قدر الله ما شاء فعل

[inspiron]

وأنا راجع من رحلة النظافة اللي ملحقتش أتهني ولا أفرح بيها.كنت في البحر الأعظم والطريق واقف.وأنا في حالي لا بيا ولا عليا كده .....دييبببب...آآآآآآآآآه .

نزلت لقيته واد سواق نص نقل ببص علي العربية لقيت الإكصدام من ناحية اليمين متقشر و في حتة إتكسرت منه والباكيته السودة اللي بعرض الإكصدام دي طلعت لبرة.بسأل الواد معاك رخصة قاللي لا.قولتله إنت هتبات في القسم النهاردة يابن كذا كذا كذا.قاللي أنا هصلحهالك يا باشا.طبعا بما إننا شعب معندوش دم ولا صبر كله عمال يدي كلاكسات الواد يقولي هركن علي جنب وأجيلك راح راكب العربية و طااااااار حتي ملحقتش أخد النمر.حسبي الله ونعم الوكيل.بعد ما كانت العربية عروسة ماشية علي الطريق.أنا بجد حزين و قلبي واجعني من الحادثة دي و مش هقدر أصلحها اليومين دول و شكلها بقي وحش.

[Fadi Ezzat]

ماتزعلش ياباششا دة ربنا عايز كدة
ممكن لو كنت كملت طريققك من غير اما تتخبط وتتعطل شوية
كنت عملت حادثة لقدر اللة

قول بس الحمد للة
واعرف ان ربنا بيعمل الصح على طول

[inspiron]

الحمدلله يا باشا.قدر و لطف..المهم دلوقتي ناقص حاجة واحدة أعالجها في العربية بس عايز أعرف ده إيه.وأنا ماشي بيها بحس إنها خشنة أوي.وفي صوت ونة كدة غريب بيعمل معرفش جاي منين.تحس كدة إن الدريكسيون والدواسات خشنين مش عارف ليه.

[Fadi Ezzat]

تقصد اية بخشنين علشان ليها كذا معنى

[inspiron]

عارف لما تمشي بالعربية علي أسفلت خشن كده.نفس الإحساس ده بس موجود علي طول بقي.وفي الطلعة تحس في صوت خبط ضعيف كده بعدين يروح.لكن اللي موجود برضه علي طول صوت الونة ده مش عارف ده إيه برده

[Fadi Ezzat]

انا هردلك على الموضوع دة بكرة ان شاء اللة

[modiabbas]

معلش يا باشا الحمد لله على كل شئ انا برضه العربيه اتخبطت النهارده الصاج من فوق الكاوتش اليمين قدام اتكحت عربيه 2009

[adel1414]

ماتزعلش ياباششا دة ربنا عايز كدة
ممكن لو كنت كملت طريققك من غير اما تتخبط وتتعطل شوية
كنت عملت حادثة لقدر اللة

قول بس الحمد للة
واعرف ان ربنا بيعمل الصح على طول

....لاقدر الله...............الحمد لله

[elgabry1977]

قدر الله و مشاء فعل

[محمد محمد]

يطير زى ما هو عايز هيروح من ربنا فين

[Hondawy_2008]

وأنا راجع من رحلة النظافة اللي ملحقتش أتهني ولا أفرح بيها.كنت في البحر الأعظم والطريق واقف.وأنا في حالي لا بيا ولا عليا كده .....دييبببب...آآآآآآآآآه .

نزلت لقيته واد سواق نص نقل ببص علي العربية لقيت الإكصدام من ناحية اليمين متقشر و في حتة إتكسرت منه والباكيته السودة اللي بعرض الإكصدام دي طلعت لبرة.بسأل الواد معاك رخصة قاللي لا.قولتله إنت هتبات في القسم النهاردة يابن كذا كذا كذا.قاللي أنا هصلحهالك يا باشا.طبعا بما إننا شعب معندوش دم ولا صبر كله عمال يدي كلاكسات الواد يقولي هركن علي جنب وأجيلك راح راكب العربية و طااااااار حتي ملحقتش أخد النمر.حسبي الله ونعم الوكيل.بعد ما كانت العربية عروسة ماشية علي الطريق.أنا بجد حزين و قلبي واجعني من الحادثة دي و مش هقدر أصلحها اليومين دول و شكلها بقي وحش.

قدر الله و ما شاء فعل انشاء الله ترجع زي الأول بس أكيد الواد ابن التيت ده كان معاه رخصة وقالك لأ عشان متقفشوش

[inspiron]

الحمدلله عملتها و رجعت زي الأول الحمدلله