المساحة الورانية طارت بتاعت الa5

[marawansabry]

امبارح وانا على الدائري سمعت صوت تكة في العربية .. المهم مخدتش في بالي وبعد لما روحت ببص وراة ملقتيش الريشة بتاعت المساحة الورانية ولا المفصلة بتاعتها .. لقيت الدراع الحديد اقرع كدة لوحدة .. هي بصراحة كانت المفصلة فيها جزء مقطوم من جوة وانا اللي مجبتش مطرحة.

في التوكيل لما اشتريت العربية قالولي ان المساحات اللي نازلة مع العربية مساحات مرنة ميش بتتباع برة .. وبعد لما تبوظ هتشتري مساحات عادية ميش مساحات ذي اللي العربية نازلة بيها.

ميش عارف الكلام دة صح ولا غلط .. وبعدين ممكن اشتري منين المفصلة بالريشة بتاعت المساحة الورانية .. لو في حد قريب في المعادي يبقي ياريت علشان مدخش .. ولو حد يعرف تمنها كام بالظبط .. وهو افضل اجبها من برة ولا من التوكيل لان دي حاجة خايبة متهيألي.

سؤال كمان معليش .. مين الناس المشهورة الكويسة اللي بتبيع قطع غيار اسكودا وهما احسن ولا التوكيل؟

وشكرا للناس الحلوة بتاعت اسكودا.

[NaderNabil]

ريشة المساحة الخلفية المرنة سعرها في التوكيل 35 جنيه

أعتقد المساحة كلها في حدود 150 جنيه...

قطع الغيار هتلاقيها في شارع دمشق أو أمام التوكيل نفسه في دير الملاك...فيه كذا واحد بتاع قطع غيار سكودا حديث

[modiabbas]

انا كنت اتصلت بيهم من شهر اقلهم على المساحه قالولى 50 جنيه و على فكره مفيش ولا عربيه a5 مساحتها مش واقعه
انا بتعتى الريشه وقعت قمت ربطها بسلك اسود و مش بتفك خالص

[marawansabry]

ريشة المساحة الخلفية المرنة سعرها في التوكيل 35 جنيه

أعتقد المساحة كلها في حدود 150 جنيه...

قطع الغيار هتلاقيها في شارع دمشق أو أمام التوكيل نفسه في دير الملاك...فيه كذا واحد بتاع قطع غيار سكودا حديث

شكرا يا باشا على سرعة الرد .. بس هو دا تمنها بالمفصلة اللي بتركب في جسم المساحة ولا لا .. معليش بقي بالمرة هو شارع دمشق دا فين .. وفي حد معين اروحلة ولا اي حد هناك بتاع اسكودا.

[marawansabry]

انا كنت اتصلت بيهم من شهر اقلهم على المساحه قالولى 50 جنيه و على فكره مفيش ولا عربيه a5 مساحتها مش واقعه
انا بتعتى الريشه وقعت قمت ربطها بسلك اسود و مش بتفك خالص

انت تقصد المساحة الورانية ولا بتاعت قدام .. وبعدين انا شفت ناس حطةالمساحة الورانية ميش مرنة .. مساحة شكلها كبير وسخيف بس ممكن متهيالي تستحمل.

[NaderNabil]

انت تقصد المساحة الورانية ولا بتاعت قدام .. وبعدين انا شفت ناس حطةالمساحة الورانية ميش مرنة .. مساحة شكلها كبير وسخيف بس ممكن متهيالي تستحمل.

متركبش حاجة مش بتاعة العربية و يبقي شكلها وحش..

[NaderNabil]

شكرا يا باشا على سرعة الرد .. بس هو دا تمنها بالمفصلة اللي بتركب في جسم المساحة ولا لا .. معليش بقي بالمرة هو شارع دمشق دا فين .. وفي حد معين اروحلة ولا اي حد هناك بتاع اسكودا.

ال ب 35 دي الريشة المرنة فقط...
معرفش المساحة كاملة بكام

شارع دمشق في مصر الجديدة...بعد ما تعدي الترماي اللي قدام كنيسة البازليك...

في هناك فتح الباب...بيجيب حاجات السكودا...بس هتلاقي كذا واحد هناك تاني...لو إتمشيت علي رجلك هتلاقي علامات سكودا كتير في المنطقة

[KHALED AYMAN]

الريشه و الحته الى بتمسكها فى الجسم بتاع المساحه تمنها..65 جنيه فى التوكيل ..
بس الكلام ده كان سنه 2005 ..
اكيد سعرها نزل اليومين دول ..

[modiabbas]

انت تقصد المساحة الورانية ولا بتاعت قدام .. وبعدين انا شفت ناس حطةالمساحة الورانية ميش مرنة .. مساحة شكلها كبير وسخيف بس ممكن متهيالي تستحمل.

انا اقصد اللى ورا و زى ما قال خالد بى 65 هى سعرها نزل بقى بى 50

[Fadi Ezzat]

المساحة موجودة ياباشا مفيش مشاكل وفى التوكيل
هما بس تلاقى مش عندهم فبيجيبو حجج

[NaderNabil]

كنت في خرابة أرتوك أوتو النهاردة بنعمل صيانة ال60000

سألت علي ريشة المساحة الامامية لمجرد ان اللي عندنا مبقتش تمسح كويس قوي....
بكام يا سيدنا الأفندي؟؟؟؟؟؟؟؟؟؟؟؟؟؟؟

الواحدة ب 145 جنيه!!!!

و إلي اللقاء في موضوع خرابة أرتوك اوتو...

[Fadi Ezzat]

كنت في خرابة أرتوك أوتو النهاردة بنعمل صيانة ال60000

سألت علي ريشة المساحة الامامية لمجرد ان اللي عندنا مبقتش تمسح كويس قوي....
بكام يا سيدنا الأفندي؟؟؟؟؟؟؟؟؟؟؟؟؟؟؟

الواحدة ب 145 جنيه!!!!

و إلي اللقاء في موضوع خرابة أرتوك اوتو...

حلوة حكاية خرابة ارتوك اوتو دى

[marawansabry]

شكرا لكل الناس الجميلة اللي شاركت وسعدتني .. هي المساحة بعد السؤال في معظم المحلات اللي في شارع دمشق ميش موجودة الا في محل واحد بس (ميش فاكر اسمة والله دلوقتي) .. وفي واحد تاني قال انها هتيجي بكرة .

المهم المساحة الماني ومحطوط عليها علامات (اسكودا وفلكس واودي وسيات) وتمنها بالمفصلة اللي بتركب في جسم المساحة 75 جنية وبالمحيلة والفصال بالعافية 70 حنية .. وعلى فكرة هي هي اخت اللي كانت عندي وطارت .. والراجل قال هو انا مجنون علشان ابيع اغلى من التوكيل كدة اقفل المحل بقي واروح .. المهم هاعمل اية الحمد لله اشتريتها .. ويارب متطرش تاني .. وهي العربيات دي كدة المسمار اللي فيها بشئ وشويات الحمد لله .. اللي عايز رفاهية يتحمل تمنها.

:b4_388:

[NaderNabil]

شكرا لكل الناس الجميلة اللي شاركت وسعدتني .. هي المساحة بعد السؤال في معظم المحلات اللي في شارع دمشق ميش موجودة الا في محل واحد بس (ميش فاكر اسمة والله دلوقتي) .. وفي واحد تاني قال انها هتيجي بكرة .

المهم المساحة الماني ومحطوط عليها علامات (اسكودا وفلكس واودي وسيات) وتمنها بالمفصلة اللي بتركب في جسم المساحة 75 جنية وبالمحيلة والفصال بالعافية 70 حنية .. وعلى فكرة هي هي اخت اللي كانت عندي وطارت .. والراجل قال هو انا مجنون علشان ابيع اغلى من التوكيل كدة اقفل المحل بقي واروح .. المهم هاعمل اية الحمد لله اشتريتها .. ويارب متطرش تاني .. وهي العربيات دي كدة المسمار اللي فيها بشئ وشويات الحمد لله .. اللي عايز رفاهية يتحمل تمنها.

:b4_388:

السعر ده تحفة أساساً!!!!!

انا جايب المساحة الخلفية بتاعة البيكانتو كاملة برضو...و الأصلي...ب 90 جنيه!!!!!