[abo samra]

انا لاحظت اثناء تواجدى فى اسكندريه تواجد غير عادى للاسكودا اوكتافيا مقارنة بالعربيات اللى فى نفس فئتها
يعنى مثلا الفانتزيا على الرغم انى نادرا لما بشوفها فى القاهره الا انها موجود كثير قوى منها فى اسكندريه
الجيتا شبه غير موجوده هى والسيفيك والكورولا للانسر الشارك تواجدهم قليل مش زى العاده ابدا
ده طبعا غير القاهره اللى كله بيجيب الجيتا ونادرا لما حد يجيب الاوكتافيا
نفسى اعرف بقا ايه السر!!!!!!!!!!!
طبعا كدا اى حد عنده سكودا اوكتافيا يروح يبيعها فى اسكندريه علشان تجيبله سعر عالى
تحياتى

[abou_ruqi]

الأوكتافيا في اسكندرية هي العربية رقم 1 في إعادة البيع وأحسن من الكورولا و اللانسر و اللانوس

وعلى فكرة كل محافظة ليها المراكت الشهيرة

زي مثلا في الدقهلية (بالذات ميت غمر) كل الناس راكبه أوبل بكل أنواعه ومش فاكر فين ما يعرفوش غير الهيونداي و هكذا

[Fadi Ezzat]

فعلا الاوكتافيا رقم اوحد فى اسكدرية
كنت بقعد مع كذا واحد فى اسكندرية
واسمه منهم بعتبرو الاوكتافيا الكامرى فى السعودية ويمكن اكتر كمان

[EslaM_NagY]

وبرضو التاكسيات فى اسكندرية مفيش غير لادا مش عارف ليه.

[M.Osman]

بصراحة انا هنا قي المنصورة شايف ان الكورولا الجديدة بقت موجودة بهبل!!
الأوكتافيا موجودة كتير جداً بس بصراحة هتجنن من انتشار الكورولا اللي في نظري مجرد تقليد اعمى

[KHALED AYMAN]

الاوكتافيا مش بس كده فى اسكندريه ....
هنا فى المحله الكبرى ....
كل فتره المحلاويه يمسكو فى عربيه ميسيبوهاش .....
فضلو ماسكين فى الفيكترا لحد لما وقفت فى 2003 ....
اشتغلو فى ال a4 ...
لحد ما نزل ال a5 .......
دلوقتى مفيش واحد فى المحله مش معاه اوكتافيا ......
غالبيه الناس هنا معاهم a5 و عربيه صغيره كمان .........
خصوصا اصحاب المصانع (غالبيه المحلاويه).......
ده فى واحد من المحله فتح مركز خدمه معتمد لسكودا عندنا هنا ........
الغريب ان كل المحلاويه بشوفهم فى نور الدين شريف بتاع اسكندريه .....
و محدش بيروح المركز الى هنا .....