3adad el RPM!!!

[kalmah]

ana 3ande fe el skoda M97
3adad el RPM bay3od yal3b ma3 nafso we ana fe el more
aw law 3ala el 1 we bados faraml
dah 7alo eh wala eh el 3ieb beta3o?

[hazem_khidr]

الترجمه :
انا عندي في السكودا موديلب 97 عداد ال rbm بيقعد يلعب مع نفسه و انا في المور او لو علي الاول و بدوس فرامل
دا حله ايه ولا ايه العيب بتاعه؟؟؟


عن نفسي ما اقدرش افيدك

[z_chainsaw]

شوف يا مان أعتقد أن دا عيب فى اللإسبراتير أو مفيش إنتظام فى الكهرباء أنا العيب دا كان عندى فى OPEL VECTRA ولما غيرت شاكوش الإسبيراتير أتعدل

[dado_256]

انا برضو معايا فليشيا وبتعمل نفس الحركه ديه ونفسى اعرف ايه الحل

[hosiny]

ده بيبقى سببه حاجة من الأثنين:
حساس الحرارة عاوز يتغير
فيه تنفيس فى خراطيم الهوا

[XPLod]

وانا كمان عندى نفس المشكله وغيرت الاسبراتير خالص وجبت واحد جديد وبرضه نفس المشكله ... وكمان غيرت خراطيم الهوا ...

لو حد حلها يفيدنا يا جماعه ..

[SCORPION]

انا كمان نفس المشكلة على فكرة لكن مبيلعبش وانا دايس بنزين ابدا ، لو فيه حل يا ريت حد يفيدنا

[dado_256]

انا عملت عمره موتور وظبط الاسبراتير اتظبط وعلى ما اعتقد انه كان السبب هو الكاتينه عشلن كانت مبوشه وبتخبط فهيا ديه اللى بتلخبط العربيه ده على ما اظن يعنى والله اعلم

[amreldieb]

حل مشكلة عداد ال Rpm

انا كان عندي مشكلة في عداد ال Rpm برضه , فليشيا 97 و الحمد لله حلتها.
المشكلة ان العداد ماكنش بيشتغل الا لما ادوس بنزين جامد و فجأة يروح ناطط على 40.
المهم قررت اجازف و افك التبلوه و انظف العداد ب Wd40 و اجرب و لكن المشكلة طلع حلها في حاجة تانية. انا هاحاول اشرح الخطوات الي عملتها:
1- هاتفك مسامير التابلوه و دول ممكن تعرف مكانهم من الكتالوج الي كان اتبعت قبل كدة... هما حوالي 5 مسامير .. 2 عند الزراير بتاعة الشبورة و الانتظار ... تشيل براحة البلاستيك الي مكمل شكل الزراير ف اليمين و الشمال... و نفس الكلام عند الزرار بتاع النور الوسط الي على شمال السواق... يبقى كده 3 مسامير... الباغة الي مفروض يكون راكب فيها مؤشر درجة حرارة الجو الخارجي و الي بتتخرم و يركب فيها ال Led بتاع جهاز الانذار الي على شمال السواق , ده وراها مسمار كمان ... يبقى 4 مسامير ... فاضل حتة البلاستيك الي حوالين العجلة الي بتفتح و تقفل الهواية الي في النص ...

2- يستحسن تفك الدركسيون علشان تعرف تفك التابلوه برحتك

3-افتح الكابوت و فك عداد السرعة من الفتيس علشان السلك بتاعه على قد المسافة للتابلوه... و كده اسهل علشان و احنا بنرجع التابلوه تاني لازم نتأكد السلك راكب كويس

4- حاول تشد التابلوه واحدة واحدة كدة لحد ما تقدر توصل للكابلات الي وصلا فيه و افصلها كلها علشان تقدر تتطلع التابلوه كله بره... الكابلات كلها ملونة و متقلقش هاتعرف تركبها تاني بسهولة

5- هتلاقي 2 كليبس كدة معدن ممكن تفكهم بسهولة و بعدين تفك مجموعة العدادات من وش التابلوه البلاستيك و تركنه على جنب

6- بعد كده هتلاقي مجموعة كليبسات سودة ماسكة وش العدادات البلاستيك الشفاف و مجموعة العدادات نفسها ... فكهم براحة لحد ما تفصل الاثنين عن بعض...

7- دلوقتي احنا وصلنا للمؤشرات بتاعة العدادات... هتلافي حتة بلاستيك سودة مغطية على البوردة بتاعة العدادات مثبتة بحوالي 6-7 مسامير ... فكهم و شيل البلاستكة ده ... وده اخر حاجة هانفكها ان شاء الله..

8- الي حصل معاياه اني فكرت افك عداد الrpm من البوردة علشان انظفه كويس و لقيت مسمار و صمولة رابطينه في البورده ... طبعا معرفتيش افكه و رجعت الصمولة تاني وانا محبط و قلت اجرب كدة ليكون فيه حاجة باظت ... ركبت الكابلات و دورت العربية و فوجئت ان العداد شغال زي الفل ... حبيت افهم الي حصل قمت مهوي الصمولة تاني و لقيت العداد ام مهيس تاني زي الاول ... قمت ربطت الصمولة و اتأكدت انها السبب لما لقيت العداد اتظبت تاني ... فقلت يبقى الصمولة ده هي المشكلة و اتفكت من المطبات و كدة ...
9- المهم رجعت كل حاجة زي الاول و الحمد لله العداد شغال زي الفل بقاله كام يوم اه...

انا قلت اشارك التجربة ده معاكم و اعرف رأيكم ايه برضوه ...

[Ramy_Ali]

ممتاز ومرجع جميل

[MOHAMED ABD EL SHAFY]

اوووووووووووف
جامد جدا شرح التابلوة
الف شكر ياباشا على المجهود

[amreldieb]

الحمد لله ان التجربة نجحت و الحمد لله ان الموضوع عجبكم :k49: