المياة الحمراء فى الاوكتافيا a4

[solly1979]

السلام عليكم
انا عندى سؤال يا شباب
موضوع المياة الحمراء الى فى العربيه
انا اول ماشتريت العربيه كانت محطوط فيها مياة عاديه (مستعمله)
رحت البنزينه وغيرتها ل مياة خضراء بقالى 10 سنين بعمل كدة فى كل العربيات
المهم لما رحت اعمل صيانه بعدها بشهر كدة الراجل قالى دة غلط شيل وهات مياة حمراء وكملها مياة مقطرة
المهم العربيه الحمدلله فى الحالتين السخونيه كويسه 90
بس انا كنت بحس بالمياة الخضراء بتاخد وقت عبال ماتيجى لل90 بعكس المياة الحمراء بتيجى بسرعه شويه

المهم رحت شارع دمشق اجيب مياة حمرء تانى اعمل دورة للمياة
قلولى هتلقيها عند بتاع المرسيدس
رحتله قالى دة مياة مش بتاعه الجوة بتاعنا دة بتاعه اوربا وفعلا قريت التعليمات الى على العلبه
لقيت الجو لو كان -3 حط 20% ولو -10 حط 30% وهكذا يعنى فعلا مش لجو مصر خالص ولقيت عندوا مياة زرقاء بتاعه مرسيدس وبردة بكملها مياة مقطرة

معلش لو كنت طولت عليكوا بس الموضوع مهم واحنا فى الصيف

حد جرب المياة الزرقاء بتاعه المرسيدس و لا افضل بالحمراء زى منا
ارجوا الافادة

[inspiron]

باشا أنا عربيتي a4 مستوردة ولما جيبتها فعلا كان فيها ماء حمراء وغيرتها بخضراء لأن فعلا دي المناسبة للجو بتاعنا في الصيف..تحياتي

[Fadi Ezzat]

على فكرة مش هتفرق خالص خالص
هبل فى هبل صدقونى
حك حمراء خط خضراء حط زرقاء حط مشكل
هيا هيا اهم حاجة تبقى العربية مرتاحة معاك
ومتوصلش لبعد 90
دى اهم نقطة
وبردة لازم تحرس انك متحطش مية من الحنفية لانها بتبقى مليانة رواسب
على فكرة المية دى هيا الى احنا بنشربها هههههه
تخيل بتعمل اية فى دورة الردياتير امال بقى بتعمل اية فى جسمنا

[solly1979]

ماشى يا باشا هى فعلا مش فارقه
بس انا مجرب الخضراء والحمراء مع الحمراء المروحه شغاله على السرعه التانيه 24 ساعه
بس بال خضراء الدنيا مريحه شويه على الاقل المراوح بتريح وفى الحالتين 90
انا مش عارف ايه الصح فى الاسكودا

[Fadi Ezzat]

الحمراء الصح فى الاسكودا